මේ වන විට අගමැතිවරුන් හය දෙනෙකු යටතේ සේවය කර ඇති ඔහු පළමු වරට අගමැති නිල නිවසේ සේවයට පැමිණ ඇත්තේ අගමැති ඩේවිඩ් කැමරන් සමයේය.
ඒ වන විට ලැරීගේ වයස අවුරුදු 4කි. අළු සහ සුදු පැහැයෙන් යුතු ලැරී ලන්ඩනයේ බැටර්සී සුනඛ සහ බළලුන් අලෙවිකරන මධ්‍යස්ථානයේ සිට 2011 පෙබරවාරි 15 වන දින ඩව්නිං වීදියේ පදිංචියට පැමිණියේය.
ලැරී අගමැති කාර්යාලයේ ප්‍රධාන මීයන් අල්ලන්නා ( Chief Mouser) යන නිල නාමය දරයි.
ඔහුගේ මීයන් ඇල්ලීමේ රාජකාරියට අමතරව අගමැති නිල නිවෙසට පැමිණෙන අමුත්තන්ට ආචාර කිරීම, ආරක්ෂාව පරීක්ෂා කිරීම සහ පෞරාණික ගෘහ භාණ්ඩ තමාට නිදාගැනීමට සුදුසුදැයි පරීක්ෂා කිරීම වැනි රාජකාරි ද අයත් යැයි එක්තරා වෙබ් අඩවියක් සඳහන් කර ඇත.
නිදහසේ සැරිසරන, මේ වන විට 19 හැවිරිදි ලැරී අගමැති නිල නිවෙසට පැමිණෙන රාජ්‍ය නායකයින්ගේ සහ මාධ්‍ය ඡායාරූප ශිල්පීන්ගේ සුරතලෙකි.
( lankalokaya | ප්‍රියන්ජන් සුරේෂ් ද සිල්වා)
