ගෙවීයන අවුරුද්දේ දැවැන්තම බන්ධනාගාර සමුලඝාතනයෙන් පීඩාවට පත්වුවන් වෙනුවෙන් නීතිඥයන් පෙනී සිටීමේ අයිතිය අහිමි කිරීමට නීතිපති දෙපාර්තමේන්තුව දැරු උත්සාහය අධිකරණය හමුවේ අසාර්ථක වී තිබේ.
වැලිසර මහේස්ත්‍රාත් බුද්ධික සී.  රාගල දෙසැම්බර් 30 බදාදා අධිකරණයේදී නියෝග කර ඇත්තේ එකොලොස් දෙනකු මරා දමමින් සියයකට වැඩි පිරිසකට තුවාල සිදු කළ මහර බන්ධනාගාර මහර බන්ධනාගාර ප්‍රහාරයෙන් අගතියට පත් පිරිස වෙනුවෙන් නීතිඥයන්ට පෙනී සිටීමට හැකි බවයි.
 
 මහර බන්ධනාගාරයේ සමුලඝාතක ප්‍රහාරයෙන් පීඩාවට පත් වුවන් වෙනුවෙන් පෙනී සිටින නීතිඥ මණ්ඩලය රාජ්‍ය නොවන සංවිධාන නියෝජිතයන් ලෙස පසුගිය නඩු වාරයකදී  ගර්හාවට ලක් කළ නීතිපති දෙපාර්තමේන්තුව නියෝජනය කරන රජයේ අධිනීතිඥ නිශාරා ජයරත්න දෙසැම්බර් 23  බදාදා අධිකරණය හමුවේ මුලික විරෝධතාවක් ඉදිරිපත් කරමින් ඉල්ලා සිටියේ එම නීතිඥවරුන්ට කරුණු දැක්වීමට අවසර ලබා නොදෙන ලෙසයි.
 
 ඒ සම්බන්ධයෙන් දෙපාර්ශවයම පසුගියදා අධිකරණයට ලිඛිතව ඉදිරිපත් කළ කරුණු සලකා බැලු වැලිසර මහේස්ත්‍රාත් බුද්ධික සී.  රාගල අද නියෝග කර ඇත්තේ අගතියට පත් පාර්ශවය වෙනුවෙන් පෙනී සිටීමට  නීතිඥයන්ට ඇති අයිතිය තහවුරු කර තිබේ.
 
 
 
''දෙපාර්ශවයම පසුගියදා අධිකරණයට ලිඛිතව ඉදිරිපත් කළ කරුණු සලකා බැලු වැලිසර මහේස්ත්‍රාත් බුද්ධික සී.  රාගල අද නියෝග කර ඇත්තේ අගතියට පත් පාර්ශවය වෙනුවෙන් පෙනී සිටීමට නීතිඥයන්ට ඇති අයිතිය තහවුරු කර තිබේ.''
 
අද දිනයේ වැලිසර මහේස්ත්‍රාත් බුද්ධික සී  රාගල ලබා දුන් නියෝගය ‌ඓතිහාසික  තීන්දුවක් ලෙස පවසන සිරකරු අයිතිවාසිකම් සුරැකීමේ කමිටුවේ සභාපති නීතිඥවරයා මාධ්‍යවේදීන් හා පවසා ඇත්තේ යම් හෙයකින් නීතිඥයන්ට එම අයිතිය අධිකරණය හමුවේ අහිමිව ගියේනම් ඉදිරියේදී අපරාධ නඩු වලදී වින්දිතයන් වෙනුවෙන් නීතිඥයන්ට පෙනී සිටිමේ අවස්ථාව අහිමිවී අපරාධ කරුවන් තව දුරටත් ශක්තිමත් වීමේ පසුබිමක් නිර්මාණය වීමටඉඩ තිබු බවයි.
 
 
 
 

Namai 30.12                     නීතිඥ නාමල් රාජපක්ෂ - නීතිඥ අචලා සෙනෙවිරත්න-  නීතිඥ සේනක පෙරේරා 

 
මහර බන්ධනාගාරයේ සමුලඝාතක ප්‍රහාරය සම්බන්ධ නඩුව හත් වැනි වරටත් අද අධිකරණය හමුවේ විභාගයට ගැනුනු අවස්ථාවේ ආණ්ඩුවේ අමාත්‍යවරුන් දෙපලකගෙන් කටඋත්තර ගන්නා ලෙසද අධිකරණය නියෝග කර තිබේ.
 
කිසියම් පිරිසක් විසින් රැඳවියන් අතර පෙති වර්ගයක් බෙදා දීමෙන් පසුව මහර බන්ධනාගාරයේ රැඳවියන් ප්‍රචණ්ඩ වූ බවට චෝදනා කරමින් ආණ්ඩුවේ ජ්‍යෙෂ්ඨ අමාත්‍යවරයකු වන විමල් වීරවංශ හා ඔහුගේම පක්ෂය නියෝජනය කරන රාජ්‍ය අමාත්‍යවරයකු වන ජයන්ත සමරවීර සිදු කර තිබෙන ප්‍රකාශ සම්බන්ධයෙන් අගතියට පත් පාර්ශවය වෙනුවෙන් පෙනී සිටින නීතිඥ කණ්ඩායම අද දිනයේ විනිසුරුවරයාගේ අවධානයට යොමු කර තිබේ.
 
