මෙය මාස දෙකකට පමණ පෙර අසල නිවසක ටිවි එකක් නැතිවි තිබින. අයිතිකරු ගුවන් හමුදාවේ භටයෙක් ලූ. මෙම සිද්ධිය මුල් කරගෙන 19 හැවිරිදි තරුණයෙකුව පැහැර ගෙන ගොස් දස වධ දෙන්නේ, සොරකම තමා
කළ බව පිළිගන්නා ලෙසට බල කරමින්ය.
අත් අඩංගුවට ගැනිමක් නම් එය කාරණව මෙන් මෙම තරුණයාගේ දෙමාපියන්ට එය දැනුම් දිය යුතුව තිබුන ද පොලිසිය එම වගකීම පැහැරහැර තිබේ.
මෙම තරුණයා සිද්ධියට අදාලව පොලිස්පතිට හා මානව හිමිකම් කොමිසමට කර තිබෙන ලිඛිත පැමිණිල්ලේ මෙසේ සඳහන්ව තිබේ.
‘‘කොරෝනා වසංගතය හමුවේ, කර්මාන්ත ශාලාවේ වැඩ නවත්වා තිබුනා. 2020 ජුනි 30 වන දින, මාගේ දෙමාපියන් දෙන්නා වැඩට ගිය අතර, මම නංගිලා දෙන්නා බලාගෙන ගෙදර හිටියා.
උදේ 8.00 ට පමණ, මිල්ලනිය පොලිසියේ පීරිස් හා තවත් නිලධාරියෙක් සිවිල් ඇදුමින් නිවසට පැමිණ, පීරිස් කියන නිළධාරියා මාව අඳුනනවාද කියා ඇසුවා. මම ඔව් කිව්වාම, ගේ ඇතුලටම ඇවිත්, මගේ බෙල්ලෙන් අල්ලාගෙන පොලිසියට යන් කියා කිව්වා.
කාරණය ඇහුව්වාම පොඩි කට උත්තරයක් ගන්න තියෙනවා, උඹලාගේ තාත්තාවත් අදුරනවා යයි කිව්වා. මට කලිසමක් හා සෙරෙප්පු දාගන්න ඉඩ දුන්නා. මාව යතුරු පැදියේ මැද තියාගෙන පොලිසියට ගෙන ගියා.
පොලිසියේදී කූඩුවට දැම්මා. සිවිල් පිට පැමිණි නිලධාරියෙක් සවස 3.00 ට විකර කූඩුවෙන් එළියට අරන්, පිටිපස්සේ කාමරයකට ගෙන ගියා. එහි, සිවිල් පිට තවත් අයෙක් හා නිල ඇදුමින් එක්අයෙක් සිටියා. ඔහු උප පොලිස් පරීක්ෂක වරයෙක්.
කාමරයේදී, මට, එම උප පොලිස් පරීක්ෂකවරයා, කණට එකක් ගැහුව්වා. ඊට පස්සේ අනෙක් දෙන්නා මාංචු දැම්මා. මාව බිම වාඩි කෙරෙව්වා. ඔවුන් මාරුවෙන් මාරුවට විකට් පොල්ලෙන් අතට, කකුල් වලට හා යටිපතුල් වලට ගැහුව්වා. යටි පතුල්වලට ගහනකොට එක්අයෙක්, කකුල් දෙක උඩ නැගලා හිටියා.
වරක් ඔවුන් මාගේ එක් අතක් බෙල්ල පිටුපසින් පස්සට අරන් අනෙක් අතද පිටුපසට කරකවා, මාංචු දාන්න හැදුවා. එවිට මාගේ බෙල්ල ඇඹරුනා. එවිට එය නැවැත් වූවා. පැය තුනක් මට පහර දෙමින් වධදුන්නා. කොච්චි දාන්න සූදානම් වුනා.
පහරදෙන අවස්තාවේ කුණුහරප කියමින් පහරදුන්නේ. අම්මා මතක් කරමින් කුණු හරප කිව්වා. පහර දුන්නේ, මම, අසල්වැසි සමිත කුමාර යන අයගේ රූපවාහිනිය සොරකම් කල බවට චෝදනා කරමින්. සොරකම කල බවට පිළිගන්න කියමින් පහර දුන්නා.
මාව කූඩුවට දැම්මේ, අම්මා මාව බලන්න ආවාට පස්සේ. අම්මලාට මාව පෙන්වන්නේ නැතිව ඉන්න හැදුවා. මම අම්මා දැකලා කෑගහපු නිසා, එය කරන්න බැරිවුනා.
මාව බලන්න ආපු අම්මාට, ස්ථානාධිපතිවරයා කුණුහරපයෙන් බැණලා තිබුනා. අම්මලා ගියාට පස්සේ, රාත්‍රී 9 ට විතර, මාව කූඩුවෙන් අරන්, ස්ථානාධිපති ලගට ගෙන ගියා. එහිදී මාව ඔහු ලගින් බිමවාඩි කෙරෙව්වා. ඔහු හිටියේ සිවිල් පිට. අතේ හෝස් බට කෑල්ලක් තිබුනා. ඒක කරකවමින්, මගෙන් එක හොරකම් කලාද ඇහුව්වා. මම නැහැ කිව්වා. මට කුණුහරප කියමින්, බැණ තර්ජණය කලා.
