විපක්ෂ නායක සජිත් ප්‍රේමදාසගේ පෞද්ගලික ලේකම්වරයා ලෙස නීතිඥ රවී ජයවර්ධන පත්කර ඇත. 

මාදුළුවාවේ සෝභිත නා හිමියන් විසින් ගොඩනැගු 'සාධාරණ සමාජයක් සඳහා වු ජාතික ව්‍යපාරයේ' ප්‍රධානියකු වන  රවී ජයවර්ධන,  මාදුළුවාවේ සෝභිත නා හිමි අනුස්මරණ පදනමේ සභාපතිවරයා ද වේ.

වෘත්තියෙන් නීතිඥවරයෙකු වන රවී ජයවර්ධන කලක් හොරණ එජාප සංවිධායකවරයා වශයෙන් කටයුතු කළ අතර 'දුෂණ විමසුම' නමින් සංවිධානයක්  ගොඩනගමින් පසුගිය රාජපක්ෂ ආණ්ඩුවේ බරපතල වංචා දුෂණ රැසක් හෙළිදරව් කිරීමට ද එකල දායකවිය.  

එකල ලංකා ඛනිජ තෙල් සංස්ථාවේ සිදු වූ  'හෙජින් ගිවිසුම' ඇතුළු මහා පරිමාණ මූල්‍ය වංචාව සම්බන්ධයෙන් රට හමුවේ පළමු වරට කරුණු අනාවරණය කරනු ලැබූවේ ශ්‍රිරාල් ලක්තිලක, රවී ජයවර්ධන, රෝහණ ගමගේ ඇතුළු ක්‍රියාකාරීන්ගෙන් සමන්විත 'දුෂණ විමසුම' සංවිධානයයි.

යහපාලන ආණ්ඩුව බලයට පත්වීමෙන් පසු රවී ජයවර්ධනව ජාතික රුපවාහිනියේ සභාපති ලෙස පත්කරනු ලැබූ අතර අනතුරුව ශ්‍රී ලංකා වෘත්තීය පුහුණු අධිකාරියේ සභාපති ලෙස ද පත් කළේය.

කොළඹ විශ්ව විද්‍යාලයේ නීති උපාධිධාරියකු වන රවී ජයවර්ධන, එංගලන්තයේ ලැංකෂයර් විශ්ව විද්‍යාලයේ ජාත්‍යන්තර සබඳතා පිළිබඳ පශ්චාත් උපාධිධාරියෙකි.

මීට පෙරාතුව ඔහු කලක් බන්ධනාගාර කොමසාරිස් ධූරයද හෙබවිය.

Ravi jayawardena 696x398

Apekshakaya

subscribeYT

Cyber Window

නවතම පුවත්

ඇඳිරි නීතිය ඉවත් කළ පසු...