ශ්‍රී ලංකාව බංකොලොත් රාජ්‍යයක් බවට පත්වී ඇතැයි කෙරෙන සියලු ප්‍රකාශ සත්‍යයෙන් තොර බව මහ බැංකු අධිපති ආචාර්ය නන්දලාල් වීරසිංහ අවධාරණය කර සිටියි.


ඔහු එබව ප්‍රකාශකර ඇත්තේ, රටේ බංකොලොත්භාවය පිළිබඳව විමර්ශනය කරන පාර්ලිමේන්තු කමිටුව හමුවේ පසුගිය බදාදා සාක්ෂි දෙමිනි.

ශ්‍රී ලංකාව බංකොලොත් වූ බවට කෙරෙන ප්‍රකාශ තමන් සහමුලින්ම බැහැර කරන වග ඔහු ප්‍රකාශ කර ඇත. 

පසුගිය වසරේ සිදුවූයේ රට බංකොලොත් වීමක් නොව, තෝරාගත් දෙස් විදෙස් ණය කිහිපයක් නැවත පියවීම කල් දැමීම පමණක් බවද හෙතෙම අවධාරණය කර තිබේ.

මේ පිළිබඳව ශ්‍රේෂ්ඨාධිකරණයේ විභාග වූ නඩුව සම්බන්ධයෙන් වැඩිදුරටත් කරුණු පැහැදිලි කර ඇති මහ බැංකු අධිපතිවරයා සඳහන් කර ඇත්තේ, තමන් ශ්‍රේෂ්ඨාධිකරණයේ නඩු තීන්දුව සහමුලින්ම අධ්‍යයනය කළ බවත් එහි බංකොලොත්භාවය පිළිබඳ ප්‍රකාශයක් ඇතුළත් නොවන බවත්ය. 

එහෙත් ජනතාව ආර්ථික වශයෙන් අපහසුතාවට පත්කිරීම සම්බන්ධයෙන් එම නඩු තීන්දුවේ දීර්ඝ ලෙස කරුණු දක්වා ඇතැයි ද මහ බැංකු අධිපතිවරයා සඳහන් කර තිබුණි. 

කොවිඩ් වසංගත සමයේ රට ආර්ථික වශයෙන් පීඩාවට පත්වූයේ හදිසියේම රට වසා දැමීම නිසා යැයි පෙන්වා දී ඇති මහ බැංකු අධිපතිවරයා තවදුරටත් සඳහන් කර ඇත්තේ, සම්පත් සීමිත දුප්පත් රටක් වසා දැමීමට ගත් තීරණයෙන් ජාතික ආදායම විශාල ලෙස අහිමි වී ගිය බවයි. එයින් ජාතික ආර්ථිකය කඩා වැටුණු බවද හෙතෙම වැඩිදුරටත් සඳහන් කර තිබේ. 

(deshaya.lk -සංජීවිකා සමරතුංග )


worky sin

Follow Us

Image
Image
Image
Image
Image
Image

නවතම පුවත්