මේ රට ව්‍යවසායකයන්ගේ තෝතැන්නක් බවට පත්කළ යුතු බව තමා දැඩිව විශ්වාස කරන බව ප්‍රකට ව්‍යාපාරිකයකු වන 'මව්බිම ජනතා පක්ෂයේ' (MJP)
නායක, දිලිත් ජයවීර පවසයි.
සුහුරු ව්‍යවසායකත්ව රාජ්‍යයක් කරා සතුටු දැයක් නිර්මාණය කිරීමේ අරමුණින් 'මව්බිම ජනතා පක්ෂය' (MJP) පෙනීසිටින බවත් ඒ වෙනුවෙන් කටයුතු කරන බවත් ඔහු කියා සිටියි.
ඉදිරි ජනාධිපතිවරණයට ඉදිරිපත්වන බව දැනුම්දෙමින් ඔහු එබව කියා සිටියේ, 'මව්බිම ජනතා පක්ෂයේ ජාතික මූලස්ථානය විවෘත කිරීමේ උත්සවයට එක්වෙමිනි.
සතුටු දැයක් නිර්මාණය කිරීමේ අරමුණින් ශ්‍රී ලාංකීය දේශපාලන ඉතිහාසයේ නව්‍යකරණයේ පෙර මග සලකුණු සනිටුහන් කරන මව්බිම ජනතා පක්ෂයේ ජාතික මූලස්ථානය අංක 11, උද්‍යාන මාවත, කොළඹ 08 දරණ ස්ථානයේ දී පක්ෂ නායක දිලිත් ජයවීර ගේ ප්‍රධානත්වයෙන්, පක්ෂයේ ජ්‍යෙෂ්ඨ නායක ආචාර්ය හේමකුමාර නානායක්කාර ඇතුළු විධායක කමිටු සාමාජිකයින්ගේ සහභාගීත්වයෙන් අද (11) විවෘත කෙරුණ බව එම පක්ෂය නිවේදනය කර සිටියි.
සුහුරු ව්‍යවසායකත්ව රාජ්‍යයක් කරා සතුටු දැයක් නිර්මාණය කිරීමේ අරමුණින් 'මව්බිම ජනතා පක්ෂය' (MJP) පෙනීසිටින බවත් ඒ වෙනුවෙන් කටයුතු කරන බවත් ඔහු කියා සිටියි.
ඉදිරි ජනාධිපතිවරණයට ඉදිරිපත්වන බව දැනුම්දෙමින් ඔහු එබව කියා සිටියේ, 'මව්බිම ජනතා පක්ෂයේ ජාතික මූලස්ථානය විවෘත කිරීමේ උත්සවයට එක්වෙමිනි.
සතුටු දැයක් නිර්මාණය කිරීමේ අරමුණින් ශ්‍රී ලාංකීය දේශපාලන ඉතිහාසයේ නව්‍යකරණයේ පෙර මග සලකුණු සනිටුහන් කරන මව්බිම ජනතා පක්ෂයේ ජාතික මූලස්ථානය අංක 11, උද්‍යාන මාවත, කොළඹ 08 දරණ ස්ථානයේ දී පක්ෂ නායක දිලිත් ජයවීර ගේ ප්‍රධානත්වයෙන්, පක්ෂයේ ජ්‍යෙෂ්ඨ නායක ආචාර්ය හේමකුමාර නානායක්කාර ඇතුළු විධායක කමිටු සාමාජිකයින්ගේ සහභාගීත්වයෙන් අද (11) විවෘත කෙරුණ බව එම පක්ෂය නිවේදනය කර සිටියි.
ශ්‍රී ලංකා දේශපාලන අවකාශය තුළ ඇතිවී තිබෙන වර්තමාන රික්තකය සාධනීය ලෙස සපුරාලීමේ අරමුණින් කෙටිකාලීන හා දිගුකාලීන ආර්ථික, සමාජ, දේශපාලන තිරසාරත්වය නැවත ළඟා කර ගැනීමත් ශ්‍රී ලාංකිකයින් වෙනුවෙන් සතුටු දැයක් නිර්මාණය කිරීමත්, මව්බිම ජනතා පක්ෂයේ පෙර දැක්ම වී ඇතැයි එම පක්ෂයේ මාධ්‍ය ඒකකය විසින් නිකුත්කර ඇති නිවේදනයක සඳහන්වේ.
මව්බිම ජනතා පක්ෂයේ නායක දිලිත් ජයවීර, එම පක්ෂ මුලස්ථානය විවෘත කරමින් සිය පක්ෂයේ ඉදිරි ගමන්මග සහ වැඩපිළිවෙළ පිළිබඳව මෙලෙස අදහස් දැක්වීය.'
'' අද සුවිශේෂී දිනයක් , ''සතුටු දැයක්'' නිර්මාණය කිරීමේ තේමාව යටතේ සුහුරු ව්‍යවසායකත්ව රාජ්‍යයක් නිර්මාණය කිරීම උදෙසා ශ්‍රී ලාංකික තරුණ ප්‍රජාව, ශ්‍රී ලාංකික කාන්තාවන් ඇතුළු සමස්ත ශ්‍රී ලාංකික ජනතාවම බල ගැන්වීම වෙනුවෙන් මව්බිම ජනතා පක්ෂයේ ජාතික මුලස්ථානය විවෘත වෙනවා. මේ රට ව්‍යවසායකයන්ගේ තෝතැන්නක් බවට පත්විය යුතු බව මා දැඩිව විශ්වාස කරනවා. නිදහසින් පසු අපේ රට තුළ දිගින් දිගටම ඇතිවූ සමාජ, ආර්ථික දේශපාලන තත්ත්වයන් පිටුපස තිබු ජාතික උපාය මාර්ගික ප්‍රවේශයන් හි අඩුව පුරවාලමින් ඉහළ දේශපාලන සාක්ෂරතාවයකින් හෙබි ශ්‍රී ලාංකික සමාජයක් නිර්මාණය කළ යුතු වෙනවා. එමගින් සහභාගිත්ව දේශපාලන අවකාශයක් නිර්මාණය කිරීමට අපි බලාපොරොත්තුවනවා.
