කොළඹ මැගසින් බන්ධනාගාරය තුළදී දේශපාලන සිරකරුවකු පහර කෑමකට ලක්ව තිබෙන බව හෙලි කරන දෙමළ ජනතා නියෝජිතයෙක් ඔහුගේ

ආරක්ෂාව අනතුරේ හෙලීම ගැන අධිකරණ අමාත්‍යවරයා දෝෂ දර්ශනයට ලක් කර තිබේ. 

ඉලංකෙයි තමිල් අරසු කච්චි පාර්ලිමේන්තු මන්ත්‍රී ෂානක්කියන් රාජපුත්තිරන් රාසමාණික්කම් පසුගිය සතියේ මඩකලපුවේදී දෙමළ මාධ්‍යවේදීන් හමුවේ පවසා තිබුනේ ත්‍රස්තවාදය වැළැක්විමේ පනත යටතේ අත්අඩංගුවට ගෙන මැගසින් බන්ධනාගාරයේ රදවා සිටින රැඳවියකු පහර කෑමකට ලක්ව ඇති බවයි. 

 "පසුගිය සතියේ කොළඹ මැගසින් බන්ධනාගාරය තුළදී මොරිස් නැමැති පුද්ගලයාට පහරදීමක් සිදුවෙලා තියනවා. මහ බැංකු බෝම්බ ප්‍රහාරය සම්බන්ධයෙන් සැකපිට ඔහු අත්අඩංගුවට ගෙන තිබෙනවා." 

 

පාර්ලිමේන්තු මන්ත්‍රී ෂානක්කියන් රාජපුත්තිරන් රාසමාණික්කම් එහිදී වැඩි දුරටත් පෙන්වා දී ඇත්තේ දේශපාලන සිරකරුවන් හා ත්‍රස්තවාදය වැළැක්විමේ පනත යටතේ අත්අඩංගුවට ගන්නා පුද්ගලයන් සමග වෙනත් රැදවියන් එකට තැබීම මීට ඉහතදී සිදු නොවුනද එම තත්වය මේ වන විට වෙනස් වීම ඔවුන්ගේ ආරක්ෂාවට බලපා ඇති බවයි. 

 

" අතීතයේ දී ත්‍රස්තවාදය වැලැක්වීමේ පනත හෝ දේශපාලන සිරකරුවන් කියන අය මැගසින් බන්ධනාගාරයේ තනිව රඳවා සිටියා. නමුත් දැන් ඔවුන් සමඟ වෙන අයත් රඳවා තබා තිබෙනවා. ඒ රැඳවියන් මොරිස් නැමැත්තාට පහර දුන්නා. මෙය කනගාටුවට කරුණක්. ඇත්ත වශයෙන්ම, ඔහුට බන්ධනාගාරයේ අනාරක්ෂිත තත්වයක් තියනවා." 

දේශපාලන සිරකරුවන් සම්බන්ධයෙන් රජයේ හා ජනාධිපතිවරයාගේ වැඩපිළිවෙල සම්බන්ධයෙන් තෘප්තිමත් විය නොහැකි බව පැවසු රාසමාණික්කම් මන්ත්‍රීවරයා එහිදී තව දුරටත් පවසා තිබුනේ අධිකරණ අමාත්‍යවරයාගේ නොසැලකිල්ලද මීට හේතුවක් බවයි. 

 "විජේදාස රාජපක්ෂ අධිකරණ අමාත්‍යවරයා විදිහට ඉන්නවා. හිරගෙවල් තියෙන්නේ ඔහු යටතේ තමයි. ඔහුගේ නොසැලකිල්ල කියලා තමයි කියන්න ඕන." 

 දේශපාලන සිරකරුවන්ගේ ආරක්ෂාව සම්බන්ධයෙන් ජාත්‍යන්තර ප්‍රජාවද මීට වඩා ශ්‍රී ලංකා රජයට බලපෑම් කළ යුතු බවයි ෂානක්කියන් රාජපුත්තිරන් රාසමාණික්කම් මන්ත්‍රීවරයා පවසන්නේ. 


worky

worky 3

Follow Us

Image
Image
Image
Image
Image
Image