එම ලංසු කැඳවීමට අදාළ ආරාධනය ලංකා ගල් අඟුරු සමාගම සිය නිල වෙබ් අඩවියේ මේ වනවිට ප්‍රසිද්ධ කර ඇත.
එහි දැක්වෙන්නේ 2026 සැප්තැම්බර් මාසයේ සිට 2027 අප්‍රේල් මාසය දක්වා කාලය සඳහා ගල් අඟුරු මෙට්‍රික්ටොන් මිලියන 2.28ක් මිලදී ගැනීමට මෙම ටෙන්ඩර් කැඳවීම සිදුකර ඇති බවය.
මෙම ලංසු කැඳවීම මැයි මස 14 වැනිදා දක්වා සිදුකිරීමට අවස්ථාව ලබා දී ඇති අතර අයදුම්කරුවන් සපුරාලිය යුතු කොන්දේසි පිළිබඳවද දැනුම් දී තිබේ.
ඒ අනුව 2026 වසරේදී යාත්‍රා 20ක් සහ 2027 වසරේදී යාත්‍රා 18ක් වශයෙන් යාත්‍රා 38ක් යටතේ ගල්අඟුරු සැපයීම සිදුකළ යුතු අතර දින 210ක් ඇතුළත අදාල සියලු සැපයුම් සිදුකළ යුතු බවද එම කොන්දේසිවල සඳහන් වේ.
සපයනු ලබන ගල්අඟුරුවල ප්‍රමිතිය සහ ලංසු ඉදිරිපත් කරනු ලබන සමාගම්වල වගකීම සහ ක්‍රියාකාරීත්වය සම්බන්ධයෙන්ද ලංකා ගල්අඟුරු සමාගම අදාළ ටෙන්ඩරය මගින් දැනුම්දී තිබේ.
| lankatruth