'' අද සුවිශේෂී දිනයක් , ''සතුටු දැයක්'' නිර්මාණය කිරීමේ තේමාව යටතේ සුහුරු ව්‍යවසායකත්ව රාජ්‍යයක් නිර්මාණය කිරීම උදෙසා ශ්‍රී ලාංකික තරුණ ප්‍රජාව, ශ්‍රී ලාංකික කාන්තාවන් ඇතුළු සමස්ත ශ්‍රී ලාංකික ජනතාවම බල ගැන්වීම වෙනුවෙන් මව්බිම ජනතා පක්ෂයේ ජාතික මුලස්ථානය විවෘත වෙනවා. මේ රට ව්‍යවසායකයන්ගේ තෝතැන්නක් බවට පත්විය යුතු බව මා දැඩිව විශ්වාස කරනවා. නිදහසින් පසු අපේ රට තුළ දිගින් දිගටම ඇතිවූ සමාජ, ආර්ථික දේශපාලන තත්ත්වයන් පිටුපස තිබු ජාතික උපාය මාර්ගික ප්‍රවේශයන් හි අඩුව පුරවාලමින් ඉහළ දේශපාලන සාක්ෂරතාවයකින් හෙබි ශ්‍රී ලාංකික සමාජයක් නිර්මාණය කළ යුතු වෙනවා. එමගින් සහභාගිත්ව දේශපාලන අවකාශයක් නිර්මාණය කිරීමට අපි බලාපොරොත්තුවනවා.
'' ශ්‍රී ලාංකික අපගේ ජාතික සභ්‍යත්වය පිළිබඳ පොදු නිර්වචනයක් තුළින් මේ වන විට විවිධ දේශපාලන අවශ්‍යතාවයන් සඳහා ජාති, ආගම් වශයෙන් බෙදී ඇති මව්බිමේ සියලු බෙදීම් අතික්‍රමණය කළ යුතුයි. එහිදී සියලු දෙනාම එකම රටක් තුළ එකම හද ගැස්මකට ඇතුළත්, එකාවන්ව නැගී සිටින හැඟීම ඔවුනොවුන්ට දැනෙන ජාතික මතවාදයක් ජන ගත කළ යුතු බව මා විශ්වාස කරනවා. ඒ හැඟීම තුළින් දීර්ඝ කාලයක් පුරා අප මුහුණ දෙමින් සිටින අන්‍යොන්‍ය අවිශ්වාසය තුරන් කිරීම සඳහා පිළිගත හැකි වැඩපිළිවෙළක් අපි මව්බිම ජනතා පක්ෂය හරහා ඉදිරියේදී දියත් කිරීමට සූදානම්''
මෙහිදී වැඩිදුරටත් අදහස් දැක්වූ දිලිත් ජයවීර වර්තමාන ශ්‍රී ලංකාවේ ආර්ථික තත්ත්වය පිළිබඳව ද මව්බිම ජනතා පක්ෂයේ ඉදිරි දැක්ම පිළිබඳව ද මෙසේ සඳහන් කළේය.
''විශේෂයෙන්ම කෙටි කාලීනව ශ්‍රී ලංකාව මුහුණ දී ඇති ආර්ථික පසුබෑම නැවත සුබවාදී දිශානතියකට හරවාලීම උදෙසා විද්‍යාත්මක ආර්ථික වැඩපිළිවෙළක් සහ විද්‍යානුකූල දැක්මක් සහිත ආර්ථික ප්‍රතිපත්තියක් සමාජගත කළ යුතුයි. එමගින් දුර්මත මත පදනම් වූ යෝජිත වෙනස්කම් වෙනුවට වඩාත් ප්‍රශස්ත විසඳුම් මාලාවක් සාකච්ඡාවට භාජනය කළ යුතු වනවා. ''
'' විශේෂයෙන්ම තරුණ ප්‍රජාව රට හැරයාම වළක්වාලමින් සුහුරු ව්‍යවසායකත්වය ප්‍රවර්ධනය කර විදේශ විනිමය උත්පාදනය කිරීම සඳහා සුවිශේෂී අවධානයක් යොමු කළ යුතු වෙනවා. ඒ සඳහා මව්බිම ජනතා පක්ෂය සැදී පැහැදී කටයුතු කිරීමට සුදානමින් සිටිනවා. ''
මෙම අවස්ථාවට සහභාගී වූ මව්බිම ජනතා පක්ෂයේ ජ්‍යෙෂ්ඨ නායක හේමකුමාර නානායක්කාර ද අදහස් දක්වමින්, ''මේ මාතෘභූමියේ දේශපාලන අවකාශය තුළ අන් මත නොඉවසීමේ සංස්කෘතිය වෙනුවට වඩාත් ප්‍රජාතන්ත්‍රවාදී සියලු අදහස් වෙත විවෘත මනසකින් සවන් දිය හැකි සමාජයක් සහ ඒ හරහා ප්‍රශස්ත වූත්, සහෘද වූත්, දේශපාලන සංස්කෘතියක් නිර්මාණය කිරීමට අපි අපේක්ෂා කරනවා.''යැයි පැවසීය.
{gallery}MJB{/gallery}
