උතුර දකුණ එක්වී පැවැත්වූ 'ජාතික විරෝධතා දිනය' සාර්ථකයි

ඉදිරි අයවැයට පෙර ගුරු-විදුහල්පති වැටුප් ගැටළුවට ස්ථිර විසදුමක් ලබා නොදෙන්නේ නම් රජයට තවත් දැවැන්ත විරෝධතාවකට මුහුණ දෙන්නට සිදුවනු

ඇති බව සාර්ථක දීපව්‍යාප්ත උද්ඝෝෂණයක් පැවැත්වූ වෘත්තීය සමිති නායකයෝ රජයට අනතුරු අඟවා තිබේ.

රට පුරා ඇද හැලෙන අධික වැසි තත්වය පවා නොතකා දිවයින පුරා උද්ඝෝෂණ සීයකට අධික ප්‍රමාණයක් නොවැම්බර් 09 අඟහරුවාදා දියත් වු බව පළාත් බද වාර්තාකරුවෝ තහවුරු කරති.

නොවැම්බර් 9  'ජාතික විරෝධතා දිනය' ලෙස නම් කරමින් විරෝධතා දියත් වු අතර ගුරු සටනට සහාය පළ කිරීමට අමතරව ආණ්ඩුව විසින් ජාතික සම්පත් බදුදීමට එරෙහිවත් විරෝධතා දැක්වීමට වෘත්තිය සමිති නායකයන් කටයුතු කර තිබුනි.

ලංකා ගුරු සංගමයේ ප්‍රධාන ලේකම් ජෝසප් ස්ටාලින් පවසන්නේ ගුරු විදුහල්පති අරගලය සදහා දිවයිනේ රාජ්‍ය හා පුද්ගලික අංශය නියෝජනය කරන ප්‍රමුඛතම   වෘත්තිය සමිති 20 ට වැඩි ප්‍රමාණයක සහාය හිමි වු බවයි.

ගුරු විදුහල්පති වැටුප් විෂමතාවය විසදීමට බලකරමින්  දියත් කළ ප්‍රධාන විරෝධතාවය ගුරු විදුහල්පති වෘත්තිය සමිති සන්ධානයේ ප්‍රධානත්වයෙන් කොළඹ ලිප්ටන් වටරවුමේදී පැවැති අතර එයට සමගාමීව රට පුරා උද්ඝෝෂණ අධ්‍යාපන කළාප මට්ටමින් දියත් කර තිබුනි.

සිවිල් සහ බහු ජන සංවිධාන රැසක සහායද අගනගරයේ පැවැති විරෝධතාවය සදහා  ලබා දී තිබුනි.

ආණ්ඩුව විසින් ජාතික සම්පත් බදුදීමට එරෙහිව සහ රාජ්‍ය සේවක වැටුප් රුපියල් 10,000 කින් වැඩිකරන ලෙස රජයට බලකරමින් රාජ්‍ය ආයතන කිහිපයක් ඉදිරිපිටද ඊයේ දහවල්  විරෝධතා දියත් කර තිබුනි.

වෙළෙඳ කලාප සේවකයන් මෙන්ම හෝටල් සේවක මධ්‍යස්ථානයද දීප ව්‍යාප්ත එක්දින ජාතික විරෝධතාවට සහාය දැක්වු බව පළාත් බද වාර්තාකරුවෝ පවසති.

සියලූ සේවක වැටුප් රුපියල් දසදහසක් වැඩිකිරීම, ජීවන බර අඩුකිරීම, ගොවියාට සුදුසු පොහොර ලබාදීම සහ ගුරු විදුහල්පති වැටුප් විෂමතාවන් විසඳන ලෙසට ආණ්ඩුවට බලකිරීම එම උද්ඝෝෂණ වල මුලික අරමුණු වී තිබේ.

සුව සේවා කාර්ය මණ්ඩල ද ජාතික විරෝධතා දිනයට සහාය පළ කර තිබුනේ නොවැම්බර් 09 වැනි අගහරුවාදා උදෑසන 7 සිට නොවැම්බර් 10 වැනි බදාදා උදෑසන 7 දක්වා සංකේත වර්ජනයක් ක්‍රියත්මක කරමිනි.

ගුරු, විදුහල්පති වැටුප් විෂමතාව වහාම විසදන ලෙස බල කිරීම ඇතුළු ඉල්ලීම් අටක් මුල් කරගනිමින් ඒකාබද්ධ සෞඛ්‍ය සේවක සංගමය අද දහවල් දිවයිනේ රෝහල් ඉදිරිපිට විරෝධතා පැවැත්වු බව පළාත් බද වාර්තාකරුවෝ වැඩි දුරටත් පවසති.

කොළඹ ලිප්ටන් වටරවුමේදී පැවැති උද්ඝෝෂණයට එක්වෙමින් ලංකා ගුරු සංගමයේ ප්‍රධාන ලේකම් ජෝසප් ස්ටාලින් රජයට අනතුරු අගවා සිටියේ එළඹෙන 12 වැනිදා අයවැයට පෙර ගුරු, විදුහල්පති වැටුප් ගැටළුවට විසදුමක් ලබා නොදුන්නොත් 12 වැනිදා සියළුම ගුරු විදුහල්පතිවරුන් කැඳවීමට අවශ්‍ය සියළු කටයුතු සංවිධානය කර අවසන් බවයි.

THE LEADER TV

සුදුකෙස් මල්ලී කලුකෙස් අයියාට හීනියට නෙළයි!

කොටියෙකු කියපු සුභාෂ්කරන්ට දේශප්‍රේමී සත්කාරයක් !