1200 x 80 DMirror
 
 

 අඛණ්ඩව වසර ගණනාවක් සේවයේ යොදවා සිටින අනියම් සේවකයන් දහසකට අධික ප්‍රමාණයක් ස්ථිර නොකර අලුතින් බඳවාගත් පිරිසක් සේවයේ යෙදවීම සම්බන්ධයෙන් මාර්ග සංවර්ධන අධිකාරියට විරෝධයක් එල්ල
වී තිබේ.
 
මාර්ග සංවර්ධන අධිකාරියේ අධ්‍යක්ෂ ජනරාල් වෙත ලිපියක් යොමු කරමින්, 'එක්සත් පොදු සේවක සංගමය' දන්වා ඇත්තේ මාර්ග සංවර්ධන අධිකාරියේ වසර පහකට ආසන්න කාලයක් තිස්සේ අඛණ්ඩව සේවයෙහි යොදවා සිටින  අනියම් සේවකයන් 1200 ක් පමණ සිටින බවයි.
 
ඔවුන්ගේ සේවය ස්ථිර කරන ලෙස සිය සංගමය මගින්ද වරින් වර කරුණු ඉදිරිපත් කළ නමුත් ඒ පිළිබදව කිසිදු සැලකිල්ලක් නොදැක්වීම පිළිබදව කණගාටු වන බවයි එක්සත් පොදු සේවක සංගමයේ ප්‍රධාන ලේකම් නීල් විජේතිලක පවසන්නේ.
 
එසේ තිබියදී මෑතක සිට අනියම් මාර්ග නඩත්තු සේවකයන් ලෙස බහු කාර්ය සංවර්ධන කාර්ය සාධක බලකායේ සේවයට බදවාගෙන ඇති සේවකයන් විශාල වශයෙන් විවිධ විධායක ඉංජිනේරු  කොට්ඨාසවලට අනියම් පදනම යටතේ සේවකට අනුයුක්ත කර ඇති බව පෙන්වා දෙන වෘත්තිය සමිති නායක නීල් විජේතිලක ඒ පිළිබදව විරෝධය පළ කර තිබේ.
 
"අවම වශයෙන් දැනට සිටින අනියම් සේවකයන්ගේ සේවය ස්ථිර නොකර පිටතින් බදවාගත් සේවකයන් අනියම් පදනම යටතේ හෝ බදවා ගැනීම සේවකයන්ගේ අයිතිවාසිකම් උල්ලංඝනය කිරීමක් සේ අප සලකමු."
 
මාර්ග සංවර්ධන අධිකාරියේ අඛණ්ඩව වසර ගණනාවක් සේවයේ යොදවා සිටින අනියම් සේවකයන් 1200 ක පිරිස  දිවයින පුරා පිහිටි විධායක ඉංජිනේරු කාර්යාලවලට අනුයුක්තව සිටි.
 
ඔවුන් අතරින් බහුතරය මධ්‍යම හා නැගෙනහිර පළාත් වලට අයත් බව එක්සත් පොදු සේවක සංගමය පවසයි.
 
මේ පිළිබදව අවධානය යොමු කර අනියම් පදනම යටතේ දැනට සේවයෙහි යොදවා සිටින සේවකයන්ගේ සේවය නොපමාව ස්ථිර කිරීමට කටයුතු කරන ලෙස එක්සත් පොදු සේවක සංගමය මාර්ග සංවර්ධන අධිකාරියේ අධ්‍යක්ෂ ජනරාල්ගෙන් ඉල්ලා තිබේ.
 
 
 
 
##########
THE LEADER TV 
කපුටෙකු මරා තටුව එල්ලන්න: ඇමති ජොන්ස්ටන් කියන්නේ මොකක්ද?
 
ශානිගේ ජීවිතේ අනතුරේ : ආරක්ෂාව ඉල්ලා පොලිස්පතිට ලිපියක් !

subscribeYT

subscribeYT

නවතම පුවත්