මෙහිදී සමගි ජන බලවේගයේ කළුතර දිස්ත්‍රික් මන්ත්‍රී නීතිඥ අජිත් පී පෙරේරා පැවසුවේ, එම වාර්තාවේ කරුණු දැනගැනීමට මන්ත්‍රීවරුන්ට අයිතියක් ඇති බවයි.
මන්ත්‍රී එස්.එම් මරික්කාර් පැවසුවේ, සභානායකවරයා වාර්තාව සභාගත කළත් මන්ත්‍රීවරුන්ට එය තවමත් ලබාදී නැති බවයි.
තම කමිටුවේදී එය අධ්‍යයනය කිරීමට වාර්තාව හැකි ඉක්මනින් දෙන්නැයිද ඔහු ඉල්ලීමක් කළේය.
කතානායකවරයා මෙහිදී පැවසුවේ වාර්තාව මුද්‍රණයට යවා ඇති බවයි. වාර්තාව මුද්‍රණය කර ලැබුණු පසුව සියලු මන්ත්‍රීවරුන්ට බෙදා දෙන බවද ඔහු ප්‍රකාශ කළේය.
කෙසේවුවද ගල් අඟුරු මිලදී ගැනීම සම්බන්ධයෙන්වූ විගණකාධිපතිවරයාගේ වාර්තාව මේවනවිට සමාජ මාධ්‍ය ඔස්සේ ප්‍රකාශයට පත්ව තිබේ.
විගණකාධිපතිවරයාගේ වාර්තාව මෙතැනින්
( මුලාශ්‍රය | lankalokaya - අසේල පෙරේරා)
