හය වසරකට පෙර පොලිස් වෙඩි පහරින් මහ මග මරා දැමුණු උපාධි අපේක්ෂක සගයන් දෙදෙනකු යාපන සරසවි සිසුන් විසින් අනුස්මරණය කර තිබේ.



හිටපු ජනාධිපති මෛත්‍රිපාල සිරිසේන සහ වත්මන් ජනාධිපති රනිල් වික්‍රමසිංහ දෙපළගේ නායකත්වයෙන් යුත් යහපාලන ආණ්ඩුව පැවති 2016 ඔක්තෝබර් 20 වැනිදා රාත්‍රියේ කොකුවිල්, කුලප්පිට්ටි මංසන්ධියේදී යාපන සරසවියේ සිසුන් දෙදෙනෙකු මරා දමා තිබුනේ පොලීසිය වෙඩි තැබීමෙනි.

එවක පොලිසිය බාර අමාත්‍යවරයා වූයේ වත්මන් ජනාධිපති කාර්ය මණ්ඩල ප්‍රධානී සාගල රත්නායකයි.

22 හැවිරිදි කිලිනොච්චියේ පදිංචි කරුවෙකු වූ නඩරාසා ගජන් සහ  යාපනයේ අලවෙඩ්ඩි, කන්දරෝඩෛ හි පදිංචි 24 හැවිරිදි විජයකුමාර් සුලක්‍ෂන් ගේ ඝාතනය ගැන සරසවි සිසුන් ඇතුළු මහජනතාවගේ විරෝධය හේතුවෙන් උප පොලිස් පරීක්ෂකයකු ඇතුළු පස් දෙනෙකු සැකපිට අත්අඩංගුවට ගෙන අධිකරණ නියෝග මත රිමාන්ඩ් භාරයට පත් කෙරිණි. එහෙත් ඔවුන්ට එරෙහිව පොලිසිය විසින් කිසිදු පියවරක් ගෙන තිබුනේ නැත.



පොලිස් වෙඩි තැබීම නීති විරෝධී බව පොලිස් කොමිසමේ ප්‍රධානියා විසින් කියා තිබුනද  ‘අවශ්‍ය තැනට අවශ්‍ය බලය අවම බලය’ යොදා ඇති බව ප්‍රකාශ කළ එවකට පොලිස්පති පූජීත් ජයසුන්දර දන්වා සිටියේ රාජකාරියේ නිරතව සිටියදී ‘අතපසුවීමකින්’ වෙඩි තැබීම වාර්තා නොකර සිටීම සම්බන්ධයෙන් පරීක්ෂණයක් පවත්වා විනයානුකූල ක්‍රියාමාර්ග ගන්නා බවයි.



ගජන් - සුලක්ෂන් ඝාතනයට යුක්තිය ඉටු නොවුණු හය වැනි වසරටත් සහෝදර යාපන සරසවි සිසුහු ඉකුත් 20 වැනිදා ඔවුන්ගේ සේයා රූ ඉදිරියේ මල් පුදා පහන් දල්වා දැක්වුහ.

xgbdfyh

 

subscribeYT

WhatsApp Image 2021 09 13 at 13.49.58