1200 x 80 DMirror
 
 

දොලොස් වසරකට ඉහතදී බලහත්කාරයෙන් අතුරුදහන් කරන ලද සමීපතමයන් සොයා ගැනීම සදහා එම අතුරුදහන් වීම් වලට වග කිව යුත්තකු වන වත්මන් ජනාධිපතිවරයා හමුවී සාකච්ඡා කිරීම ඇති දැඩි අකමැත්ත
 නැගෙනහිර පළාතේ දෙමළ මව්වරුන් විසින් ප්‍රකාශයට පත් කර තිබේ.
 
මඩකලපුව මාධ්‍ය සමාජයේදී පසු ගිය සතියේ මාධ්‍ය හමුවක් පවත්වමින් දෙමළ මව්වරුන් අවධාරණය කර සිටියේ වත්මන් ජනාධිපතිවරයා ආරක්ෂක ලේකම් ධුරය දරන සමයේ සිය සමීපතමයන් රජයට බාර දුන් අතර ඔවුන්ගේ ජීවිතවලට ගෞරවයක් නොදක්වන ජනාධිපතිවරයකු සමග සාකච්ඡා කිරීමට තමන් කිසිසේත්ම  සුදානම් නොමැති බවයි.
 
"අපේ නෑදෑයන් අපි බාර දුන්නේ දැන් ඉන්න ජනාධිපති ආරක්ෂක ලේකම් කාලෙයි. අපේ අය දාස් ගණනක් අතුරුදහන් කරලා දැම්මේ ඒගොල්ලන්ගේ පාලන කාලෙදියි. ජනාධිපතියි එයත් එක්ක ඉන්න ඇමැතිවරුයි කියන්නේ අපේ නෑදෑයෝ ජීවතුන් අතර නෑ කියලයි. අපේ ඥාතීන්ගේ ජීවිතවලට ගෞරවයක් දක්වන්නේ නැති ජනාධිපති මුණගැහෙන්න අපේ කිසිම කැමැත්තක් නැහැ."
 
 
 
 
බලහත්කාරයෙන් අතුරුදහන් කළ  පුද්ගලයන්ගේ  පවුල්  සංගමයේ අම්පාර දිස්ත්‍රික්  සභාපතිනි තම්බිරාසා සෙල්වරානි  මාතාව එහිදී වැඩි දුරටත් සදහන් කළේ, අතුරුදහන් කර සිටින සිය සමීපතමයන් ‌සොයා ගැනීම සදහා ආණ්ඩුව සමග සම්බන්ධවීමට තමන් සුදානම් නොමැති බවයි. ඒ වෙනුවෙන්  ඇය අපේක්ෂා කළේ ජාත්‍යන්තර බලවතුන්ගේ සහායයි.
 
 
"අපි ජාත්‍යන්තරයෙනුයි, එක්සත් ජාතීන්ගේ සන්විධානයෙනුයි, විදේශීය රටවලිනුයි බැගෑපත්ව ඉල්ලනවා අපිත් එක්ක එකතු වෙලා හඬ නගන්න කියලා."
 
සිය සමීපතමයන් සොයා ගැනීම වෙනුවෙන් සිදු කරන සටන අවසන් හුස්ම වැටෙන තුරු අත් නොහරින බවට තම්බිරාසා සෙල්වරානි මාතාව මාධ්‍ය හමුවේදී අවධාරණය කළාය.
 
බලහත්කාරයෙන් අතුරුදහන් කළ පුද්ගලයන්ගේ පවුල්  සංගමයේ ත්‍රිකුණාමලය දිස්ත්‍රික් සභාපතිනි කේ සෙබස්තියන් දේවි මාතාව එහිදි  අනාවරණය කළේ, පළමු රාජපක්ෂ පාලන සමයේදී තම දිස්ත්‍රික්කයේ පමණක් දරුවන් 1800 ක් බලහත්කාරයෙන් අතුරුදහන් කර ඇති බවයි.
 
 3N7A4548 1024x683
 
 
"මහින්ද රාජපක්ෂ ජනාධිපති කාලේ තමයි අපේ දරුවෝ පැහැරගෙන ගිහින් අතුරුදහන් කළේ. අපේ දිස්ත්‍රික්කයේ පමණක් දරුවන් 1800ක් උස්සගෙන ගිහින් අතුරුදහන් කරලා තියෙනවා. අපි පීඩාවට පත් අම්මලා. ජනාධිපති ගාවට ගිහින් අපි අත පාන කාලේ ගියා. ඒ හින්දා තව දුරටත් අපි එයා ගාවට යන්න ලැස්ති නෑ."
 
අතුරුදහන් වුවන්ගේ ඥාතීන් බවට ප්‍රකාශ කරමින් කිසියම් කණ්ඩායමක් ආණ්ඩුව සමග සාකච්ඡා කිරීමට ගන්නා උත්සාහයක් සම්බන්ධයෙන්ද මාධ්‍ය හමුවේදී තොරතුරු හෙළිකළ දෙමළ මාතාවන් එහිදී තව දුරටත් අවධාරණය කර තිබුනේ අතුරුදහන් වුවන්ගේ විස්තර වංචනික ලෙස  එකතු කරගත් සංවිධාන කිහිපයක් එම තොරතුරු වෙනස් කරමින් පොතක් මුද්‍රණය කර මුදල් ඉපැයිමේ උත්සාහයක්ද පවතින බවයි.
 