මට ආමන්ත‍්‍රණය කළේ හු... පුතා කියමින්. ඔහු මාව, එතනට ගෙන ආපු, උප පොලිස පරික්ෂක වරයාට කිව්වා, අරූට කලා වගේ ඇටදෙක ලාච්චුවට දාලා දෙමුයයි කිව්වා. ඔහුගේ මේසයේ ලාච්චු ඇර පෙන්නුවා. විනාඩි 15 ක් විතර එසේ බැණ තර්ජණය කර, නැවත කූඩුවට දැම්මා.
පසුදා- 2020 ජුලි 01 දිනදහවල් 12 ට විතර, සමිත කුමාර යනය කූඩුව ළගට ආවා. ඔහුගේ එක මම අරන්යනවා ගමේ අය දැකලා තියෙනවා කියා කිව්වා. ඊට පස්සේ කිව්වා මම ධෂක්‍ ට කියලා එළියට දම්මවන්නම් කියා. සමිත කුමාර යන අය ගුවන් හමුදා භටයෙක්. 2020.07.01 දින සවස, පොලිස් ඇප මත මුදාහැරීමෙන් පසුව, පානදුර මූලික රෝහලට ඇතුලත්ව ප්‍රථිකාර ලබා ගතිමි.’’
‘‘යම් පිරිසකගේ අවශ්‍යතාවයට, මාස දෙකකට වැඩි කාලයකට පෙර නැතිවූ බවට ප්‍රකාශකරන, රූපවාහිනියක් සම්බන්ධයෙන් මාව අත්අඩංගුවට ගෙන, වධදී, ව්‍යාජ නඩුවක් පවරා, මාගේ ජීවිතය, අදුරුකරන්නට උත්සාහ ගැනීම නිසා අද මා රෝගියකු වී ඇත.’’ යනුවෙන්ද ඔහු සිය පැමිණිල්ලේ සඳහන් කර තිබේ.
මව ගේ පැමිණිල්ල:
තමා ගෘහ සේවිකාවක් බවත් සැමියා කඵගල් කැඞීම රැකියාව කරගෙන සිටින තිදරු මවක් බවත් රජයට අයත් ඉඩමක් පරම්පරා දෙකක් පුරා පදිංචිව සිටින බව ප්‍රකාශ කරන මව, සිය පැමිණිල්ලේ මෙසේ සඳහන් කර තිබේ.
’‘ 2020 ජූනි 30 වන දින, උදේ 8.00 ට, මිල්ලනිය පොලිසියේ - පීරිස් හා තවත් නිලධාරියෙක්, යතුරු පැදියකින් පැමිණ, පුතාව කටඋත්තරයක් ගන්න කියලා, යතුරු පැදියේ මැද තබාගෙන පොලිසියට ගෙන ගොස් තිබේ. ඒ වෙලාවේ ගෙදර හිටියේ, අවු: 10 හා අවු: 08 වන දියණියන් දෙදෙනා පමණයි. සැමියා ගල්වලේ ගල්කඩන්න ගිහිල්ලා. මම ගෝනව ගෙදරක ළමයෙක් බලා ගන්න ගිහිල්ලා හිටියේ.
මම සවස 6.00 ට පමණ ගෙදර ආ විට තමයි දියණියන් දෙදෙනා ගෙන් දැන ගන්න ලැබුනේ පුතාව පොලිසියට අල්ලාගෙන ගිය බව. සැමියාද ටික වේලාවකින් ගෙදර ආවා. මමත්, අසල්වැසියෙක් වන ---- නැමැති අය සමග පොලිසියට ගියා.
මිල්ලනිය පොලිසියට ගිය විට, එහි සිටි එක් පොලිස් නිලධාරියෙක් කිව්වා, පුතාව ගෙන ආවේ නැහැ කියලා. මම ඒ සමගම දැක්කා, කූඩුව අසල බිම, පුතාගේ බෙල්ට් එක තියෙනවා. මම කිව්වා මේ තියෙන්නේ පුතාගේ බෙල්ට් එක කියලා. තවත් නිලධාරියෙක් කිව්වා, ඉන්නවා පිටිපස්සේ ප්‍රශ්ණ කරනවා කියා. මම යන්න හැදුවාම එපා කිව්වා. ඒ සමගම පුතා කෑගසන ශබ්දය ඇසුනා. මම ඒ දෙසට බලෙන් ගියා. මුදිත ද මා සමග ආවා. පුතා කාමරයක සිටියා. පුතාට මාංචු දාලා තිබුනා. ඔහුට පහර දෙනවා මා දුටුවා. පුතා අනේ අම්මේ මට ගහනවා, වැරැද්ද පිළිගන්න කියලා යනුවෙන් කිව්වා.
