කොරෝනා වසංගත ව්‍යාප්තිය සම්බන්ධ ප්‍රවෘත්ති වාර්තාකරණයේදී ඇතැම් මාධ්‍ය පෞද්ගලිකත්වයට හානි වන ලෙස
තොරතුරු ප්‍රචාරය කරන බව සෞඛ්‍ය සේවා අධ්‍යක්ෂ ජනරාල් වරයා පවසයි.
 
 එම නිසා රෝග ලක්ෂණ මතු වුවද ඇතැම් පුද්ගලයන් සෞඛ්‍ය අංශ වෙත දැනුම්දීමට සහ පී.සී.ආර් පරීක්ෂාවට පැමිණිමට මැලිකමක් දක්වන බවයි වෛද්‍ය අසේල ගුණවර්ධන පවසන්නේ.
 
 එම  තත්වය හමුවේ ප්‍රවෘත්ති වාර්තාකරණයේදී පහත සදහන් කරුණු තුන පිළිබදව අවධානය යොමු කරන ලෙස සෞඛ්‍ය සේවා අධ්‍යක්ෂ ජනරාල්වරයා සියලුම විද්‍යුත් හා මුදිත මාධ්‍ය ආයතන ප්‍රධානීන්ගෙන් ඉල්ලා සිටී.
 
01. කොවිඩ් -19 ආසාදිත රෝගීන් පිළිබදව වාර්තා කිරීමේදී කිසිදු අවස්ථාවක ඔවුන්ගේ පෞද්ගලිකත්වයට හානි සිදු වන ආකාරයෙන් වාර්තා කිරීම නොකළ යුතුය.
 
 02. කොවිඩ් -19 රෝගය ව්‍යාප්ත වන ප්‍රදේශ හා රෝගීන් පිළිබදව තොරතුරු වාර්තා කිරීමේදී ආගම, ජාතිය හෝ වෙනත් එවැනි සාධකයක් හුවා දක්වමින් සමාජයෙන් ඔවුන් වෙන් කරන ආකාරයේ ප්‍රවෘත්ති වාර්තාකරණය නොකළ යුතුය.
 
 03. කොවිඩ් -19 ආසාදිත පුද්ගලයන්ගේ මරණ පිළිබදව වාර්තාකරණයේදී සෞඛ්‍ය අමාත්‍යාංශයෙන් ලබා දෙන නිල වාර්තා පමණක් මාධ්‍ය හරහා ප්‍රචාරය කිරීමට කටයුතු කරන්නේනම් මැනවි.
 
මේ දිනවල දිවයින පුරා ව්‍යාප්ත වෙමින් පවතින කොවිඩ් -19 රෝගය පාලනය කිරීම සදහා විද්‍යුත් සහ මුද්‍රිත එක්ව ලබාදෙන අනගි දායකත්වයත් සෞඛ්‍ය සේවා අධ්‍යක්ෂ ජනරාල්වරයාගේ ඇගයීමට ලක්ව තිබේ.
HM let

subscribeYT

WhatsApp Image 2021 09 13 at 13.49.58

නවතම පුවත්