1200 x 80 DMirror

 
 

අතුරුදහන් කරනු ලැබුවන් සොයාගැනීමේ අඛණ්ඩ අරගලයක යෙදී සිටි මව්වරුන් පියවරුන් සියයකට වැඩි පිරිසක්

මියගොස් සිටියදීත් එකම ඥාතියකු හෝ සොයා දීමට සමත් වී නැති අතුරුදහන් වූ තැනැත්තන් පිළිබඳ කාර්යාලයට උතුරේ දැඩි විරෝධය පළ වී තිබේ.

යුද සමයේත් ඉන් පසුවත් බලහත්කාරයෙන් අතුරුදහන් කරන ලද කුඩා දරුවන් ඇතුළු සිය සමීපතමයන් වෙනුවෙන් යුක්තිය ඉල්ලා නොවැම්බර්  30 වැනිදා යාපනයේ නාවලර් වීදියේ පිහිටි එක්සත් ජාතීන්ගේ සරණාගතයන් පිළිබඳ මහ කොමසාරිස් ක්ෂේත්‍ර කාර්යාලය ඉදිරිපිටදී හැඬු කදුලින් විරෝධතාවයක් දියත් කරමින් මව්වරුන් කියා සිටියේ අතුරුදහන් වූ තැනැත්තන් පිළිබඳ කාර්යාලය තමන්ට අවශ්‍ය නොවන බවයි.



අම්මාවරුන් මෙම විරෝධතාව දියත් කොට ඇත්තේ ස්ත්‍රී - පුරුෂ සමාජභාවය මත පදනම් වූ ප්‍රචණ්ඩත්වයට එරෙහි 16 දින ක්‍රියාකාරිත්වය නම් තැඹිලි පාට ගෝලීය ක්‍රියාන්විතයට ආණ්ඩුවත් පාර්ලිමේන්තුවේ ප්‍රධාන විපක්ෂයත් එක්සත් ජාතීන්ගේ සංවිධානය සමග හවුලේ වැඩසටහන් පවත්වමින් සිටියදීය.

 

hjkui

දොලොස් වසරකට වැඩි කාලයක් තිස්සේ ඉල්ලා සිටි යුක්තිය ඉටු කිරීමට ශ්‍රී ලංකා රජය මේ වන තෙක් ක්‍රියා කර නොමැති බව පවසන මව්වරුන් ඉල්ලා සිටින්නේ සිය දරුවන් සොයා ගැනීම වෙනුවෙන් ජාත්‍යන්තර මැදිහත් වීමකි.

පළාත්බද මාධ්‍යවෙිදීන් විසින් අනාවරණය කර ඇත්තේ බලහත්කාරයෙන් අතුරුදහන් කර සිටින සිය සමීපතමයන් සොයා ගැනීම සදහා ජාත්‍යන්තර වශයෙන් යුක්තිය අපේක්ෂාවෙන් උතුරේ දියත් කර ඇති අඛණ්ඩ අරගලයට එක්ව සිටි දෙමාපියන් 108 දෙනකු සිය දරුවන්ට අත්වු ඉරණම නොදැනම මේ වන විට දිවි ගමන නිමා කර ඇති බවයි.

බහලත්කාරයෙන් අතුරුදහන් කරනු ලැබු එකදු අයෙක් හෝ සොයාදීමට අපොහොසත්ව ඇති අතුරුදහන් වූ තැනැත්තන් පිළිබඳ කාර්යාලය (OMP)තවත් මාස තුනකින් පස් වැනි වසරට පා තබයි.

මෛත්‍රී - රනිල් ආන්ඩුව විසින් තමන්ගේ නායකත්වයෙන් 2018 පෙබරවාරි 28 දා පිහිටුවන ලද කාර්යාලය සම්බන්ධයෙන් කෝපයෙන් යුතු ඥාතීන් සිටින බව හිටපු OMP ප්‍රධානියාද පිළිගෙන තිබුනි.

''අතුරුදහන්වීම් සම්බන්ධයෙන් දැනට පවතින තත්ත්වය පිළිබඳව කෝපයට හා ශෝකයට පත් පවුල් වල සාමාජිකයින් දහස් ගණනක් අතුරුදහන් වූ තැනැත්තන් පිළිබඳ කාර්යාලයේ අපට මුණගැසී ඇති අතර, අතුරුදහන් වීම් සම්බන්ධයෙන් රජය විසින් අනුගමනය කරනු ලබන ක්‍රියාවලියට එරෙහිව විරෝධතාවන්ට සහභාගී වූ, රාජ්‍ය ආයතන කෙරෙහි කිසිදු විශ්වාසයක් නැති සහ මේ සම්බන්ධයෙන් ජාත්‍යනත්තර මැදිහත්වීමක් අපේක්ෂා කරන පිරිස් මේ අතර සිටිති,''යයි OMP දෑවුරුදු සමරුව වෙනුවෙන් ජනාධිපති නීතිඥ සාලිය පිරිස්ගේ සභාපතිවරයා නිකුත් කළ නිවේදනයක දැක්වේ.


