1200 x 80 DMirror

 
 

දිනෙන් දින උග්‍ර වන දේශපාලන ආර්ථික අර්බුදයට විසදුම් සෙවීමට නම් පවතින රාජපක්‍ෂ -වික්‍රමසිංහ හවුල් පාලනය වෙනස් කළ යුතු බවට දෙමළ ජාතික සන්ධානය අවධාරණය කර තිබේ.


''ජනතාවගේ ප්‍රධානතම ඉල්ලීම වන්නේ පවතින දේශපාලන ආර්ථික අර්බුදයට විසදුම් සොයන්නට නම් ආණ්ඩු වෙනසක් අත්‍යාවශ්‍ය බවයි. මේ ආණ්ඩුව කෙරෙහි ජනතාවගේ විශ්වාසය සම්පුර්ණයෙන්ම බිඳ වැටිලා ඉවරයි,'' යැයි දෙමළ ජාතික සන්ධානයේ නායක, පාර්ලිමේන්තු මන්ත්‍රී ආර්.සම්බන්ධන් පවසයි.

රටේ තත්වය පිළිබඳ අඳුරු චිත්‍රයක් නැවතත් මවමින් අගමැති රනිල් වික්‍රමසිංහ 22 බදාදා පාර්ලිමේන්තුවේ දී කියා සිටියේ ඉන්ධන, ගෑස්, විදුලිය හා ආහාර හිඟයෙන් නොනැවතී ශ්‍රී ලංකාවේ ආර්ථිකය අගාධයකට ඇද වැටී ඇති බවයි. එකම ගැලවුම් මාර්ගය ජාත්‍යන්තර මුල්‍ය අරමුදල (IMF) සමග සාකච්ඡාව බව ඔහු නැවතත් කියා සිටියේය.

ශ්‍රී ලංකා මහා බැංකුව විසින් නිකුත් කර ඇති ඩොලර් මිලියන 250ක් වටිනා ස්වෛරී බැඳුම්කරවල සම්පූර්ණ මුදල හා පොලිය ලබාගනු පිණිස නිව් යෝර්ක් අධිකරණයේ නඩු පවරා තිබෙන සිටින ශාන්ත කිට්ස් සහ නෙවිස්හි පිහිටි හැමිල්ටන් රිසර්ව් බැංකුව පවසන්නේ ආණ්ඩුවට ණය ගෙවීමට අමාරුවක් නැති බවයි.


hamilton


ණය ගෙවීම පැහැර හැර සිටින ආණ්ඩුවට ඒ මුදල් ගෙවීමට හැකියාවක් ඇති බවට එම බැංකුව අධිකරණය හමුවේ තර්ක කර ඇත්තේ රාජපක්ෂ පවුල සතුව ප්‍රකෝටි ගණනක ධන සම්භාරයක් ඇති බව පවසමිනි.


''ඩොලර් බහුබිලියන සංඛ්‍යාත ධන සම්භාරයක් රැස්කොටගෙන සිටින රාජපක්ෂ පවුල ඉන් කොටසක් ඩුබායි, සේෂෙල්ස් සහ සෙන්ට් මාර්ටින් වැනි අක්වෙරල අධිකරණ බල ප්‍රදේශවල සඟවාගෙන සිටින බවට හිටපු එක්සත් ජනපද ආණ්ඩුවේ නිලධාරීන් සහ ගවේශනාත්මක මාධ්‍යවේදීන් විසින් හෙළිදරව් කොට ඇතැ," යි හැමිල්ටන් රිසර්ව් බැංකුව පවරා ඇති නඩුකරයේ සඳහන් වෙයි.WhatsApp Image 2022 06 23 at 9.38.03 AM



රටේ පවතින අර්බුදකාරි තත්වයට වත්මන් රාජපක්‍ෂ - වික්‍රමසිංහ ආණ්ඩුවට විසඳුම් නොමැති බව මේ වනවිට  මනාව පෙන්නුම් කර ඇතැයි දෙමළ ජාතික සන්ධානයේ නායකයා ජනමාධ්‍ය හමුවේ කියා සිටියේ ජාත්‍යන්තර මුල්‍ය අරමුදලේ ඉහල පෙලේ දූත මණ්ඩලයක් ශ්‍රී ලංකාවට පැමිණීමට පෙරාතුවය.

''මේ මොහොතේ රටේත්, ජනතාවගේත් සුබ සිද්ධිය වෙනුවෙන් හැමෝම එකතුව විසදුම් සොයන්න ඕනේ. එහෙම කළොත් තමයි මේ ආණ්ඩුව වෙනස් කරන්න පුළුවන් වෙන්නේ.''

ආණ්ඩු වෙනසක් වුවහොත් පවතින අර්බුදයෙන් ගොඩ ඒමට ජාත්‍යන්තර ප්‍රජාව සහාය වනු ඇති බවට දෙමළ ජාතික සන්ධානයේ නායක ආර්.සම්බන්ධන් විශ්වාසය පළ කරයි.

''පාලනයේ වෙනසක් ඇති වුනානම් ජාත්‍යන්තර ප්‍රජාවට අපේ රට ගැන විශ්වාසයක් ගොඩ නැගෙනවා. එවිට සෑම පාර්ශවයකින්ම උදව් උපකාර ලැබෙනවා. මේ පාලනයේ වෙනසක් කරන්නේ නැතිව රට ඉදිරියට ගෙන යාම ඇති දුෂ්කරයි.''

විදේශ සංචිත ඉහල දමාගෙන, භාණ්ඩ ආනයනය කොට රුපියල ස්ථාවර කරගැනීම සඳහා ඉදිරි මාස කීපය තුල ඩොලර් බිලියන හයක් සොයාගැනීම IMF සාකච්ඡා වල යෙදී සිටින ආණ්ඩුවේ අපේක්ෂාවයි.



මුලාශ්‍ර පුවත :
UPDATE 2-More than 30 of Sri Lanka's bondholders launch formal group for debt talks



සබැඳි පුවත:
බැඳුම්කර හිමියෙක් ශ්‍රී ලංකාවට නඩු පවරයි

 

The LEADER Whatsapp Group එකට එකතුවෙන්න. මෙතනින්

 Whatsapp Leader  40

 

 

subscribeYT

subscribeYT

WhatsApp Image 2021 09 13 at 13.49.58