පළිබෝධනාශක රෙජිස්ට්‍රාර් විසින් අල්ලනු ලබන්නේ කෘෂි රසායන 9 ක් පමණක් බව හිටපු ආණ්ඩුකාරවරයකු පවසයි. 
 
 
දිවයින පුරා හොරට විකුණන පළිබෝධක නාශක 30 කට ආසන්න ප්‍රමාණයක් අතුරින් 9 ක් පමණක් අල්ලා නඩු පැවරීමට ක්‍රියාකාරන ලෙස පළිබෝධනාශක රෙජිස්ට්‍රාර් නියෝග කර ඇතැයි ද ඔහු කියා සිටියි.
 
මාධ්‍ය නිවේදනයක් නිකුත්කරමින් එබව සඳහන් කර ඇත්තේ, දකුණ හා මධ්‍යම පළාත් හිටපු ආණ්ඩුකාර ලෙස කටයුතු කළ රජිත් කීර්ති තෙන්නකෝන් විසිනි.
 
 
''හොර බෙහෙත් වර්ග 30 කට වැඩිය නිදහසේ විකුණමින් ‘කාබනික කෘෂිකර්මය‘ බෝඩ් ගැසීම විහිළුවක්.'' -රජිත් කීර්ති තෙන්නකෝන්
 
 
''දිගු කලක් ඇස් කන් වසාගෙන සිටි රජය 2021 සැප්තැම්බර් 23 මා විසින් සිදු කළ හෙළිදරව් කිරීමෙන් පසුව සැප්තැම්බර්  24 මෙම නියෝගය කර ඇත.  පළිබෝධනාශක පනත යටතේ නීති විරෝධී කෘෂි රසායන අත්අඩංගුවට ගැනීම හා නඩු පැවරීම ඇරඹීම සතුටට කරුණක් නමුත් නීති විරෝධී පළිබෝධකනාශක 9 ක් පමණක් අත්අඩංගුවට ගැනීමෙන් උග්‍ර විශ සහිත රසායන නිදහසේ විකීණිම සඳහා ආණ්ඩුව පරිසරය නිර්මාණ්‍ය කර ඇත. '' යි හිටපු ආණ්ඩුකාර වරයා සිය නිවේදනයේ සඳහන් කර තිබේ.  
 
සිය නිවේදනයේ ඔහු මෙසේද සඳහන් කර තිබේ.
 
''කලකට පෙර ලංකාවේ තහනම් කළ අධි විෂ සහිත මොනක්‍රොටපස්, මැලතියන් හා කාබෝෆියුරාන් පවා අසිමිත ලෙස රටට ගෙන්වීම මේ වන විට සිදුවේ. ඒවා විවිධ නම්වලින් ඇසුරුම් කර මේ වන විට අලෙවි කෙරේ.  රටට-ලෝකයට කාබනික කෘෂිකර්මාන්තය පෙන්වමින් බෝට්ටු කෘෂි රසායන මගින් මහ කන්නයේ වගාව සිදු කිරීම රජයේ සැලසුම වී ඇත.
 
රජයේ නිල ඩොලර් ගිණුමට බරක් නැති, රත්තරං වෙනුවට කෘෂි රසායන හොරෙන් ගෙන්වන ව්‍යාපෘතිය කෘෂිකර්ම අමාත්‍යාංශයට ආශිර්වාදයක් ලෙස සලකමින් කෘෂිකර්ම ලේකම් උදය ජයසිංහ, මහාචාර්ය ප්‍රියන්ත යාපා, තේ මණ්ඩලයේ සභාපති ජයම්පති මොල්ලිගොඩ ඇතුළු පිරිස කටයුතු කරති.
 
'රේගුවට හොරෙන් බෝට්ටුවෙන් ගෙන්වා, හොරට රට පුරා බෙදා, හොරට අලෙවි කරන කෘෂි රසායන යොදා ගනිමින් නමට පමණක් කාබනික ගොවිතැනක් දැන් රටේ නිර්මාණය වී තිබේ.
 
 
'' කෘෂිකර්ම අමාත්‍යාංශයේ අමන-තකතීරු ප්‍රතිපත්තිය මෙරට කෘෂිකර්මාන්තය සම්පූර්ණයෙන්ම කළු කඩය මත යැපෙන තැනකට තල්ලු කර ඇත. මේ කළු කඩ ප්‍රතිප්තිය රු. 6000 ට තිබූ  කෘෂි රසායන දැන් රු. 12,000 දක්වා මිල ඉහල නැංවීමට හේතු වී ඇත. '' 
 
  
පළිබෝධක නාශක රෙජිස්ට්‍රාර් 1980 අංක 33 දරණ පිළිබෝධනාශක පාලනය කිරීමේ පනත යටතේ සියළුම බලයලත් නලධාරීවරුන්, සියලුම නඩු පැවරීමේ නිලධාරි හා නඩු කටයුතු මෙහෙයවීමේ නිලධාරීන් ට  නියෝග කර ඇත්තේ කෘෂි රසායන 9 ක් පමණක් සොයා මෙහෙයුම් කර නඩු පවරණ ලෙසය. 
 
එමගින්, අනෙකුත් සියලු නීති විරෝධී කෘෂි රසායන අලෙවියට විවෘත නිල නොවන බලපත්‍රයක් ලැබී ඇත.
 
fghfghyt
පළිබෝධ නාශක රෙජිස්ට්‍රාර් ගේ ලිඛිත නියෝගය.
 
  
වහා ක්‍රියාත්මක වන පරිදි මෙරට අලෙවි වන සියළුම නීති විරෝධී කෘෂි රසායන අල්ලා ගැනීමට මෙහෙයුම් දියත් කරන ලෙසත්, ජාවාරම්කරුවන්ට නඩු පවරණ ලෙසත් හිටපු ආණ්ඩුකාර රජිත් කීර්ති තෙන්නකෝන් සිය නිවේදනයෙන් ඉල්ලා සිටී.
 
අත්අඩංගුවට ගැනීමට නියෝග කර ඇති ලියාපදිංචි නොකළ හා තහනම් කෘෂි රසායන වර්ග ඡායාරූපවල දැක්වේ.
KT 2021.09.26 1
 

 
 
 
සබැඳි පුවත් :
 
 

 

 

 


 

THE LEADER TV 

 
ඇමෙරිකන් පාලනයට???   
 

 
 
කෙහෙළිය - ජයසුමන මරා ගනී !
 

 

Follow Us

Image
Image
Image
Image
Image
Image

Exchange Rates