යුද්ධයේ අවසාන දින වලදී ආරක්ෂක අංශ භාරයට පත් වීමෙන් පසුව හා යුද්ධයේ අවසන් මොහොතේ අතුරුදහන් වු තමන්ගේ ආදරණීයයන්ට අත්වූ ඉරණම හෙළි කරන ලෙස රජයට බල කරමින් 2017 වසරේ පෙබරවාරි සහ මාර්තු මාසවලදී වව්නියාව, කිලිනොච්චිය, යාපනය, මුලතිව්, ත්‍රිකුණාමලය සහ අම්පාර දිස්ත්‍රික්ක වල සත්‍යග්‍රහ ව්‍යාපාර ආරම්භ විය.

 

ආගිය අතක් සොයා ගැනීමට නොමැති තම සමීපතමයන්ගේ ඉරණම ඥාතීන්ට හෙළිකර දීම සඳහා ආණ්ඩුවට “නෛතික හා සදාචාරාත්මක” වගකීමක් ඇතැයි හිටපු OMP ප්‍රධානියා සිය කාර්යාලයේ දෙවර්ෂ පූර්ණ සංවත්සර නිවේදනයේ සඳහන් කර තිබුණි.

කෙසේ නමුත් යුද සමයේ ආරක්ෂක බලධාරියා වූ වත්මන් ජනාධිපති ගෝඨාභය රාජපක්ෂ 2020 වසරේදී  එක්සත් ජාතීන්ගේ ශ්‍රී ලංකාවේ නේවාසික නියෝජිත හැනා සිංගර් සමග ප්‍රකාශ කර තිබුනේ සිය සොහොයුරු මහින්ද රාජපක්ෂගේ පාලන සමයේ උතුරේ දියත් කළ යුද්ධයේදී අතුරුදහන් වූ පුද්ගලයන් මරණයට පත්ව ඇති බවයි.

ඉන් පසුව ඔහු පවසා තිබුනේ “අතුරුදහන් බව කියන විශාල පිරිසක්” මරුමුවට පත්වූයේ යැයි එක්සත් ජාතීන්ගේ ආයතනයක් විසින් පැවසූ බවයි.


වන්දි මුදල් “රැවටීමක්”

අතුරුදහන් කළවුන්ට වන්දි ගෙවන බව පවසන ආණ්ඩුව, ඔවුන්ට සිදුවුයේ කුමක්ද කියා සොයා නොබැලීම සම්බන්ධයෙන් ද පසුගියදාත්  විරෝධය පලවී තිබුනි.

''අතුරුදහන් කළ අයට මොකද වුනේ කියලා සොයා බලා යුක්තිය ඉටු කරන්නේ නැතුව, වන්දි දෙන්න සල්ලි වෙන් කරා කියල ආණ්ඩුව හදන්නේ ජාත්‍යන්තරය රවට්ටන්න,''යැයි  උතුරු පළාත් සභාවේ හිටපු මන්ත්‍රිනී ආනන්දී ශෂිදරන් නොවැම්බර් 21 වැනිදා කිලිනොච්චියේදී පැවති මාධ්‍ය හමුවකදී පැවසුවාය.

යුද්ධය අවසන් දිනයන්හි ලංකා ආණ්ඩුවේ හා ජාත්‍යන්තරයේ ඉල්ලීම අනුව දෙමළ විමුක්ති කොටි සංවිධානයේ නායකයකු වූ ඇගේ සැමියා රජයේ හමුදා වෙත බාර දී දොළොස් වසක් ගතවුවද මෙතෙක් ඔහු ගැන තොරතුරක් ලැබී නොමැත.

පසුගිය 12 වැනිදා මුදල් ඇමැති බැසිල් රාජපක්‍ෂ අයවැය යෝජනා ඉදිරිපත් කරමින් කියා සිටියේ අතුරුදහන් කළ තැනැත්තන් වෙනුවෙන් රුපියල් මිලියන 300 ක් වෙන් කරන බවය.


