2021 ඔලිම්පික් දින සැමරුමට සමගාමීව කෙටි චිත්‍රපට තරගයක්  

 

2021 ඔලිම්පික් දින සැමරුමට සමගාමීව ශ්‍රී ලංකා ජාතික ඔලිම්පික් කමිටුව විසින් සංවිධාන කරන කෙටි චිත්‍රපට තරගාවලියට නිර්මාණ බාර ගැනීම මේ වනවිට ආරම්භ කර තිබෙනවා.

 

වයස අවුරුදු 16-35 අතර තරුණ කෙටි චිත්‍රපට නිර්මාණකරුවන් වෙනුවෙන් විවෘත මෙම තරගයට උපහාරය, අවබෝධය, ඉදිරියට ගමන් කිරීම යන තේමා යටතේ චිත්‍රපට ඉදිරිපත් කිරීමට අවස්ථාව සැලසේ.

 

මිනිත්තු 5ට නොඅඩුව මිනිත්තු 7ක උපරිමයකට යටත්ව භාෂා තුනෙන්ම නිර්මාණ යොමු කළ හැකි ය. 

 

මැයි 29 වැනිදාට පෙර තරගය සඳහා ලියාපදිංචි විය යුතු අතර කෙටි චිත්‍රපට බාර ගන්නා අවසන් දිනය ජූනි 18 වැනිදා යි.

 

ජූනි 23 වැනිදාට යෙදෙන ඔලිම්පික් දින සැමරුමේ දී ජයග්‍රාහකයින් දැනුම් දෙන අතර පළමු ස්ථානය වෙනුවෙන් රුපියල් 20,000ක, දෙවැනි ස්ථානය වෙනුවෙන් රුපියල් 15,000ක සහ තුන්වැනි ස්ථානය වෙනුවෙන් රුපියල් 10,000ක මුදල් ත්‍යාග පිරිනැමේ. 

 

එසේම, සහභාගී වන සියලුම දෙනා වෙනුවෙන් ඊ-සහතිකයක් පිරිනමන බව සංවිධායකයෝ පවසති. 

 

වැඩිදුර විස්තර 0720645540 කන්ඩුල, 0770556534 චලනි, 0760970125 චාරුණි 

 

ලියාපදිංචිය සඳහා පහත සඳහන් සබැඳිය වෙත පිවිසෙන්න