1200 x 80 DMirror
 
 

පොලිස් වධහිංසාවලින් පුද්ගලයන් මිය යාමේ රැල්ල නැවැත්වීමට වහා  පියවර ගන්නැයි
සිරකරු අයිතිවාසිකම් වෙනුවෙන් පෙනී සිටින ප්‍රමුඛතම සංවිධානයක් පොලිස්පතිවරයාගෙන් ඉල්ලා තිබේ.
 
 
ඒ සම්බන්ධයෙන් එක්සත් ජාතීන්ගේ සංවිධානයට පැමිණිලි කිරීමටද පියවර ගන්නා එම සංවිධානය පවසයි.
 
 
පොලිස්පති සී.ඩී වික්‍රමරත්න වෙත ලිපියක් යොමු කරමින් සිරකරු අයිතිවාසිකම් සුරැකීමේ කමිටුව අවධාරණය කර ඇත්තේ අත්අඩංගුවට ගන්නා පුද්ගලයන් කුමන සමාජ මට්ටමක අය වුවද, අපරාධවලට සම්බන්ධ බවට සැකකරන අය  වුවද ඔවුන් තමන්ගේ භාරයේ සිටි නම් ඔවුන්ගේ ජීවිත ආරක්ෂාව සහ අනෙකුත් මානුෂික අයිතිවාසිකම් උල්ලංඝනය නොවන සේ කටයුතු කිරීමේ වගකීමක් පොලිස්පතිවරයාට ඇති බවයි.
 
 
" ශ්‍රී ලංකා ආණ්ඩුක්‍රම ව්‍යවස්ථාව මගින් සහතික කර ඇති මුලික අයිතිවාසිකම් මෙන්ම අනෙකුත් අණපනත් මගින්ද ‌ ශ්‍රේෂ්ඨාධිකරණ නඩු තීන්දු මගින්ද එම පරම අයිතිවාසිකම් තහවුරු කර තිබේ."
 
 
සිරකරු අයිතිවාසිකම් සුරැකීමේ කමිටුවේ සභාපති  නීතිඥ සේනක පෙරේරා සිය පැමිණිල්ල  මගින් පොලිස්පතිවරයාට අවධාරණය කර ඇත්තේ පොලීසිය තුලදී පුද්ගලයන් මියයාම සම්බන්ධයෙන් දීර්ඝ ඉතිහාසයක් තිබුනද මේ වන විට එය ප්‍රවණතාවයක් වී ඇති බවයි.
 
 
 
කමිටුව විසින් පෙන්වා දී ඇති පරිදි තාරක ධර්මකීර්ති විජේසේකර සහ දිනෙත් මෙලන් මාඹුල යන දෙදෙනා ආයුද පෙන්වීමට රැගෙන ගොස් නීතියට පිටින් මරා දැමීමෙන් පසු  තවත් පුද්ගලයන් තිදෙනකුගේ මිය යාම් සම්බන්ධයෙන් මසක් තුලදී  පොලීසියට චෝදනා එල්ල වී තිබේ.
 
 
01.2021.05.07 දින අවුරුදු 49 ක් වයසැති ඩී.සුනිල් ඉන්ද්‍රජිත් නමැති තුන්දරු පියාගේ මරණය සම්බන්ධයෙන් වැලිගම පොලීසියට චෝදනා එල්ල වී තිබේ.
02.2021.06.03 දින අවුරුදු 22 ක් වයසැති චන්ද්‍රන් චන්ද්‍රන් විදුෂන් නමැති තරුණයාගේ මිය යාම සම්බන්ධයෙන් මඩකලපුව පොලීසියට චෝදනා එල්ල වී තිබේ.
03.2021.06.06 දින අවුරුදු 48 ක් වයසැති මොහොමඩ් අලි ඛාන් නමැති දෙදරු පියාගේ මරණය සම්බන්ධයෙන් පානදුර උතුර පොලීසියට චෝදනා එල්ල වී ඇත.
 
 senaka 12
 
 
 
 
මෙවැනි සිද්ධීන් ඇති නොවීමට අවශ්‍ය සෑම පියවරක්ම ගැනීම ශ්‍රී ලංකා පොලීසියේ ප්‍රධානියා වශයෙන් පොලිස්පතිවරයාට පැවරී ඇති නෛතික යුතුකමක් බව සී.ඩී වික්‍රමරත්නට මතක් කර දෙන නීතිඥ සේනක පෙරේරා  පොලීසිය සම්බන්ධයෙන් ජනතා විශ්වාසය බිද වැටීම තුළ ඇති විය හැකි අනිටු ප්‍රතිළුල ද මතක් කර දී තිබේ.
 