 ජනතා නියෝජිතයන් දෙදෙනාගේ ප්‍රකාශ මහර බන්ධනාගාරයේ සිදුවු අපරාධය වසන් කිරීමට දරන උත්සාහයන් ලෙසින් පෙන්වා දී ඇති නීතිඥ කණ්ඩායම විනිසුරුවරයාගෙන් ඉල්ලා ඇත්තේ මහර ප්‍රහාරය සම්බන්ධයෙන් සිදු කෙරන විමර්ශන කටයුතු වලදී ඔවුන් දෙදෙනාගෙන්ද ප්‍රකාශ ලබා ගන්නා ලෙසයි.
 
 
 

Wimal Weerawansa Jayantha Samaraweera

'' ජනතා නියෝජිතයන් දෙදෙනාගේ ප්‍රකාශ මහර බන්ධනාගාරයේ සිදුවු අපරාධය වසන් කිරීමට දරන උත්සාහයන් ලෙසින් පෙන්වා දී ඇති නීතිඥ කණ්ඩායම විනිසුරුවරයාගෙන් ඉල්ලා ඇත්තේ මහර ප්‍රහාරය සම්බන්ධයෙන් සිදු කෙරන විමර්ශන කටයුතු වලදී ඔවුන් දෙදෙනාගෙන්ද ප්‍රකාශ ලබා ගන්නා ලෙසයි.''
 
 
 
එවැනි ප්‍රකාශ සිදු කිරීමට නම් ඔවුන් සතුව වැදගත් තොරතුරු තිබිය හැකි යැයි වින්දිතයන්ගේ නීතිඥ කණ්ඩායම විනිසුරුවරයාට පෙන්වා දුන් බව නීතිඥ අචලා සෙනෙවිරත්න මාධ්‍යවේදීන් හා පැවසුවාය.    
 
සිරකරු අයිතිවාසිකම් සුරැකීමේ කමිටුවේ සභාපති, නීතිඥ සේනක පෙරේරා මාධ්‍යවේදීන්  හා වැඩි දුරටත් පවසා සිටියේ එම ඉල්ලීමට විනිසුරුවරයා අනුමැතිය දුන්  බවයි.
 
 මහර බන්ධනාගරයේ ඇති වු ගැටුමින් මිය ගිය රැඳවියන් අතරින් මේ දක්වා පශ්චාත් මරණ පරීක්ෂණ අවසන් කළ  අට දෙනෙගේම  මරණය  සිදු වී ඇත්තේ වෙඩි වැදීමෙන් බව මේ වන විට අධිකරණය හමුවේ තහවුරු වී තිබේ.
 
 වෙඩි වැදීමෙන් මරණය සිදු වී ඇති බවට දෙසැම්බර් 16 බදාදා අධිකරණයට වාර්තා කළ රැඳවියන් සිව් දෙනාගේ සිරුරු රජයේ වියදමින් ආදාහනය කිරීමට වැලිසර මහේස්ත්‍රාත් බුද්ධික ශ්‍රී රාගල එදින නියෝග කර තිබුනු අතර අනෙක් සිරුරු හතරත් ආදාහනය කරන ලෙස වත්තල මහේස්ත්‍රාත් අධිකරණය අද නියෝග කර තිබේ.
 
'' වෙඩි වැදීමෙන් මරණය සිදු වී ඇති බවට දෙසැම්බර් 16 බදාදා අධිකරණයට වාර්තා කළ රැඳවියන් සිව් දෙනාගේ සිරුරු රජයේ වියදමින් ආදාහනය කිරීමට වැලිසර මහේස්ත්‍රාත් බුද්ධික ශ්‍රී රාගල එදින නියෝග කර තිබුනු අතර අනෙක් සිරුරු හතරත් ආදාහනය කරන ලෙස වත්තල මහේස්ත්‍රාත් අධිකරණය අද නියෝග කර තිබේ.''
 
 
 
 ගැටුමේදී මිය ගිය රැදවියන්  11 දෙනා අතුරින්  තවත්  මළ සිරුරු තුනක  පශ්චාත් මරණ පරීක්ෂණ කටයුතු ද සිදුකිරීමට නියමිතව ඇත.
 
 මහර හිරගෙදර ප්‍රහාරයෙන් අගතියට පත් පාර්ශවය වෙනුවෙන් අද අධිකරණය හමුවේ පෙනී සිටි නීතිඥයන් ගණන නම දෙනෙකි.
 
 මෙම නඩුව ජනවාරි 8 වැනිදා යළි කැඳවීමට නියමිතය.
 

133296077 1142320846166215 408654741649486629 o

 
සබැඳි පුවත් :
 

subscribeYT

WhatsApp Image 2021 09 13 at 13.49.58

නවතම පුවත්