පහර දෙන පොලිස් කාරයා මට රාජකාරිය කරගන්න ඉඩ දෙන්නේ නැද්ද කියා, එතන හිටිය අනෙක් පොලිස් කාරයින්ට කෑ ගැසුවා. ඔවුන් මාව එතනින් ඉවත් කලා. මම පොලිසියේ ඉස්සරහා වාඩි වුනා. ටික වේලාවකින් මංචු පිටින්, ගෙනවිත් කූඩුවට දැම්මා.
පුතා කිව්වා, ගෙනාපු වේලාවේ ඉදලා මට ගහනවා කියා. මගෙන් සොකරම් කරපු ටීවී එකක් හා කරමාලයක් ඉල්ලනවා කිව්වා. එතන හිටිය පොලිස් නිලධාරීන් කිව්වා පුතාට කෑම ගෙනත් දෙන්න කියා. කෑම කඩෙන් ගෙනත් දුන්නා. ඉන්පසු, රාත්‍රී 9 ට පමණ, පොලිස් නිලධාරියෙක් මට එළියේ ඉන්න කියා, ඒ සමගම ආ මුදිතට කිව්වා ස්ථානාධිපිතව හමුවන්න කියා. ඔහුව ස්ථානාධිපතිගේ කාමරයට යැව්වා. ඔහු හිටියේ සිවිල් පිට. මම එළියේ සිට බලාගෙන හිටියා. ස්ථානාධිපති දුරකථනයෙන් කතාකරමින් හිටියා.
එහෙම ඉන්නකොට, නිලධාරියෙක් මට කිව්වා, ඔයත් යන්න කියා. මමත් ස්ථානාධිපතිගේ කාමරයට ගියා. දුරකථනයෙන් කතාව අවසන් වූ වහාම, ස්ථානාධිපති මුදිතට, ,ආ වේසිගෙ පුතෝ තෝ මැනර්ස් දන්නේ නැද්ද, බල්ලො හු... හදලා තියෙන්නේ ...,ආදී අමු .තිත්ත කුණූහරප කියමින්, ,මූව එළීයට දාපන්, යයි, එහි සිටි නිලධාරීන්ට කියා, මටද එළියට බහින්න යයි කිව්වා.
මුදිත පිටව යනවාත් සමගම, ස්ථානාධිපති එහි සිටි නිලධාරියෙකුට කතා කර, මුදිතගේ ජා.හැ.අංකය ඇතුලූ තොරතුරු ලියාගන්න යයි කිව්වා. එම නිලධාරියා එම විස්තර ගත්තා.
මමත්, මුදිත හා පුතාව බලන්න ඇවිත් හිටිය යාලූවෝ එක්ක ගෙදර ඇවිත්, මම හා මාගේ පියා කරුණාසේන සමග, පානදුර පොලිස් අධිකාරී කාර්යාලයට පැමිණියා. එවිට වේලාව රාත්‍රී 10 යි. එහි සිටි නිලධාරීන්, මගින් දුරකථනයට කතා කර, සියලූ විස්තර කිව්වා. ඒ මහතා, මිල්ලනිය පොලිසියේ නිලධාරියකු හමුවන්න කිව්වා.
ඒ උපදෙස් අනුව නැවත මිල්ලනිය පොලිසියට ගොස් නිලධාරියා හමුවුනා. එවිට වේලාව රාත්‍රී 12 ට පමණ ඇති. ඒ විස්තර අසා, පසුදින එන ලෙස කිව්වා. පසුදින (2020.07.01) සවස 3.00 ට පමණ, පොලිස් ඇප මත මුදා හැරියා. පුතාව නිදහස් කළ වහාම, අපි පුතාව පානදුර මූලික රෝහලට රැගෙන ආවා.’’
මොවුන් ඉල්ලා සිටින්නේ,
නීති විරෝධීව අත්අඩංගුවට ගෙන, රඳවා තබාගෙන වධ හිංසා පැමිණවීමට සහා අසභ්‍ය වචන කියමින් නින්දා අපහාස හා අවමානයට භාජනය කිරිම් වලට හවුල්වු සියලූ නිලධාරීන්ට එරෙහිව නීතිමය පියවර ගන්නා ලෙසට ය.
මිල්ලනිය පොලිස් වසමේ ‘‘කුඩු’’ ජාවාරම !
ප්‍රදේශවාසීන් ප්‍රකාශකරන්නේ මිල්ලනිය පොලිස් වසමේ ‘‘කුඩු’’ ජාවාරම බරපතල ව්‍යසනයක් ව ඇතිබවත් මත්ද්‍රව්‍යය භාවිතා කරනවුන් නිදැල්ලේ සිටින බවත්ය.
පොලිසිය කරන්නෙත් එම වැරදි වලට සම්බන්ධ නැති, විශේෂයෙන් තරුණයින්ව අත්ඩංගුවට ගෙන බොරු චෝදනා දමා උසාවිය උපයෝගි කරගෙන පිඩාවට පත් කරනු ලැබීමයි.
එසේ කරන්නේ කුඩු ව්‍යාප්තියට එරෙහි ජනතාව තුල ඇති කලකිරීම හා විරෝධය යටපත්කිරීම සඳහා බව ප්‍රදේශවාසීහු පවසති.