 
" තවදුරටත් පොලීසිය සම්බන්ධයෙන් ජනතා විශ්වාසය බිද වැටුනහොත් එමගින් සමාජයේ පුද්ගලයන් තමන්ගේ ප්‍රශ්න තමන්ම විසදා ගැනීමේ පිළිවෙතකට යාම නොවැලැක්විය හැකි වේ. "  
 
 
 
 
මෙවැනි මිය යාම් සිදු වු විට අදාල සැකකටයුතු නිලධාරීන්ගේ වැඩ තහනම් කිරීමට එහා පියවරකට ගොස් ඔවුන්ට එරෙහිව අපරාධ නීතිය අනුව කටයුතු කරන බවක් නොපෙනෙන බව පවසන නීතිඥ සේනක පෙරේරා වැඩි දුරටත් අවධාරණය කරන්නේ, ඒ නිසාම මෙවැනි වධහිංසාවලට පොලීසිය තුලින්ම යම් ධෛර්යක් ලැබෙන බව සිය විශ්වාසය බවයි.
 
 
 
" ඒ අනුව මේ රටේ පොලිස් අත්අඩංගුවට පත්වන්නන්ගේ අයිතිවාසිකම් වෙනුවෙන් කටයුතු කරන වගකිවයුතු සංවිධානයක් ලෙස අප ඉල්ලා සිටින්නේ මෙම පොලිස් වධහිංසා රැල්ල නැවැත්වීමට අවශ්‍ය සියලුම පියවර ගන්නා ලෙසත්, ඒවාට සම්බන්ධ පොලිස් නිලධාරීන්ට එරෙහිව අපරාධ නීතිය අනුව කටයුතු කරන ලෙසත්ය " සිරකරු අයිතිවාසිකම් සුරැකීමේ කමිටුව පොලිස්පතිවරයාට යොමු කළ ලිපියේ වැඩි දුරටත් සදහන්ය.Jagath 12
 
 
පොලිස්පතිවරයා වෙත යොමු කළ පැමිනිල්ලේ පිටපතක්  වධහිංසාවට සහ වෙනස් කෲර අමානුෂික සැලකිලිවලට සහ දඩුවම් සම්බන්ධයෙන් කටයුතු කරන එක්සත් ජාතීන්ගේ විශේෂ නියෝජිතවරයාට යොමු කරන බව  නීතිඥ සේනක පෙරේරා මාධ්‍යවේදීන් ට දැනුම් දී තිබේ.
 
 
 
පොලිස්පති වෙත යොමු කරන ලද ලිපියක් මගින් ශ්‍රී ලංකා මානව හිමිකම් කොමිෂන් සභාවේ සභාපති ආචාර්ය ජගත් බාලසුරිය ද පසුගියදා මතක් කර දී තිබුනේ, පොලීසිය භාරයේ සිටින සැකකරුවන්ගේ ආරක්ෂාව තහවුරු කිරීම පොලිස් දෙපාර්තමේන්තුවේ වගකීමක් බව පොලිස් දෙපාර්තමේන්තුවේ නියෝග වල මෙන්ම ශ්‍රේෂ්ඨාධිකරණ නඩු තීන්දුවලද අවධාරණය කර ඇති බවයි.
 
 
ශ්‍රී ලංකා මානව හිමිකම් කොමිෂන් සභාව පසුගිය වසරේ නිවේදනය කර තිබුනේ 2020 ජුනි මස සිට ඔක්තෝබර් 20 දක්වා කාලය තුළ පොලිස් අත්අඩංගුවේ මරණ අටක් වාර්තා වී ඇති බවයි.
 
 
 
 
 
සබැඳි පුවත් :
 
 
 
THE LEADER TV 
ලයිසියම් ජාත්‍යන්තර පාසලේ විභාග මාෆියාව
 
.
 
 
ITN සභාපති : ජනපතිට හා අගමැතිට හයිය පෙන්නයි!
 
logo

subscribeYT

subscribeYT

නවතම පුවත්