යාපනයේ දෙමළ ධීවරයන් පාරම්පරිකව මසුන් මැරීමේ නිතර වු වන්නි මුහුදේ පිටස්තරින් පැමිණි

සිංහල ධිවරයන් පිරිසක් බලධාරීන්ගේ නියෝග නොතකා නීති විරෝධි ක්‍රම භාවිත කරමින් ධීවර කර්මාන්තයේ යෙදී සිටින බවට ප්‍රදේශවාසී ධිවරයෝ චෝදනා කරති.

ඔවුන් පවසන්නේ මුලතිව්, කොක්කුතොඩුවායි උතුරු ප්‍රදේශයේ 15 කනුව සමීපයේ මුහුදු තීරයේ තාවකාලිකව කුඩාරම් ඉදිකරගනිමින් මාස තුනක පමණ කාලයක සිට මෙම ධිවරයන් මසුන් මැරීමේ නිරතව සිටින බවයි.


තහනම් ආම්පන්න භාවිත කරමින් ධිවර කර්මාන්තයේ යෙදී සිටින මෙම සිංහල ධිවරයන්ට එම ප්‍රදේශයෙන් ඉවත් වන ලෙස මුහුදුබඩපත්තු ප්‍රාදේශිය ලේකම් කාර්යාලය, ප්‍රදේශයේ ග්‍රාම නිලධාරිවරයා මගින් නිල වශයෙන් දැනුම් දී ඇතත් මේ වන ‌තෙක් ඔවුන් එම නියෝගයට අවනත වී නොමැති බවයි පළාත් බද වාර්තාකරුවන් පවසන්නේ.


ප්‍රදේශයේ ධිවරයන් සැක පළ කරන්නේ සිංහල ධිවරයන් පුත්තලම හෝ හලාවත ප්‍රදේශයේ පදිංචි කරුවන් විය හැකි බවයි.

දහ දෙනකුගෙන් පමණ සමන්විත මෙම පිරිස කුඩාරම් හතරක පමණ රැදී සිටිමින් මසුන් මැරීමේ නිරතව සිටින බව උතුරු පළාත් සභාවේ හිටපු මන්ත්‍රී තුරෙයිරාසා රවිහරන් පවසයි.

කොක්කුතොඩුවායි ග්‍රාමයේ ධීවර සංගමයේ නායක සෙල්වරාසා මදිඅලගන් පවසන්නේ මේ සම්බන්ධයෙන් ධීවර දෙපාර්තමේන්තුවට දැනුම් දී ඇතත් මේ දක්වා කිසිදු ප්‍රතිපලයක් අත් නොවු බවයි.

"මෙතන බෝට්ටු ගොඩක් තියෙනවා. අපි ග්‍රාම සේවක හරහා දැන්වීම් ඇලෙව්වා. තාම එයාලා එතනින් ගියේ නැ. ඔවුන් දිගටම රස්සාව කරගෙන ඉන්නවා. නීති විරෝධි රස්සාවට භාවිතා කරන සුරුක්කු දැල් තිබුනා. අපි ඒක පොටෝ ගන්න උත්සාහ කරන කොට එයාලා ඒ ටික වාහනවල පටවාගෙන ගියා. ඔවුන් දිගටම රස්සාව කරනවා. ධීවර දෙපාර්තමේන්තුවට දැනුම් දුන්න වෙලාවේ දුරකථනයෙන් කතා කරලා දැනුවත් කරන්න කියලා කිව්වා. නමුත් එයාලා එන්න කලින් මෙයාලා දැල් ටික අරගෙන යනවා. අපි කාට කියන්නද? "


පිටස්තරින් පැමිණ වන්නි මුහුදේ අනවසර ක්‍රම භාවිත කරමින් මසුන් මැරීමේ නිරතව සිටින සිංහල ධීවරයන් පිටුපස බෞද්ධ භික්ෂුවක්ද සිටින බවට චෝදනා කරන කොක්කුතොඩුවායි උතුරේ ධිවරයෙක් වන ආරුමුගම් ෂන්මුගලිංගම් සදහන් කරන්නේ මෙම සිංහල ධීවරයන්ගේ අරමුණ වී ඇත්තේ ප්‍රදේශයේ දෙමළ ධිවරයන් එම ස්ථානයෙන් ඉවත් කිරීම බවයි.


" පරම්පරාවෙන් මේ ප්‍රදේශයේ රස්සාව කළේ අපිට වඩා යාපනයේ මයිලට්ටි ප්‍රදේශයේ ජනතාව. ඔවුන් කිලෝමීටර් 7ක් පමණ දුරක් රස්සාව කරා. නමුත් අපේ ජනතාවත් රස්සාව කරන්න පටන් ගත්ත නිසා එයාලත්( සිංහල ධීවරයන්) රස්සාව කරන්න පටන් ගත්තා. මෙයාලාට බෞද්ධ භික්ෂුවකගේ සහයෝගයත් එක්ක බහුතර ජනතාව ඉන්නවානේ. ඒ ජනතාවට අපේ ධිවරයන්ව පන්නන එක තමයි අරමුණ. මේ ගැන පොලීසියට, හමුදාවට පැමිණිලි කරොත් එයාලත් තමන්ගේ ජනතාවට පක්ෂව තමයි ක්‍රියාත්මක වෙන්නේ."

0000Vanni 3

0000Vanni 2

0000Vanni 1

 

worky

worky 3

Follow Us

Image
Image
Image
Image
Image
Image