විශේෂ අවශ්‍යතා සහිත පිරිසක් වෙනුවෙන් දශකයකට වැඩි කාලයකට පෙර පළමු රාජපක්ෂ පාලන සමයේ අනුමතවූ යෝජනාවක් ක්‍රියාවට නැංවීමේ මුල් පියවර ගැනීමට දෙවැනි රාජපක්ෂ පාලනය තීන්දු කර තිබේ.
 
ශ්‍රී ලංකාව තුළ සංඥා භාෂාව පිළිගත් භාෂාවක් වශයෙන් ස්ථාපනය කිරීම සඳහා පනත් කෙටුම්පතක් සකස් කිරීමට කැබිනට් මණ්ඩල අනුමැතිය හිමිව ඇතැයි රජය ප්‍රකාශ කරයි.
 
රජයේ ප්‍රවෘත්ති දෙපාර්තමේන්තුව විසින් ප්‍රසිද්ධ කර තිබෙන ජනවාරි 18 දිනැති අමාත්‍ය මණ්ඩල තීරණ  දැනුම් දීමේ නිවේදනයේ දැක්වෙන පරිදි සංඥා භාෂාව පිළිගත් භාෂාවක් වශයෙන් පිළිගැනීම සඳහා අමාත්‍ය මණ්ඩල රැස්වීමේදී අනුමැතිය ලැබී ඇත්තේ 2010 සැප්තැම්බර් මස 8 දිනය.
 
සංඥා භාෂාව විධිමත් සන්නිවේදන මාධ්‍යක් වශයෙන් පිළිගැනීමට හැකි වන පරිදි පාර්ලිමේන්තු පනතක් මගින් අවශ්‍ය විධිවිධාන පැනවීමටත්, ඒ සදහා පනත් කෙටුම්පතක් සකස් කිරීම සදහා නීති කෙටුම්පත් සම්පාදකයන්ට උපදෙස් දීමටත් මුදල් අමාත්‍ය ලෙස අග්‍රාමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කළ බව 2021 ජනවාරි 18 දා රජය ප්‍රකාශයට පත් කර තිබේ.
 
 
ශ්‍රී ලංකාව තුළ සැලකිය යුතු ශ්‍රව්‍යාබාධිත ප්‍රජාවක් සිටින බැවින්, ඔවුන්ගේ අධ්‍යාපන අවශ්‍යතා, නීතිමය කටයුතු, සෞඛ්‍ය පහසුකම්, විවිධ රාජ්‍ය සේවාවන් සහ පෞද්ගලික සේවාවන් ලබා ගැනීමේදී සංඥා භාෂාව පිළිගත් සන්නිවේදන මාධ්‍යක් වශයෙන් පිලිගැනීමට විධිවිධාන සැලසීම මගින් ශ්‍රව්‍යාබාධිත ප්‍රජාව සවිබල ගැන්වීමක් සිදු වන බව රජය පවසයි.
 
 
ශ්‍රී ලංකා ශ්‍රව්‍යාබාධිතයන්ගේ සංගමය පවසන පරිදි මෙරට තුළ ලක්ෂ තුන ඉක්මවු ශ්‍රව්‍යාබාධිතයන් පිරිසක් සිටී. 
 
 ශ්‍රව්‍යාබාධිතයන්ගේ ජාත්‍යන්තර ක්‍රිකට් කවුන්සලය විසින් 2018 වසරේදී  පළමු වරට සංවිධානය කරන ලද ශ්‍රව්‍යාබාධිත විස්සයි - 20 ලෝක කුසලාන ක්‍රිකට් තරගාවලියේ රටවල් පහක් පරාජයට පත්කරමින් ලෝක කුසලාන ශූරතාව දිනාගැනීමට ශ්‍රී ලංකා ශ්‍රව්‍යාබාධිතයන්ගේ ක්‍රිකට් කණ්ඩායමට හැකියාව ලැබුනි.
 
 
################
 
පොලිස් ඇමතිට එරෙහි පොලිස් පැමිණිල්ලක්

මංගල මොකාට ද එන්න හදන්නේ? 

subscribeYT

WhatsApp Image 2021 09 13 at 13.49.58

නවතම පුවත්