හිටපු පළාත් සභා මන්ත්‍රිනී මාධ්‍ය හමුවේ පෙන්වා දුන්නේ කෝවිඩ් වසංගතය, ගංවතුර ගැලීම්, පොහොර ප්‍රශ්න හමුවේ වන ගොවීන්ගේ කනස්සල්ල, බඩු මිල ඉහල දැමීම, හමුවේ එදිනෙදා කුලී වැඩ කරන කම්කරුවා ගේ සිට රාජ්‍ය සේවකයා දක්වා බරපතල ලෙස පිඩාවට පත්ව ඇති අයුරුය. ''රාජපක්‍ෂ ආණ්ඩුව ඉදිරිපත් කරලා තියෙන අයවැය පුස්වෙඩිල්ලක්, කිසිම ජාතියකට මින් සහනයක් නැහැ,'' යි ආනන්දී ශෂිදරන් ප්‍රකාශ කළාය.



මේ අතර ආණ්ඩුවේ පාලනය යටතේ පවතින අතුරුදහන් තැනැත්තන් පිලිබඳ කාර්යාලය මගින් අතුරුදහන් කළවුන්ට මරණ සහතික ලබා දෙන බවට ඔවුන්ගේ සමීපතමයන්ට ලිපි යවා තිබේ.

අවුරුදු 12කට වැඩි කාලයක් තම සමීපතමයන් සොයා නොදී දුකට පත්කළ ආණ්ඩුව මීට ඉහතදී ලියාපදිංචිය සඳහා ඉල්ලා තිබුණු ලියවිලිම ඇතුළු තවත් ලියවිලි විස්සකට වැඩි ප්‍රමාණයක් එම කාර්යාලය විසින් නැවතත් ඉල්ලා සිටිමින් නැවතත් හිරිහැර කරන බව ඥාතීහු පවසති.


ඒ සඳහා ඉල්ලා ඇති ලිපි ලේඛන මෙසේය.

(1)  OMP ඉල්ලුම් පත්‍රය

(2) අතුරුදහන් පුද්ගලයාගේ ජාතික හැඳුනුම් පතේ හෝ රියැදුරු බලපත්‍රයේ පිටපත

(3) අතුරුදහන් පුද්ගලයාගේ උප්පැන්න සහතිකය

(4) අතුරුදහන් පුද්ගලයාගේ ඡායාරුපය

(5) ඉල්ලුම් කරුගේ ජාතික හැඳුනුම් පත් අංකය

(6) ඉල්ලුම් කරුගේ උප්පැන්න සහතිකය

(7) දිවුරුම් පෙත්සම

(8) ඉල්ලුම් කරුගෙන් ලිපියක්  

(9) අතුරුදහන් පුද්ගලයාගේ විවාහ සහතිකය

(10) අතුරුදහන් පුද්ගලයාගේ දරුවන්ගේ උප්පැන්න සහතික

(11) ඥාතිත්වය ඔප්පු කරන දිවුරුම් පෙත්සම

(12) පදිංචිය ඔප්පු කිරීම සඳහා ග්‍රාම නිලධාරී සහතිකය

(13) පදිංචිය නැවත තහවුරු කරමින් ප්‍රාදේශීය ලේකම් විසින් නිකුත් කළ ලිපිය

 (14) පොලිස් පැමිණිල්ල

(15) ජාත්‍යන්තර රතු කුරුස සංවිධානය/ එක්සත් ජාතීන්ගේ ක්‍රියාකාරී කණ්ඩායම වෙත යවන ලද ලිපිය

(16) වෙනත් කොමිෂන් සභාවල ලිපි/ වාර්තා

(17) දැනටමත් ලබාගෙන ඇතිනම් අතුරුදහන් තැනැත්තාගේ මරණ සහතිකය

 (18) මරණය ලියාපදිංචි කළ වෙනත් ලිපි

(19) අතුරුදහන් තැනැත්ත‌ා පිලිබඳ පළවූ ප්‍රවෘත්ති වාර්තා

 (20) රැකියාවට අදාළ වෙනත් ලියකියවිලි (21) වෙනත් ලියවිලි



තම ඥාතීන්ට යුක්තිය ඉටු කරන මෙන් ඉල්ලා 1700 කට වැඩි දින ගණනක් පුරා සත්‍යග්‍රහයේ යෙදෙන අතුරුදහන් කළවුන්ගේ ඥාතීන්ගේ සංගම් පවසන්නේ  'අතුරුදහන් කළ තැනැත්තන්ගේ කාර්යාලය' ඔවුන් පිලි නොගන්නා බවය.

 

 

 

 


 

THE  LEADER  TV


අවි ගත්තෝ අවියෙන්ම නසින ලකුණු ! | මොණරවිලගේ ලියමන
 

 
 
ජනාධිපති නියෝග පයිසෙට වැටෙයි! | The Leader TV
 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්