ඔක්තෝබර් 14 සිට 18 දක්වා දකුණු අප්‍රිකාවේ ජොහැන්ස්බර්ග් හි දී පැවැත්වෙන
III International Dilemmas of Humanity Conference – 2023 (මනුෂ්‍යත්වය පිළිබඳ III ජාත්‍යන්තර උභතෝකෝටික සමුළුව) සඳහා ජනතා විමුක්ති පෙරමුණේ මධ්‍යම කාරක සභිකය වෛද්‍ය නලින්ද ජයතිස්ස සහ අරුන් හේමචන්ද්‍ර එක්වී තිබේ.
ලොව පුරා සිටින දේශපාලන නායකයින්, සමාජ ක්‍රියාකාරීන් සහ බුද්ධිමතුන් මෙම සමුළුව සඳහා සඳහා එක්වේ.
දකුණු අප්‍රිකාවේ ජොහැන්ස්බර්ග් හී දී රටවල් 70කට අධික සංඛ්‍යාවක සංවිධාන නියෝජනය කරමින් සාමාජිකයින් 500ක් පමණ මේ සඳහා එක් වේ.
ධනේශ්වර ක්‍රමය විසින් ජනනය කරන ලද අර්බුදවලට මුහුණ දීම සඳහා ව්‍යාපාර, ආණ්ඩු සහ වැඩ කරන ජනතාව ගොඩනඟා ඇති, ගොඩනඟමින් සිටින සහ ගොඩනැගිය යුතු විසඳුම් පිළිබඳ විවාදයට සහ සාකච්ඡාවට ඉඩක් වීමට මෙම සම්මේලනය උත්සාහ කරන බව කියැවේ.
පලස්තීන විප්ලවකාරිනී ලීලා කාලීඩ්, දකුණු අප්‍රිකානු පැල්පත්වාසීන්ගේ ව්‍යාපාරයේ S’bu Zikode, දකුණු අප්‍රිකාවේ Abahlali baseMjondolo, එක්සත් ජනපදයේ Socialism and Liberation පක්ෂයේ Claudia de la Cruz, ඝානාවේ සමාජවාදී ව්‍යාපාරයේ Kwesi Pratt Jnr. සහ බ්‍රසීලයේ ඉඩම් නොමැති ග්‍රාමීය කම්කරු ව්‍යාපාරයේ (MST) João Pedro Stedile යන අයද මීට එක්ව සිටිති.
ජාත්‍යන්තර මහජන සභාව සහ සමුළුවේ සම්බන්ධීකරණ කණ්ඩායමේ Stephanie Weatherbee Brito සමුළුවේ ඓතිහාසික ස්වභාවය අවධාරණය කර තිබෙන්නේ “අපි රටවල් 70කට වැඩි සංඛ්‍යාවක සංවිධාන 120ක සාමාජිකයින් එකතු කර මහජන ආණ්ඩු ගොඩ නැගීම, නීත්‍යනුකූල සහ එය කළ හැකි ආකාරය ගැන කතා කරන්නෙමු. මෙම සම්මන්ත්‍රණය කම්කරු පන්ති ව්‍යාපාර විසින් ගොඩනගන ලද ක්‍රියාවලියක එක් පියවරකි. එය විවාදය පමණක් නොව සැමට ගෞරවාන්විත ජීවත් විය හැකි අනාගතයක් ගොඩනැගීම වටා ක්‍රියා කිරීමට උත්සාහ කරයි” යනුවෙනි.
මෙම සමුළුවේ ‘ජනතාව සඳහා සෞඛ්‍යය’ මාතෘකාවේ පසුගිය 15 වනදා පැවැත්වූ සාකච්ඡාමය සම්මන්ත්‍රණයේ සංවාද මණ්ඩපය සඳහා Janneke Ronse (බෙල්ජියම), Ricardo Emmanuel Alvarez (ආර්ජෙන්ටිනා), Samkeliso Phiri (දකුණු අප්‍රිකාව), Joanita Najjuka (උගන්ඩා) සහ ජනතා විමුක්ති පෙරමුණේ මධ්‍යම කාරක සභික වෛද්‍ය නලින්ද ජයතිස්ස එක්ව තිබේ.
මෙම සමුළුව සඳහා දකුණු අප්‍රිකානු විදේශ ඇමති Naledi Pandorද එක්ව සිට ඇත.
(lankatruth.com)
