එක්ස්ප්‍රස් පර්ල් නැව ගිණිබත් වීම ගැන ස්වාධින පරීක්ෂණයක් පැවැත්වීමට රජයට නියෝග කරන මෙන් ඉල්ලා පරිසර සංවිධානයක් අභියාචනාධිකරණය වෙත පෙත්සමක් ගොනු කර තිබේ.
පාරිසරික යුක්තිය වෙනුවෙන් පෙනී සිටින සංවිධානයක් 'වන පරිසර යුක්ති කේන්ද්‍රය' අභියාචනා ධිකරණය හමුවේ ඊයේ [10] ගොනු කළ රිට් පෙත්සම මගින් ඉල්ලා සිටින්නේ, අපක්‍ෂපාති හා ස්වාධින පරීක්ෂණයක් කිරීමට රජයට නියෝග කරන ලෙසයි.
වරාය අමාත්‍ය රෝහිත අබේගුණවර්ධන, පරිසර අමාත්‍ය මහින්ද අමරවීර, සමුද්‍ර දූෂණ වැළැක්වීමේ අධිකාරිය, මධ්‍යම පරිසර අධිකාරිය, ශ්‍රී ලංකා වරාය අධිකාරිය සහ එහි සභාපති වරයා, ඇතුළු ආයතන හා පුද්ගලයින් 16 දෙනෙක් වගඋත්තර කරුවන් ලෙස නම් කර කරමින් පරිසර යුක්ති කේන්ද්‍රය පවසන්නේ, එක්ස්ප්‍රස් පර්ල් නැව ගිණිබත් වීම ගැන මෙතෙක් ස්වාධීන පරීක්ෂණයක් පැවැත්වීමට වගඋත්තරකරුවන් පියවර ගෙන නොමැති බවය.
අපක්‍ෂපාති හා ස්වාධීන පරීක්ෂණයක් පවත්වන ලෙස වගඋත්තරකරුවන් වෙත රිට් ආඥාවක් නිකුත් කිරීමට අමතරව පරිසර යුක්ති කේන්ද්‍රය අධිකරණයෙන් ඉල්ලා සිටින්නේ, එක්ස්ප්‍රස් පර්ල් නැව ගිණිබත් වීමෙන් සිදුව ඇති පාරිසරික හානිය පියවීම වෙනුවෙන්, මුහුදට හා ගොඩබිමට එක්වූ ප්ලාස්ටික් ඇතුළු විවිධ අපද්‍රව්‍ය පරිසර හිතකාමී අයුරින් ඉවත් කරන මෙන් අදාළ නැව් සමාගමට නියෝග කරන ලෙසයි.
සිංගප්පුරු සමාගමකට අයත් එක්ස්ප්‍රස් පර්ල් වෙළඳ නැව ඉකුත් ජුනි මාසයේදී කොළඹ වරායට ආසන්න මුහුදේදී ගිණිබත්විය.
THE LEADER TV
පොකුරු නිර්මාණයේ පුරෝගාමියෝ...
නාමල්-නිමාලි ඔලිම්පික් හුටපටය! ඇත්ත කතාව තිත්ත රහට!
