ශ්‍රී ලංකන් ගුවන් සමාගමේ නිල මොණර ලාංඡනය සහිතව, ගුවන් ටිකට්පත් සඳහා සියයට පනහක දැවැන්ත වට්ටම් ලබාදෙන බව පවසමින් මහජනතාව නොමඟ යවා කෝටි ගණනක මුදල් වංචා කිරීමේ සංවිධානාත්මක ජාවාරමක් පිළිබඳ තොරතුරු කොළඹ ප්‍රධාන මහේස්ත්‍රාත් අධිකරණය හමුවේ අනාවරණය වී තිබේ.
අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශය කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ මේ පිළිබඳ කරුණු වාර්තා කරමින් පෙන්වා දුන්නේ, නිල ඇප් එකට බෙහෙවින් සමාන අයුරින් සකසන ලද ව්‍යාජ මෘදුකාංගයක් හරහා මෙම ක්‍රියාවලිය මෙහෙයවා ඇති බවයි.
මොකක්ද මේ ඇප් උගුල?
අපරාධ පරීක්ෂණ දෙපාර්තමේන්තුව අධිකරණයට ඉදිරිපත් කළ කරුණු අනුව, මෙම ජාවාරම ක්‍රියාත්මක වී ඇත්තේ පහත පියවර ඔස්සේ ය:
* ව්‍යාජ ලියාපදිංචිය: ගුවන් සමාගමේ සැබෑ මෘදුකාංගය ආකාරයෙන්ම දිස්වන පරිගණක තිරයක් මඟින් ජනතාව ආකර්ෂණය කර, එහි ලියාපදිංචි වීම සඳහා රුපියල් 250ක මුදලක් පළමුව අය කරගැනීම.
* දත්ත සොරාගැනීම: ලියාපදිංචියෙන් පසු පාරිභෝගිකයා ඇතුළත් කරන රහස්‍ය තොරතුරු සොරකම් කර, ඔවුන්ගේ බැංකු ගිණුම්වලට අනවසරයෙන් ඇතුළු වීම.
* දුරකථනයට වන හානිය: තමන්ගේ බැංකු ගිණුම්වලින් මුදල් වංචාකරුවන් අතට පත්වන බව නොදන්නා පාරිභෝගිකයාට දැකගත හැකි වී ඇත්තේ දුරකථනය අධික ලෙස රත්වීම සහ බැටරි ධාරිතාව ඉතා වේගයෙන් අවසන් වීම පමණි.
මුදලට ගිණුම් විකුණූ අයත් කොටුවෙයි
මෙම මෘදුකාංගය මෙහෙයවූ ප්‍රධාන පුද්ගලයින් හඳුනාගැනීම සඳහා විශේෂ විමර්ශනයක් ක්‍රියාත්මක වන අතර, ජාවාරම්කරුවන්ගේ වංචනික ගනුදෙනු සඳහා තමන්ගේ පෞද්ගලික බැංකු ගිණුම් කුලියට හෝ මුදලට ලබාදුන් ශ්‍රී ලාංකිකයින් කිහිපදෙනෙකු මේ වන විටත් අත්අඩංගුවට ගෙන ඇති බව විමර්ශන නිලධාරීහු අධිකරණයට ප්‍රකාශ කළහ.
සයිබර් ආරක්ෂක අනතුරු ඇඟවීම
ජාත්‍යන්තර මෙන්ම දේශීය වශයෙන්ද මෙවැනි 'APK Scam' හෙවත් ව්‍යාජ ඇප් ලිපිගොනු (Malicious APKs) සමාජ මාධ්‍ය හරහා යොමුකර බැංකු දත්ත සොරාගැනීමේ ප්‍රවණතාවක් පසුගිය කාලය පුරා දැකගත හැකි විය. නිල නොවන මූලාශ්‍ර හෝ වට්ස්ඇප්/ටෙලිග්‍රෑම් පණිවිඩ ඔස්සේ ලැබෙන ලින්ක් මඟින් ඇප් ඩවුන්ලෝඩ් නොකරන ලෙසත්, ගුවන් ටිකට්පත් මිලදී ගැනීමේදී ගුවන් සමාගමේ නිල වෙබ් අඩවිය හෝ Google Play Store / Apple App Store වැනි නිල මාර්ග පමණක්