දීර්ඝ කාලයක් තිස්සේ සිරගත කර සිටින රැඳවියන්ට සහන ලබා දෙන ලෙස ඉල්ලමින් ඔවුන්ගේ ඥාතීන් ජනාධිපතිවරයාට සන්දේශයක් භාර දී තිබේ.
'සිරකරු අයිතිවාසිකම් සුරැකීමේ කමිටුවේ' ප්‍රධානත්වයෙන් දෙසැම්බර් 09 වැනි බ්‍රහස්පතින්දා උදෑසන ජනාධිපති ලේකම් කාර්යාලය අසලදී සිය ඉල්ලීම් ප්‍රදර්ශනය කරමින් නිහඬ විරෝධතාවක් දියත් කිරීමටත් සිය ගණනක් වු රැඳවියන්ගේ ඥාතීන් කටයුතු කර තිබුනි.
ඒ "ජනාධිපති සමාව ඇති හැකි අයට පමණ ද ? සිව්වස් සමාලෝචනය ක්‍රියාත්මක කර රැදවියන්ට සහන ලබා දෙනු!" බැනරය පෙරටු කරගනිමිනි.
අගනගරයේ මාධ්‍යවේදීන් පවසන්නේ 'සිරකරු අයිතිවාසිකම් සුරැකීමේ කමිටුවේ' ප්‍රධානීන්ට සහ ඥාතීන් කිහිප දෙනකුට ජනාධිපතිවරයාගේ ලේකම්වරයකු මුණගැසී සාකච්ඡා කිරීමට පොලීසිය එහිදි ඉඩ සලසා දුන් බවයි.
සාකච්ඡා හමාර කිරීමෙන් පසු නැවත විරෝධතාවය දියත් වු ස්ථානයට පැමිනි සිරකරු අයිතිවාසිකම් සුරැකීමේ කමිටුවේ සභාපති නීතිඥ සේනක පෙරේරා මාධ්‍යවේදීන් සමග කියා සිටියේ ජනාධිපතිවරයාගේ අතිරේක ලේකම්වරයෙක් වන සුපුන් ජීවානන්ද හමුවී සාකච්ඡා කළ අතර ජනාධිපතිවරයා වෙත යොමු කිරීම සදහා ඔහුට සන්දේශයක්ද භාර දුන් බවයි.
බන්ධනාගාර ආඥා පනත යටතේ පවතින සමාලෝචන ක්‍රියාවලිය ක්‍රියාත්මක කර රැදවියන්ට සාධාරණව කටයුතු කරන ලෙස ඉල්ලා සිටි නීතිඥයා එහිදී අවධාරණය කළේ දියුණු ලෝකයේ වැදගත් සංකල්පයක් ලෙස සිරකරුවන් පුනරුත්ථාපනය කිරීම සිදු වන අතර දීර්ඝ කාලයක් දඩුවම් විදින සිරකරුවන් සදහාත් පුනරුත්ථාපනය ය වීමේ අවස්ථාව ලබා දෙන ලෙසයි.
සිරකරුවන් වෙනුවෙන් සමාව හෝ සහන ලබා දීමට මැදිහත් වන ලෙස ඔහු ජනාධිපතිවරයාගෙන් ඉල්ලා සිටියේය.
නීතිඥ සේනක පෙරේරා එහිදී වැඩි දුරටත් සදහන් කළේ ඒ සම්බන්ධයෙන් ජනාධිපතිවරයාගේ අවධානය යොමු කිරීමට ලේකම්වරයා පොරොන්දු වු බවයි.
වැලිකඩ විරෝධතා
ජීවිතාන්තය දක්වා සිරදඬුවම් නියම වී සිටින තමන් ද නිදහස් කරන ලෙස බල කරමින් වැලිකඩ බන්ධනාගාරයේ රැඳවියන් පිරිසක් පසුගිය සැප්තැම්බර් මාසයේ බන්ධනාගාර වහළය මත නැග ආරම්භ කළ විරෝධතාවය දින කිහිපයක් තිස්සේම ක්‍රියාත්මක කර තිබුනි.
රැඳවියන්ගේ ඉල්ලීම්වලට සාධනීය පිළිතුරක් දීමට තම දෙපාර්තමේන්තුවට නොහැකි බව පවසන බන්ධනාගාර දෙපාර්තමේන්තුව එහිදී ජනමාධ්‍ය වෙත පවසා තිබුනේ අදාළ ඉල්ලීම් සම්බන්ධයෙන් මේ වනවිට නීතිපති දෙපාර්තමේන්තුව සහ අධිකරණ අමාත්‍යාංශය දැනුවත් කර ඇති බවයි.
සිරකරු දිනය නිමිත්තෙන් සුළු වැරදි සඳහා බන්ධනාගාර ගත කර සිටි රැඳවියන් 89 දෙනකු ජනපති පොදු සමාව යටතේ පසුගියදා නිදහස් කර තිබුනි.
මරණ දඬුවම නියම වී සිටින සහ ජීවිතාන්තය දක්වා සිරදඬුවමට ලක්ව සිටින සිරකරුවන් 1,500 දෙනෙකු පමණ වැලිකඩ චැපල් වාට්ටුවේ රඳවා සිටින බව ජනමාධ්‍ය වාර්තා කර තිබේ.
අගමැති මහින්ද රාජපක්ෂ ජනාධිපතිධුරය හොබවන සමයේ ඔහුගේ වෘත්තීය සමිති උපදේශකයා වූ භාරත ලක්ෂ්මන් ප්‍රේමචන්ද්‍ර මරා දැමීමට වරදකරු වී මරණ දඬුවම් ලබා සිටි ආරක්ෂක අමාත්‍යාංශයේ හිටපු අධීක්ෂණ මන්ත්‍රී දුමින්ද සිල්වා ට ජනාධිපති ගෝඨාභය රාජපක්ෂ විසින් ජනාධිපති සමාව ලබා දී නිවාස සංවර්ධන අධිකාරියේ සභාපති ධුරටයද පත් කරණ ලදී.
දුමින්ද සිල්වා ජනාධිපති පොදු සමාව යටතේ නිදහස් කළ අවස්ථාවේත් වැලිකඩ හා මහර ඇතුළු බන්ධනාගාර කිහිපයක සිරකරුවන් පිරිසක් තමන්ටද නිදහස ලබා දෙන ලෙස ඉල්ලමින් විරෝධතා දියත් කර තිබුනි.
ඊට පෙර දරුවන් තිදෙනකු ඇතුළු සාමාන්‍ය දෙමළ වැසියන් අට දෙනකු ඝාතනය කිරීමේ වරදට මරණ දණ්ඩනයට නියමවී සිටි යුද හමුදා සැරයන් සුනිල් රත්නායක ජනාධිපති ගෝඨාභය රාජපක්ෂ විසින් ජනාධිපති සමාව යටතේ නිදහස් කරන ලදී.
ඊයේ දිනයේ නිහඩ විරෝධතාවය දියත් කළ රැදවියන්ගේ ඥාතීන් ද ප්‍රශ්න කර තිබුනේ "අවුරුදු 5 අඩු දුමින්දට දුන් සමාව අවුරුදු 25 ට වැඩි රැදවියන්ට නැද්ද?" යන්නයි.
ජනාධිපතිගෙන් බන්දුලට කණේ පාරක්!
ජනමතය බල්ලට තීන්දු අපේ කැමැත්තට! | මොණරවිලගේ ලියමන
