සිය සේවකයන්ට වැටුප් ගෙවීමට පවා මුදල් සොයා ගැනීමේ අර්බුදයකට මුහුණ දී සිටින රජයේ ප්‍රධාන රූපවාහිනී නාලිකාවක් වැඩ සටහන් විස්සකට අධික ප්‍රමාණයක් නිෂ්පාදනය කිරීම තාවකාලිකව අත්හිටුවා තිබේ.
සියළුම ඒකක ප්‍රධානීන් වෙත අප්‍රේල් මස 4 වැනි සදුදා  ජාතික රූපවාහිනියේ නියෝජ්‍ය අධ්‍යක්ෂ ජනරාල් ( වැඩසටහන්) ලිඛිතවම දැනුම් දී ඇත්තේ නැවත දැනුම් දෙන තුරු වැඩ සටහන් විසි හතරක් අලුතින් නිෂ්පාදනයද සජීවි විකාශනයද නොකිරීමට රූපවාහිනි කළමනාකාරීත්වය තීරණය කර ඇති බවයි.

'' එහෙත් මෙම වැඩ සටහන් වල නැවත විකාශය කළ හැකි සුදුසු වැඩසටහන් ඇත්නම් ඒ පිළිබදව වැඩසටහන් ඉදිරිපත් කිරීමේ ඒකකය දැනුම්වත් කරන්න ''    

එමෙන්ම අප්‍රේල් මස 5 වැනි අගහරුවාදා සිට ජාතික නාලිකාවේ විකාශන කටයුතු රාත්‍රී 10.00 ට නිමා කිරීමටත් එහි පාලනාධිකාරිය තීරණය කර තිබේ.

ජාතික රූපවාහිනියේ නියෝජ්‍ය අධ්‍යක්ෂ ජනරාල් ( වැඩසටහන්) සියළුම ඒකක ප්‍රධානීන් වෙත යොමු කළ ලිපියේ වැඩි දුරටත් සදහන් කර ඇත්තේ නේත්‍රා සහ අයි නාලිකා දෙකෙහි මෙතෙක් නිෂ්පාදනය කළ සියළු වැඩසටහන්ද තාවකාලිකව නතර කිරීමට තිරණය කර ඇති බවයි.

එම ලිපියේ දැක්වෙන පරිදි අලුතින් නිෂ්පාදනය හා සජීවි විකාශනය සිදු නොවන වැඩ සටහන් පහත පරිදිය.

නුගසෙවන, රූ ටියුබ්, සිහිනයකි රෑ, ආයුබෝවේවා, අපේ සිංදුව, ක්‍රීඩා විසිතුරු, මහජන දිනය, මුතුහර, බිග් ක්වෙක්ෂන්, පුංචි අපිත් රසට උයමු, කිං කුසල ගවේෂි, අපේ පැය, විෂන්, පාට පාට, රටා, මං ආසයි මට කියන්න, රූපාවලෝකනය, ජීනියස් ජුනියර්, අරුම පුදුම රෝද හතර, ෆෝවඩ් ෆොකස්, සුක්කානම, රිවිදින අරුණැල්ල, ෆැෂන්, ධාරා.  
 
 
The Leader TV අද වීඩියෝ 
 
 
 
 

Leader Whats app

 

 

subscribeYT

WhatsApp Image 2021 09 13 at 13.49.58

ඇට මැස්සා