ලංකාණ්ඩුව මැදිහත්වී රජීව් ඝාතනයේ වරදකරු ලංකාවට ගෙන්වීමට පියවර ගැනේ  


දශක තුනකින් දැකගන්නට නොලැබුණු තම පුත්‍රයා හැබැහින් මුණගැසීමේ තිල්ලෙයියම්පලම් මහේෂ්වරී මාතාවගේ සිහිනය යථාර්ථයක් වීමේ ලකුණු පහල වී තිබේ.

ඇයගේ පුත් තිල්ලෙයියම්පලම් සුතන්තිරරාජා හෙවත් සාන්තන් ශ්‍රී ලංකාවට ආපසු මව්රට බලා එවීම ඉන්දීය සහ ශ්‍රී ලංකා ආණ්ඩු විසින් අනුමත කර ඇත.

හිටපු ඉන්දීය අගමැති රජිව් ගාන්ධි ඝාතන නඩුවේ වරදකරු වී දශක තුනකට වැඩි කාලයක් සිරගතව සිටි සාන්තන් ඇතුළු 7 දෙනකු ඉන්දීය ශ්‍රේෂ්ඨාධිකරණය විසින් නිදහස් කරනු ලැබුවේ එම නඩුවේ තවත් වැරදිකරුවකු වන පේරාරිවාලන් නිදහස් කිරීම පූර්වාදර්ශයක් කොට ගනිමිනි.


2022 නොවැම්බරයේ නිදහස් කරනු ලැබූවත් සාන්තන් ශ්‍රී ලංකාවට එවීමට බලධාරීන් පියවර නොගැනීම නිසා මව සහ පුතු හමුව මෙතෙක් සැබෑ නොවිණි.


ඔහුට 2024 අගෝස්තු 01 දින දක්වා වලංගු වූ තාවකාලික ගමන් ලියවිල්ලක් මේ මස මුලදී චෙන්නායි හි ශ්‍රී ලංකා නියෝජ්‍ය මහ කොමසාරිස් කාර්යාලය විසින් නිකුත් කර ඇත.

ඔහු නැවත ශ්‍රී ලංකාවට එවීමේ ක්‍රියාවලිය කඩිනම් කර කඩිනමින් අවසන් කිරීමට ඔහුට නිකුත් කරන ලද මුල් ගමන් ලියවිල්ල තමිල්නාඩු ප්‍රාන්ත ආණ්ඩුවේ (රාජ්‍ය දෙපාර්තමේන්තුවේ) ලේකම් වෙත යවා ඇත.

“ඔබට සංචාරක ලියකියවිලි ලැබුණු බව තහවුරු කර, ඉහත ශ්‍රී ලාංකිකයා පිටුවහල් කිරීමේ ක්‍රියාවලිය හැකි ඉක්මනින් කඩිනම් කර එහි ප්‍රගතිය පිළිබඳව දූත මණ්ඩලය දැනුවත් කරන්නේ නම් කෘතඥතාව පල කෙරේ,” යි  නියෝජ්‍ය මහ කොමසාරිස්වරයාගේ වෙනුවෙන් උපදේශක හර්ෂ රූපරත්න ලියු ලිපියේ සඳහන් වේ.


DHCSL වෙත අනුව, සාන්තන් සඳහා තාවකාලික ගමන් බලපත්‍රයක් නිකුත් කර ඇත්තේ ඔහු ට්‍රිචි හි විශේෂ රැඳවුම් කඳවුරෙන් ශ්‍රී ලංකාවට පිටුවහල් කිරීමට පියවර ගන්නා ලෙස ඉන්දීය රජයේ විදේශ කටයුතු අමාත්‍යාංශයේ ඉල්ලීමක් මත පදනම්වය.


සාන්තන් මීට පෙර ප්‍රාන්ත සහ මධ්‍යම ආන්ඩුවලට ආයාචනා කර තිබුණේ ඔහුට තම මහලු මව සමඟ සිටීමට තම මව් රටට යාමට අවසර දෙන ලෙසයි. ඇගේ මව වන තිල්ලෙයියම්පලම් මහේෂ්වරී ද සිය පුතු ආපසු එවන ලෙස ඉල්ලා ඉන්දීය අග්‍රාමාත්‍ය නරේන්ද්‍ර මෝදිගෙන් කඳුළු සලමින් ඉල්ලීමක් කර තිබුණි.

මේ වනවිට සාන්තන් බරපතල අක්මා රෝගයකට ප්‍රතිකාර ගැනීම සඳහා චෙන්නායි මහ රෝහලේ නේවාසිකව සිටින බව ඔහුගේ නීතිඥ පී පුගලේන්දී පැවසීය.  

 

 


worky

worky 3

Follow Us

Image
Image
Image
Image
Image
Image