හොත් මෝසමක් මගින් අධිකරණයට කරුණු ඉදිරිපත් කරන ලෙස ශ්‍රේෂ්ඨාධිකරණය ඊයේ (13) පාර්ශ්වකරුවන්ට දැනුම් දුන්නේය .
මහවැලි අධිකාරිය අදාල ග්‍රාමය පවරා ගැනීමෙන් අනතුරුව එම ගමේ වැසියන්ට විවිධ අන්දම හිරිහැර කර ඉවත් කිරීමට කටයුතු කොට ඇති බවද ඊට විකල්ප ස්ථාන හෝ වන්දි ලබාදීම මෙතෙක් සිදුවී නොමැති බව සඳහන් කරමින් ගොනු කළ පෙත්සමක් කැදවූ අවස්ථාවේදී මෙම නියෝගය කරන ලදි.
අගවිනිසුරු ප්‍රීතිපද්මන් සුරසේන ශ්‍රේෂ්ඨාධිකරණ විනිසුරුවරුන් වන ශිරාන් ගුණරත්න සහ අචල වෙන්ගප්පුලි යන ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම කැඳවන ලදි.
එම ගම්මානයේ වැසියන් ඉවත් කිරීම ට පෙර මේ සිද්ධිය සම්බන්ධයෙන් ඒ පිළිබඳව විධිමත් පරීක්ෂණයක් පවත්වා, ගමේ මුල් පදිංචිකරුවන් හඳුනා ගැනීම සහ ඔවුන්ට විකල්ප ලබාදීම හෝ වන්දි ලබාදීම වැනි සුදුසු සහනයන් ලබා දෙන බව නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් විකුම් ආබෘෘ එහිදී ශ්‍රේෂ්ඨාධිකරණයට දැනුම් දුන්නේය .
පෙත්සම්කරුවන් වෙනුවෙන් පෙනී සිටි නීතිඥ කනිෂ්ක විතාන කියා සිටියේ, පරීක්‍ෂණය සිදු කරනතුරු එම ගමේ පදිංචිකරුවන්ට මේ ස්ථානයේම රැඳී සිටීමට අවසර ලබාදෙන ලෙසත් ඔහුට සහන හැකි ඉක්මනින් ලබාදෙන ලෙසත් ය.
දෙපාර්ශ්වය කරුණු සැලකිල්ලට ගත් අධිකරණය පාර්ශව කරුවන් ගෙන් එකඟත්වයෙන් පෙත්සම විභාගය අවසන් කළේය .
(සටහන | නෙල්කා මැදගෙදර)
අධිකරණ වාර්තාකාරිනි
nelindum41@gmail.com
