ප්‍රංශ තානාපති නිලධාරී තියරි මැතිව් කොළඹ දී.

ශ්‍රී ලංකාවේ සංහිඳියාව, වගවීම සහ මානව හිමිකම් ප්‍රවර්ධනය කිරීම පිළිබඳ එක්සත් ජාතීන්ගේ මානව හිමිකම් කවුන්සිලයේ යෝජනාවට සම අනුග්‍රාහකත්වයෙන් ශ්‍රී ලංකාව ඉවත්ව සිටියද, එම යෝජනාවට නීත්‍යානුකූලව බැඳීමක් ඇති බව ඇති බව ප්‍රංශයේ යුරෝපා අමාත්‍යංශයේ සහ ආසියාවේ සහ ඕෂනියා විදේශ කටයුතු අධ්‍යක්ෂ තියරි මැතිව්  ප්‍රකාශ කරයි.

එක්දින සංචාරයක් සඳහා ශ්‍රී ලංකාවට පැමිණ සිටී ඔහු එබව කියා සිටියේ පෙරේදා (27) කොළඹ පැවැති මාධ්‍ය හමුවක දී ය.

ඔහුගේ එම ප්‍රකාශයෙන් අදහස් වන්නේ යෝජනාව තවම බලාත්මක බවයි.

“එක්සත් ජාතීන්ගේ මානව හිමිකම් කවුන්සිලයේ යෝජනාවට සම අනුග්‍රාහකත්වයෙන් ඉවත් වීමට ශ්‍රී ලංකාව ගත් තීරණයෙන් යෝජනාව අතුරුදහන් වන්නේ නැහැ. ශ්‍රී ලංකාව එයට නීත්‍යානුකූලව බැඳීමක් ඇත.” යනුවෙන් ඔහු එහිදී අවධාරණය කර සිටියේය.

එක්සත් ජාතීන්ගේ මානව හිමිකම් කවුන්සිලයේ යෝජනාවන්හි සම අනුග්‍රාහකත්වයෙන් ඉවත් වීමට ශ්‍රී ලංකා රජය ගත් තීරණය ප්‍රංශ රජයේ අවධානයට ලක්ව ඇති බව ද තියරි මැතිව් සඳහන් කළේය.

“එය දේශපාලන තීරණයක් බව අපට වැටහේ, එබැවින් අප ඒ ගැන අදහස් දක්වන්නේ නැත, නමුත් යෝජනාව තවමත් වලංගුය,” යයි පැවසු මැතිව්, ප්‍රංශය, ශ්‍රි ලංකාව පිළිබඳ නිගමනයන්ට එළඹෙන්නේ සත්‍ය කරුණු මත බවත්, එහිලා සංහිඳියාව හා සාමය ප්‍රධාන ප්‍රමුඛතා ලෙස සළකන පැවසීය.

Mathiw 29 Text
“මානව හිමිකම් ප්‍රංශ ඩීඑන්ඒ හි කොටසකි. එබැවින් මෙම ප්‍රශ්නය පැහැදිලිවම අපට වැදගත් වේ. ආර්ථික සංවර්ධනය, ප්‍රතිසන්ධානයකට තුඩු දෙනු ඇතැයි සිතීමක් ද තිබේ. එනමුත් සිය කල්පනාව වන්නේ සංවර්ධනය කරා ළඟා වීමට නම් පළමුව සංහිඳියාව ඇති කිරීම වැදගත් බව යැයි ඔහු තව දුරටත් ප්‍රකාශ කළේ ය.  

“සටන ඇත්තේ දුර්විපාක නොලැබීමට එරෙහිව ය. පැහැරගැනීම්වලට ගොදුරු වූවන් සොයා ගැනීම ද ප්‍රමුඛතාවයකි. සංහිඳියාව හා සාමය සඳහා වන ඉලක්කය තවමත් පවතින්නේ ය” යනුවෙන් ඔහු වැඩිදුරටත් පැවසිය.

(මුලාශ්‍රය - srilankabrief.org)
 

Apekshakaya

subscribeYT

Cyber Window

නවතම පුවත්

ඇඳිරි නීතිය ඉවත් කළ පසු...