සෞඛ්‍ය අමාත්‍යාංශයේ ලේකම්වරයා අමාත්‍යවරයා අභිබවා යමින් නියෝග ක්‍රියාත්මක කිරීම වහාම නවත්වන ලෙස සුව සේවයේ ජ්‍යෙෂ්ඨ වෘත්තීය සමිති නායකයෙක් නව සෞඛ්‍ය අමාත්‍යවරයාගෙන් ඉල්ලා සිටි.
"තමන්ගේ පිට කොන්ද තියාගෙන සෞඛ්‍ය ඇමැති කෙනෙක් වෙන්න ඕනෙ නම් සෞඛ්‍ය ලේකම් ඊට පිටින් නියෝග ක්‍රියාත්මක කරන එක වහාම නවත්තන්න.  "
 
එසේ නොකළහොත් සෞඛ්‍ය සේවාවේ තීරණ ගැනීමේ ඒකමිතිය පවත්වා ගැනීමට නොහැකි වන බවයි වෛද්‍ය රසායනාගාර විද්‍යාඥ වෘත්තියවේදීන්ගේ විද්වත් ආයතනයේ සභාපති රවී කුමුදේශ් පවසන්නේ.
 
හිටපු සෞඛ්‍ය ඇමැති පවිත්‍රා වන්නිආරච්චි එම තත්වයට මුහුණ දුන් අතර ඉන් පාඩමක් ඉගනගන්නා ලෙස වෘත්තිය සමිති නායකයා කෙහෙලිය රඹුක්වැල්ල අමාත්‍යවරයාගෙන්  ඉල්ලා සිටියේ අගෝස්තු 23 වැනි සදුදා කොළඹදී පැවැති මාධ්‍ය හමුවක් අමතමිනි.
 
 
 
සෞඛ්‍ය අමාත්‍යාංශයේ ලේකම් ලෙස මේ වන විට කටයුතු කරන්නේ මේජර් ජනරාල් වෛද්‍ය එස්.එච්. මුණසිංහ ය. ඔහු යුද හමුදා වෛද්‍ය බලකායේ හිටපු අණ දෙන නිලධාරී සහ යුද හමුදා සෞඛ්‍ය සේවාවේ අධ්‍යක්ෂ ජනරාල්ය.
 
 
 
දේශපාලනික අගුලු දැමීමක්!
 
 
 
මාරාන්තික වසංගත ව්‍යාප්තිය පාලනය සදහා මේ වන විට රට අගුලු දමා ඇති ආකාරය විද්‍යාත්මක නොවන බවට චෝදනා කරන රවී කුමුදේශ් එහිදී වැඩි දුරටත් අවධාරණය කළේ, රටට ලබා දී ඇත්තේ දේශපාලනික අගුලු දැමීමක් බවයි.
 
" අපි ඉල්ලුවේ විද්‍යාත්මක ලොක් ඩවුන් එකක්. අපිට දුන්නේ දේශපාලනික ලොක් ඩවුන් එකක්. පුළුවන්නම් කරගනිල්ලා කියන සප්‍රයිස් ලොක් ඩවුන් එකක් අපිට දීලා තියෙන්නේ."
 
එවැනි තත්වයක් යටතේ අපේක්ෂිත කාරනා ඉටු නොවන බව පවසන රවී කුමුදේශ් එහිදී තවදුරටත් අවධාරණය කළේ එම වගකීම සම්පුර්ණයෙන්ම දේශපාලනික වගකීමක් පමණක් නොවන බවයි.
 
එහි වගකීම සෞඛ්‍ය අමාත්‍යංශය වෙත පැවැරී ඇති ආකාරයත් වෛද්‍ය රසායනාගාර විද්‍යාඥ වෘත්තියවේදීන්ගේ විද්වත් ආයතනයේ සභාපති රවී කුමුදේශ් එහිදී පැහැදිලි කළේය.
 
රවී කුමුදේශ් වෘත්තියවේදියා මාධ්‍ය හමුවේදී ජනාධිපතිවරයාගෙන් වැඩි දුරටත් ඉල්ලා‌ සිටියේ තම රාජකාරිය නිසි අයුරින් ඉෂ්ට කරන ලෙස සෞඛ්‍ය අමාත්‍යාංශයට නියෝග කරන ලෙසයි.
 
 
 
 
 
 
THE LEADER TV 
 
 
කබ්රාල්ගෙන් ස'ට ඩිප්ලොමැට් ගුග්ලියක්! 
 
 
ලොක්(කා) ඩවුන් : මහින්ද විමල්ලාට කියපු කතාව ! 
 
 
 

Follow Us

Image
Image
Image
Image
Image
Image

Exchange Rates

නවතම පුවත්