1200 x 80 DMirror

 
 

ජනාධිපති ගෝඨාභය රාජපක්ෂ සිය ධුරයෙන් ඉවත් විය යුතු බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩලස් අලහප්පෙරුම ඇතුළු මන්ත්‍රීවරුන් හතළිස් හත් දෙනකු තීරණය කර තිබේ.

ඊයේ පස්වරුවේ පැවති රැස්වීමකදී මෙම පිරිස සාකච්ඡා කර ඇත්තේ රට තුළ ඇතිවෙමින් පවතින තත්වය සැලකිල්ලට ගනිමින් ජනාධිපතිවරයා ගෞරවනීය ලෙස ධුරයෙන් සමු ගෙන නව ජනාධිපතිවරයකු පත් කිරීමට අවස්ථාව උදාකර දිය යුතු බවයි.

කොතරම් බලා සිටි ද ජනාධිපතිවරයා ගේ නායකත්වය යටතේ රට යථා තත්ත්වයට පත්වන බවත් නොපෙනෙන නිසා රට ලේ ගංගාවක් බවට පත්ව දේපල ජීවිත හානි සිදුවීමට ඇති බවද ඔවුන්ගේ අදහස වී ඇත.

එනිසා ගෝටාභය රාජපක්ෂ දිගින් දිගටම ධුරයේ සිටිය හොත් අවසානයේ බෙදුම්වාදී බලවේග ශක්තිමත් වනු ඇතැයි ද රටේ ස්වෛරීභාවයට තර්ජනයක් වනු ඇති බවද ඔවුන් සාකච්ඡා කර තිබේ.

ජනාධිපතිවරයා ඉවත්වීමෙන් පසු පාර්ලිමේන්තුවේ සියලු දෙනාගේ එකඟතාවයෙන් ජේෂ්ඨ දේශපාලන නායකයෙක් ජනාධිපතිවරයා ධුරයට පත් කළ යුතු බව ද ඔවුන් සාකච්ඡා කර ඇත.

මෙම සාකච්ඡාව සඳහා වත්මන් ඇමතිවරුන් තිදෙනෙකුද, පාර්ලිමේන්තු මන්ත‍්‍රීවරුන් වන චරිත හේරත්, නාලක ගොඩහේවා, චන්න ජයසුමන, උපුල් ගලප්පත්ති, උදේන කිරිදිගොඩ, අකිල එල්ලාවල ඇතුළු පිරිසක් එක්ව සිට ඇත.


ගෝඨා යා යුතුමයි - නාලක අවධාරණය කරයි



ජනාධිපති ගෝටාභය රාජපක්ෂ තවදුරටත් ධුරයේ රැඳී නොසිටිය යුතු බව ඊයේ ජූලි 8 දා පුද්ගලික රූපවාහිනී නාලිකාවක වැඩසටහනකට සහභාගී වෙමින්සිටි ආචාර්ය නාලක ගොඩහේවා ඍජුවම ප්‍රකාශ කළේය.

 

ප්‍රශ්නය:
ඔබ හිතන්නෙ ජනාධිවරයා යන්න ඕනෙද ඉන්න ඕනෙද


නාලක :
ඍජුවම ඇහුවොත් මේ වෙලාවේ මේ තියෙන අර්බූධය ජනාධිපතිවරයා දිගටම ඉඳලා විසඳන්න පුළුවන් දෙයක් නෙවෙයි මොකද මේ වෙලාවේ ජනාධිපතිතුමාට ජනතාවගෙන් පිලිගැනීමක් නෑ. පාර්ලිමේන්තුව තුලත් කොපමන බහුතරයක් ඉන්නවාද කියන කාරනය අපට තවම අධ්‍යයනය කරල කියන්න බෑ. නමුත් මේ වගේ විශාල අර්බූදයක් ඇතිවෙච්ච වෙලාවක අපි අළුත් බලාපොරොත්තුවක් දෙන්න ඕනේ ජනතාවට. මේ සියල්ලටම විශ්වාසය කියන එක වැදගත් වෙනවා .

විශ්වාසය නැතුව කිසිම දෙයක් කරන්න බෑ. ජනතාව ආන්ඩුව කරන දේ විශ්වාස නොකරන තුරු ජනතාවගේ සහායක් ලබෙන්නේ නෑ ආන්ඩුවට දුවන්න. ඒ නිසා මේ අපි කතා කරන සියලුම විසඳුම් ක්‍රියාත්මක කිරීම සඳහා ජනතාවගේ විශ්වාසය දිනාගැනීමට නම් විශාල වෙනසක් සිද්ධ වෙන්නට ඕනේ. ඉතින් ඒ විශාල වෙනසේදී වත්මන් ජනාධිපතිවරයා වැදගත් සාධකයක්. ඉතින් ඒ සාධකය එතන තියෙන තුරු ඒ විශ්වාසය ගොඩ නගන්න බෑ කියන මතයේ මමත් ඉන්නවා.


ප්‍රශ්ණය :
ඒ අනුව සෞභාග්‍යයේ දැක්ම ලියපු නාලක ගොඩහේවා වසර දෙකහමාරකට පස්සෙ කියනවා වර්ථ්මාන ජනාධිපතිවරයා තව දුරටත් දූරයේ රැදී සිටිය යුතු නෑ කියලා.

නාලක  :
ජනධිපතිවරයා තවදුරටත් දූරයේ රැදී සිටීමෙන් අර කියන ජනතා විශ්වාසය ගොඩ නගන්න බෑ කියන එක මම විශ්වාස කරනවා.

කාටත් කලින් අභ්‍යන්තර දේශපාලන පුවත් බලන්න,  
The LEADER Whatsapp Group එකට එකතුවෙන්න. 
 

Screenshot 2022 06 23 at 11.50.54 AM

 

 

subscribeYT

subscribeYT

WhatsApp Image 2021 09 13 at 13.49.58