අතුරුදහන් වීම් වලින් පීඩාවට පත් නොවූ පිරිස් එකතු කර සංවිධාන  බිහිකර එම පිරිස ආණ්ඩුවට උදව් කිරීමට සුදානම් වන බවටත් එම මව්වරුන් එහිදී  වැඩි දුරටත් හෙළි කර තිබුනි.
 
විශ්ව විද්‍යාලය තුලදී සිය පුතු පැහැරගැනීමට ලක් වු  ආකාරය මාධ්‍ය හමුවේදී හෙළි කළ වේලුපිල්ලෙයි පොන්මනි මාතාව සදහන් කළේ, බලහත්කාරයෙන් පැහැරගෙන ගොස් ඔවුන් වෙනුවෙන් මරණ සහතික නිකුත් කරන ආණ්ඩුවක් ලගට ගොස් විසදුම් ඉල්ලීමට කිසිසේත්ම සුදානම් නොමැති බවයි.
 
 
"මගේ පුතා විශ්ව විද්‍යාලේ ඉන්දදී හමුදාව වටලලා 152ක් එක්ක අරන් ගියා. මේ ආණ්ඩුවේ නායකයෝ තමයි අපිට කිව්වේ ඕගොල්ලන්ගේ කවුරුත් දැන් නැහැ. ඒ නිසා මරණ සහතික ගන්න කියලා. එහෙම ආණ්ඩුවක් ගාවට ගිහින් අපි කිසිම විසඳුමක් ඉල්ලන්න ලැස්ති නෑ. අපිත් මැරිලා යන්න පුළුවන්. ඒත් අපේ සටන නවත්වන්න කාටවත් බෑ."
 
 
ishilini 2021.07.30 1
 
 
හිටපු අමාත්‍යවරයකුගේ කොළඹ නිවසක මෙහෙකාර සේවයේ යෙදි සිටියදී ඉෂාලිනි ජුඩ් දැරියට අත් වු ඉරණම සම්බන්ධයෙන්ද ශෝකය පල කළ තම්බිරාසා සෙල්වරානි මාතාව එහිදී අවධාරණය කළේ  තවත් දරුවන්ට එවැනි  අපරාධය සිදු නොවෙන්න නම්  වරදකරුවන් කවුරු උවත්  දැඩි දඬුවම් ලබා දිය යුතු බවයි.
 
ඉරණම නොදැන අවසන් ගමනේ
 
 
 
යුද්ධයේ අවසාන දින වලදී ආරක්ෂක අංශ භාරයට පත් වීමෙන් පසුව හා යුද්ධයේ අවසන් මොහොතේ අතුරුදහන් වු තමන්ගේ ආදරණීයයන්ට අත්වූ ඉරණම හෙළි කරන ලෙස රජයට බල කරමින් 2017 වසරේ පෙබරවාරි සහ මාර්තු මාසවලදී වව්නියාව, කිලිනොච්චිය, යාපනය, මුලතිව්, ත්‍රිකුණාමලය සහ අම්පාර දිස්ත්‍රික්ක වල සත්‍යග්‍රහ ව්‍යාපාර ආරම්භ විය.
 
බලහත්කාරයෙන් අතුරුදහන් කර සිටින සිය සමීපතමයන් සොයා ගැනීම සදහා ජාත්‍යන්තර වශයෙන් යුක්තිය අපේක්ෂාවෙන් උතුරේ  දියත් කර ඇති අඛණ්ඩ අරගලයට  එක්ව සිටි දෙමාපියන් 90 දෙනකුට ආසන්න ප්‍රමාණයක් සිය දරුවන්ට අත්වු ඉරණම නොදැනම මේ වන විට දිවි ගමන නිමා කර තිබේ.
 
අතුරුදහන් කරනු ලැබුවන් සොයාගැනීමට අඛණ්ඩ අරගලයක යෙදී සිටින ඥාතීන්ට එකම සමීපතමයකු හෝ සොයා දීමට සමත් වී නැති අතුරුදහන් වූ තැනැත්තන් පිළිබඳ කාර්යාලයට (OMP) මේ වන විට වසර තුන හමාරකට ආසන්න වෙමින් පවති.
 
 
 
යුද සමයේ ආරක්ෂක බලධාරියා වූ වත්මන් ජනාධිපති ගෝඨාභය රාජපක්ෂ 2020 වසරේදී  එක්සත් ජාතීන්ගේ ශ්‍රී ලංකාවේ නේවාසික නියෝජිත හැනා සිංගර් සමග ප්‍රකාශ කර තිබුනේ සිය සොහොයුරු මහින්ද රාජපක්ෂගේ පාලන සමයේ උතුරේ දියත් කළ යුද්ධයේදී අතුරුදහන් වූ පුද්ගලයන් මරණයට පත්ව ඇති බවයි.
 
 
 
ඉන් පසුව ඔහු පවසා තිබුනේ “අතුරුදහන් බව කියන විශාල පිරිසක්” මරුමුවට පත්වූයේ යැයි එක්සත් ජාතීන්ගේ ආයතනයක් විසින් පැවසූ බවයි.
 
 
 
THE LEADER TV 
 
මහනුවරට විශේෂයි : ස්පුට්නික් එන්නත නැවත ලැබෙන දිනය ෂුවර් නැහැ !
 

නාමල්-නිමාලි ඔලිම්පික් හුටපටය! ඇත්ත කතාව තිත්ත රහට! 
 

subscribeYT

subscribeYT

WhatsApp Image 2021 09 13 at 13.49.58