ජාත්යන්තර එක්දින (සීමිත ඕවර 50) ක්රිකට් හා විස්සයි20 – T20 - ක්රිකට් තරගවල පන්දු ඕවර අතර ගතවන කාලය නියාමනය කිරීම පිණිස
කාලය මැනීමේ ඔරලෝසු (Stop Clocks) භාවිතා කිරීම ජූනි මාසයේ සිට අනිවාර්ය කිරීමට ජගත් ක්රිකට් කවුන්සලය තීරණය කර තිබෙනවා.
මේ ක්රියාව ස්ථිර ලෙසින් සිදුවන්නක් ලෙසට කවුන්සලය තීරණය කර තිබෙන්නේ මේ සම්බන්ධයෙන් සිදුකළ අත්හදා බැලීම් සාර්ථක වීමෙන් පසුව.
දෙසැම්බරයේ සිට ජාත්යන්තර සීමිත ඕවර පිරිමි ක්රිකට් තරගවලදී අත්හදා බැලුනු මේ ක්රමයෙන් පෙනී ගොස් තිබෙන්නේ එක් ජාත්යන්තර තරගයක මිනිත්තු 20කට ආසන්න කාලයක් බැගින් ඉතිරි කරගෙන ඇති බව.
බටහිර ඉන්දීය කොදෙව් දූපත් හා අමෙරිකාවේදී ජූනි මාසයේ පැවැත්වෙන T20 ලෝක කුසලාන තරගාවලියෙන් ආරම්භ වන මේ නව ක්රමවේදය ජගත් ක්රිකට් කවුන්සලයේ සියළුම පූර්ණ සාමාජික ජාත්යන්තර එක්දින (ODI) හා විස්සයි20 තරගවල අනිවාර්ය අංගයක් වන බව ජගත් ක්රිකට් කවුන්සලය ඔවුන්ගේ වාර්ෂික මහා සභා රැස්වීමෙන් පසුව ප්රකාශ කළා.
මේ අනුව, පන්දු රකින කණ්ඩායම් නව ඕවරයක් යැවීම පසුගිය ඕවරය සම්පූර්ණ වී මිනිත්තුවක් ඇතුළත සිදු කළ යුතු වනවා. මේ වෙනුවෙන් ක්රීඩාංගණයේ ප්රදර්ශනය වන විද්යුත් ඔරලෝසුවක් සෑම අවස්ථාවකදීම අවරෝහණ ගණනයක යෙදීම ආරම්භ කරනවා.
පෙර ඕවරය සම්පූර්ණ වීමෙන් පසුව ඊළඟ ඕවරයේ පළමු පන්දුව තත්පර 60ක් ඇතුළත යැවීමට යම් කණ්ඩායමක් සූදානම්ව නොසිටින්නේ නම්, එම කණ්ඩායමට දෙවතාවක් අනතුරු අඟවනු ඇති අතර ඉන්පසුවත් සිදුකරන එම වැරදි වෙනුවෙන් එක් අවස්ථාවකට ලකුණු 5 බැගින් දඩ ගැසීමක් සිදුවනවා.
සටහන :
(වර්නන් ගුණසේකර)
ජ්යෙෂ්ඨ මාධ්යවේදී