පාර්ලිමේන්තුවේ ඩයනා- නලින් ගැටුම ගැන දීප්තිගෙන් ප්‍රකාශයක්

 ඩයනා ගමගේ මන්ත්‍රීවරිය සම්බන්ධයෙන් සිදුකළ  අපහාසාත්මක ප්‍රකාශය හෙළාදකින බව සමබිම පක්ෂයේ නායක දීප්ති කුමාර ගුණරත්න පවසයි.

ඔහු එම කාරණය අවධාරණය කර සිටියේ සමාජ මාධ්‍යවෙත විඩියෝවක් නිකුත් කරමිනි.

සමබිම පක්ෂයේ නායක දීප්ති කුමාර ගුණරත්න  සමගි ජන බලවේගය පක්ෂ  විනය පිළිබඳ  ප්‍රශ්නකර සිටියේය.

 

'අපි දැක්කා ලංකාවේ අයවැය විවාදයට පස්සේ අයවැය තුන්වැනි වරටත් සම්මත කරපු ඒ පාර්ලිමේන්තු අවස්ථාවේදී විපක්ෂ නායක සජිත් ප්‍රේමදාස මහතාගේ පක්ෂයේ පාර්ලිමේන්තුවේ  කණ්ඩායම් නායකයෙක් වන නලින් බණ්ඩාර මන්ත්‍රීවරයා ඩයනා ගමගේ මන්ත්‍රීවරිය සම්බන්ධයෙන් ඉතාම අපහාසාත්මක ප්‍රකාශයක් කරා.

 

මම දැක්කේ නෑ ඊට පස්සේ පත්තරේ හරි කොහේ හරි සිදුවීම සම්බන්ධයෙන් ඒ පිළිබඳව හෙළා දැකීමක් කරලා තිබෙනවා. ඒ විතරක් නෙමෙයි ජලනි ප්‍රේමදාස මැතිනියත් සාමාන්‍යයෙන්   feminist  කෙනෙක් හැටියට තමයි අපි දන්නේ.  ස්ත්‍රීවාදිනියක් හැටියට අපි දැක්කෙ නෑ  ඇයගෙනුත් ඒ සම්බන්ධ විවේචනයක්. ඒ නිසා පක්ෂයක් හැටියට සමබිම පක්ෂයේ අපි ඒ නලින් බණ්ඩාර පිරිමියෙක් හැටියට, සාමාන්‍යයෙන් කුරුණෑගල පිරිමින්ට තියෙන දෙයක් තමයි එක අන්තයකට යනවා එහෙම නැත්තං තවත් අන්තයකට යනවා. හිංසනීය අන්තය සහ වන්දනීය අන්තය.

 

 සමහර විට පිරිමි ගැහැණු ගන්නකොට පිරිමියෙකුගේ පැත්තෙන් ගත්තාම පිරිමියකු එක්කෝ වන්දනීය පැත්තකට යනවා එහෙම නැත්නම් හිංසනීය පැත්තකට යනවා. එතකොට සජබෙ මේ ගිහිල්ලා තියෙන්නේ හිංසනීය පැත්තට. ඒ කියන්නේ සමගි ජන බලවේගය ස්ත්‍රීන්ට සලකන විදිහ.

 

මතුපිටින් කොයිතරම් කතා කරත් හිරුණිකා ප්‍රේමචන්ද්‍ර කොයිතරම් කාන්තා අයිතිවාසිකම් ගැන කතා කරත්. පක්ෂයේ විනයක් නැහැ ගෑහැනු සම්බන්ධයෙන් කතා කරන විට. ඒක තමයි අපිට පේන්නේ.  අපි ඒක හෙළා දැකිය යුතුයි.

අපි අහන්න ඕනේ ඒ පක්ෂයේ අපේ යාලුවෝ ඉන්නවා එයාලගෙන් මේ සම්බන්ධව කතා කරන්නෙ නැද්ද කියලා. මොකද ඒක ලිංගික වශයෙන් ඉතාම හානිකර දෙයක්. ලංකාවේ එක්සත් ජාතීන්ගේ සංවිධානය තියනවා මානව හිමිකම්, කාන්තා හිමිකම් පිළිබඳ සංවිධාන තියෙනවා. INGO තියෙනවා NGO තියෙනවා . අපි බලා සිටිනවා මේ සම්බන්ධයෙන් හෙළා දැකීමක් හෝ විවේචනයක්.

ස්ත්‍රීන්ට මෙහෙම අපහාස කිරීම අසමානතාවය මතු කිරීම සහ මුඛයෙන් වචනවලින් ප්‍රචණ්ඩත්වය ප්‍රකාශ කිරීම සම්බන්ධයෙන්  සමබිම පක්ෂයේ  අපි ඒ නලින් බණ්ඩාර අශීලාචාර කුරුණෑගල පිරිමියා කිව්ව දේට විරෝධය පානවා.

 

 

''ඒ නීච කතාව හැමෝම හෙලාදකින්න ඕන'' - උවිඳු කුරුකුලසූරිය

නලීන් බණ්ඩාර මන්ත්‍රීවරයා ඩයනා ගමගේ මන්ත්‍රීවරිය සම්බන්ධයෙන් කළ ප්‍රකාශය පිළිබඳව ජ්‍යෙෂ්ඨ මාධ්‍යවේදී උවිඳු කුරුකුලසූරිය සිය  ෆේස්බුක් පිටුවේ මෙසේ සඳහන් කර තිබේ.

''නලීන් බණ්ඩාර එයාව ගොඩක් අය පෙරල ගත්ත කියල කිව්ව කතාව අපි හෙලා දකින්න ඕන. දික්කාසද කීයක් කර ගත්තත්, ලවර් එක්ක ජීවත් උනත්, ගොඩක් අය පෙරල ගත්ත කියන නීච කතාව හැමෝම හෙලාදකින්න ඕන. එයා පිරිමින්ව පෙරලගෙන ගිය චරිතයක්.''