නාවික හමුදා මුරපොළක් අලුතින් ඉදිකිරීම සදහා දෙමළ ජනයාට අයත් පෞද්ගලික භූමියක්
අත්පත් කරගැනීමට පස් වැනි වරටත් දැරූ උත්සාහයක් ඉඩම් හිමියන් සමග පක්ෂ බේදයකින් තොරව එක්වූ දෙමළ දේශපාලකයන්ගේ විරෝධය හමුවේ අසාර්ථක වී තිබේ.
වඩමාරච්චි නැගෙනහිර ප්‍රාදේශිය ලේකම් කොට්ඨාසයේ කට්ටෙයිකාඩු, වෙට්ට්‍රිලෙයි ගම්මානයේ පුද්ගලයෙකුට අයත් පරප්පු 14 ක භුමියකින් පරප්පු එක හමාරක් නාවික හමුදා මුරපොළක් අලුතින් ඉදිකිරීම වෙනුවෙන් මැන වෙන් කිරීම ජුලි 28 වැනි බ්‍රහස්පතින්දා මිනින්දෝරු දෙපාර්තමේන්තුවේ නිලධාරීන් පස් වැනි වතාවටත් එහි පැමිණ සිටි බව උතුරේ වාර්තාකරුවෝ පවසති.
පැමිණ සිටි මිනින්දෝරු දෙපාර්තමේන්තුවේ නිලධාරීන්ට ප්‍රදේශයේ දේශපාලනඥයන්ගේ සහ ඉඩම් හිමියන්ගේ බලවත් විරෝධය හමුවේ මැනීම් කටයුතු සිදු නොකරම ආපසු හැරී යන්නට සිදුව තිබේ.
දෙමළ ජාතික ජනතා පෙරමුණේ පාර්ලිමේන්තු මන්ත්‍රී සෙල්වරාජා ගජේන්ද්‍රන් හා පාර්ලිමේන්තු මන්ත්‍රී, නීතිඥ එම්.ඒ.සුමන්තිරන් ද ඒ අතර වු බව පළාත් බද වාර්තාකරුවෝ වැඩි දුරටත් පවසති.
නාවික හමුදා මුරපොල ඉදිකිරීම සදහා සිය ඉඩම් ලබා දීම ප්‍රතික්ෂේප කරන ඉඩම් හිමියා මෙන්ම දේශපාලනඥයන්ද ඒ බව ලිඛිතවම මිනින්දෝරු දෙපාර්තමේන්තුවේ නිලධාරියාට දැනුම්දීමට කටයුතු කර ඇත.
මෙම භුමිය මැන වෙන් කිරීම සදහා මීට ඉහතදී ජුලි 25 සදුදා ද මිනින්දෝරු දෙපාර්තමේන්තුවේ නිලධාරීන් පැමිණි අවස්ථාවේ එයට විරෝධය දැක්වීමට ප්‍රදේශයේ ජනතාව සමග දෙමළ ජාතික ජනතා පෙරමුණේ (TNPF) නායක, පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම් ද එක්ව තිබුනි.
දෙමළ ජනයාට අයත් පෞද්ගලික ඉඩම් නාවික හමුදා කදවුරු පුළුල් කර ගැනිම සදහා බලහත්කාරයෙන් අත්පත්කරගැනීමේ උත්සාහයන් රැසක්ම පසුගිය සමයේ ක්‍රියාත්මක වු බව උතුරේ වාර්තාකරුවෝ වැඩි දුරටත් පවසති.
{gallery}Wadamarachchi Land{/gallery}
සබැඳි පුවත් :
නාවික හමුදාව තවත් ඉඩම් අල්ලන්නට යන උතුරේ දුපතක විරෝධයක්
