චන්ද්‍රයාන්-3: ඉන්දියාව ඉතිහාසගත වෙමින් චන්ද්‍රයාගේ දක්ෂිණ ධ්‍රැවයට සාර්ථකව යානයක් ගොඩ බස්සවයි

චන්ද්‍රයාන්-3 යානය සඳෙහි දක්ෂිණ ධ්‍රැවයට ගොඩබස්සවමින් අභ්‍යවකාශ යානයක් සාර්ථකව

එම කලාපයට ගොඩ බැස්වූ ලොව පළමු රට බවට පත්වෙමින් ඉන්දියාව අද ඉතිහාසගත විය.

චන්ද්‍රයා වෙත මීට පෙර සිදුකළ සියලුම මෙහෙයුම් චන්ද්‍රයාගේ සමකය ආසන්න ප්‍රදේශ වෙත ගොඩබස්සවා ඇති නමුත් දක්ෂණ ධ්‍රැවය ගවේෂණය කිරීම ජලය සෙවීම සඳහා අතිශයින් වැදගත් යනු ඇත.

'වික්‍රම්' ලෑන්ඩරය සඳමතුපිටට ගොඩබැස්ස වූ වහාම "ඉන්දියාව දැන් සඳ මත" යැයි ඉන්දීය අග්‍රාමාත්‍ය නරේන්ද්‍ර මෝදි නිවේදනය කරනු ලැබීය.
ඉන්දීය විද්‍යාඥයින් දැන් බලාපොරොත්තු වන්නේ පෘථිවියට පින්තූර සහ දත්ත එවීම සඳහා රෝවරය මුදා හැරීමටයි.

මෙම මෙහෙයුමේ එක් ප්‍රධාන ඉලක්කයක් වන්නේ අනාගතයේදී සඳ මත මිනිස් වාසයට සහයක් විය හැකි මිදුනු ජලය සහිත අයිස් සෙවීම බව විද්‍යාඥයින් සඳහන් කළේය.

සඳ මත මෘදු ගොඩබෑමක් කළ සිව්වන රට වන්නේ ඉන්දියාවයි.

ඉන්දියාව චන්ද්‍රයාන් - 3 යානය ගොඩබස්සවනු ලැබුවේ, රුසියාවේ ලූනා-25 යානය එම කලාපයටම ගොඩබැස්සවීමට යාමේදී සඳමතට කඩා වැටී දින කිහිපයකට පසුවය.

ජලය සහිත අයිස් සෙවීමේදී සඳෙහි දක්ෂිණ ධ්‍රැවය වැඩි බලාපොරොත්තුවක් ඇති කරයි.

ස්ථිර සෙවණැල්ලක් ඇති එහි මතුපිට ප්‍රදේශය විශාල වන අතර විද්‍යාඥයින් පවසන්නේ මෙම ප්‍රදේශයේ ජලය පැවතීමේ වැඩි හැකියාවක් පවතින බවය.
එක්සත් ජනපදය, පැරණි සෝවියට් සංගමය සහ චීනය සඳෙහි සමකය ආසන්නයේ මෘදු ගොඩබෑමක් කර ඇත. - නමුත් කිසිදු රටක් සඳෙහි දක්ෂිණ ධ්‍රැවය වෙත සාර්ථක මෙහෙයුමක් ක්‍රියාත්මක නැත.

2019 දී සිය චන්ද්‍රයාන්-2 මෙහෙයුම දක්ෂිණ ධ්‍රැවය ආසන්නයට ගොඩබෑමට ඉන්දියාව ගත් උත්සාහය අසාර්ථක වූ අතර එය සඳ මතුපිට ට කඩා වැටුණි.
එබැවින් සියලු දෙනාගේ අවධානය දැන් චන්ද්‍රයාන්-3 වෙත යොමු වී ඇත - තුන්වන මෙහෙයුම ක්‍රියාත්මක වන්නේ සඳෙහි එතරම් ගවේෂණය නොකළ ප්‍රදේශයක් වෙත යානය ගොඩබැස්ස වීමටය.

ලෑන්ඩරක් සහ රෝවරයක් සහිත අභ්‍යවකාශ යානය ජූලි 14 වන දින දකුණු ඉන්දියාවේ ශ්‍රීහරිකොටා අභ්‍යවකාශ මධ්‍යස්ථානයෙන් අභ්‍යාවකාශ ගත කෙරුණි.