ලෝක උරුම සිංහරාජ වනාන්තරයට හානි වන අයුරින් මාර්ගයක් ඉදි කිරීමෙන් වන විනාශයට දායක වු බවට චෝදනා එල්ලවී ඇති

ශ්‍රී ලංකා යුද හමුදාව උතුරේත් වන පියසක් එළි කිරීමට පියවර ගෙන තිබේ.

කිලිනොච්චිය අරවියල්නගර්හි භූමියේ කැලෑව ශුද්ධ කිරීමට කිලිනොච්චිය ආරක්ෂක සේනා මූලස්ථානය කටයුතු කර ඇත්තේ ප්‍රධාන මහා මාර්ග දෙපස පැල විසිලක්ෂයක් හිටුවීමට ග්‍රාමීය මාර්ග හා අවශේෂ යටිතල පහසුකම් පිළිබඳ රාජ්‍ය අමාත්‍යාංශයේ ඉදිරි සැලසුම් පිළිබඳව ජනාධිපතිවරයා සමග පැවති සාකච්ඡාවකදී තීන්දු වූ බව රජය විසින් ප්‍රකාශයට පත් කර තිබියදීය.  

බුල්ඩෝසර් ඇතුළු බර ආම්පන්න යොදාගෙන කිලිනොච්චිය ආරක්ෂක සේනා මූලස්ථානය විසින් එම කැලෑ එලි කර ඇත්තේ යාපනය විශ්වවිද්‍යාලයේ කිලිනොච්චිය මණ්ඩපයේ අරවියල්නගර් තාක්ෂණ පීඨයේ නේවාසිකාගාරය පිහිටි කැලෑබද ප්‍රදේශයෙන් පැමිණි වන අලියකු විසින් පසුගිය ජුලි 19 වැනිදා කථිකාචාර්යවරියකට පහරදීම මූලික කරගනිමිනි.

පළාත්බද වාර්තාකරුවන්ට යුද හමුදාව පවසා ඇත්තේ යාපනය විශ්වවිද්‍යාලයේ උපකුලපති කේ. කන්දසාමි  විසින් කරන ලද ඉල්ලීමක් අනුව කිලිනොච්චි ආරක්ෂක සේනා ආඥාපති මේජර් ජෙනරල් සම්පත් කොටුවේගොඩ ගේ උපදෙස් පරිදි 9 වන ඉංජිනේරු රෙජිමේන්තුව විසින් මෙම කැලෑ හෙළිකිරීමට පියවර ගත බවයි.

Sinharaja doser

 

සිංහරාජය:

යුද හමුදාව යොදාගෙන නෙළුව, ලංකාගම මාර්ග ප්‍රතිසංස්කරණයේ දී සිංහරාජ වනයට යාබද වන කලාපයට හානිවන බව පරිසරවේදීන් අනාවරණයකර තිබියදී එම මාර්ගයේ ඉදිකිරීම් දින 90ක් තුළ අවසන් කරන්නට ජනාධිපති ගෝඨාභය රාජපක්ෂ පසුගියදා  නියෝග කර තිබුනි.

පරිසරවේදීන් චෝදනා කරන  පරිදි මාර්ගය ඉදිකිරීම සදහා වනසංරක්ෂණ හෝ පරිසර අමාත්‍යංශ අවසරයක් ගෙන නැතිවා සේම මාර්ගය ඉදි කිරීමේදී සිදුවන පාරිසරික හානි පිළිබඳ නිසි ඇගයුමක්ද සිදුකර නොමැතිව එම මාර්ගය  ඉදිකිරීම භාරදී තිබුණේ යුද හමුදාවටය.

''පරිසරවේදීන් චෝදනා කරන  පරිදි මාර්ගය ඉදිකිරීම සදහා වනසංරක්ෂණ හෝ පරිසර අමාත්‍යංශ අවසරයක් ගෙන නැතිවා සේම මාර්ගය ඉදි කිරීමේදී සිදුවන පාරිසරික හානි පිළිබඳ නිසි ඇගයුමක්ද සිදුකර නොමැතිව එම මාර්ගය  ඉදිකිරීම භාරදී තිබුණේ යුද හමුදාවටය.''

වත්මන් ආණ්ඩුව දිගින් දිගටම පරිසරය විනාශ කරන බවට චෝදනා එල්ල වෙද්දී, ග්‍රාමීය මාර්ග හා අවශේෂ යටිතල පහසුකම් පිළිබඳ රාජ්‍ය අමාත්‍යාංශයේ ඉදිරි සැලසුම් පිළිබඳ ජනාධිපති කාර්යාලයේ පසුගියදා පැවති සාකච්ඡාවේදී ප්‍රධාන මහාමාර්ග දෙපස පැල මිලියන දෙකක් රෝපණය කිරීමට ජනාධිපතිවරයා නිර්දේශ කර තිබුනි.

සමගි තරුණ බලවේගයේ ප්‍රචාරක ලේකම් රසික ජයකොඩි පසුගියදා සදහන් කර තිබුනේ අවසන්  මහ මැතිවරණයේ සිට මේ දක්වා කාලය තුළ ශ්‍රී ලංකාවේ වනාන්තර රක්ෂිත ඉඩම් ආසන්න වශයෙන් අක්කර 7 බැගින් දිනකට විනාශ වී ඇති බවයි.

බොහෝ තැන්වල මෙම වනාන්තර විනාශය සිදුව ඇත්තේ  දේශපාලනඥයන්ගේ රැකවරණය සහ අනුදැනුම යටතේ බව ඔහු වැඩි දුරටත් පවසා තිබුනි.

Sinharaja doser 1

සබැඳි පුවත් :

කියත්මග : දවසට අක්කර 7 බැගින් වනාන්තර විනාශ කරලා" - රසික ජයකොඩි 

subscribeYT

නවතම පුවත්