1200 x 80 DMirror
 
 

බලය ලබා ගැනීම හා රැක ගැනීම උදෙසා  මිනිසුන් මැරීම සහ අතුරුදහන් කිරීම රටේ ආණ්ඩු කළ සෑම දේශපාලන පක්ෂයක් විසින්ම සිදු කළ බවට දිවයිනේ
ජ්‍යෙෂ්ඨතම මානව හිමිකම් ක්‍රියාධරයෙක් චෝදනා කරයි.
 
"උතුර, දකුණ වෙනසක් නෑ. දෙමළ, සිංහල, මුස්ලිම් වෙනසක් නෑ.  බලය රැකගන්න එහෙම නැත්නම්  බලය ලබා ගන්න මේ මිනිස්සු මරණ එක, අතුරුදහන් කරන එක මේ රටේ බලයට ආපු හැම දේශපාලන පක්ෂයක්ම තමුන්ගේ අවියක් හැටියට පාවිච්චි කළා."
 
අතුරුදහන් වූවන්ගේ පවුල් එකතුවේ සභාපති මානව හිමිකම් ක්‍රියාධර බ්‍රිටෝ ප්‍රනාන්දු එම චෝදනාව එල්ල කළේ ශ්‍රී ලංකාවේ අතුරුදහන් වුවන් සිහිපත් කිරීම සදහා සීදුව රද්දොළුව ඉදිකර තිබෙන ස්මාරකය අබියස 27 බදාදා පැවැත්වු  සමරු සභාවක් ආමන්ත්‍රණය කරමිනි.
 
"අතුරුදහන් වු ආදරණීයයන් සිහිකරමු! අරගලය  අත්නොහැර යලි සිදුවීම වලකමු! අතුරුදහන්වුවන්ගේ 31 වන වාර්ෂික අනුස්මරණය"  මැයෙන් සංවිධානය කර තිබු එම අනුස්මරණ උත්සවයේදී බ්‍රිටෝ ප්‍රනාන්දු තවදුරටත් අවධාරණය කළේ අතුරුදහන් වුවන් වෙනුවෙන් සමාජ කම්පනයක් ඇති කිරීමට ගතවු කාලය තුළ හැකියාවක් නොලැබුන බවයි.
 
අතුරුදහන්වුවන් වෙනුවෙන් අරගල කරන පිරිස් දෙස සමාජය තවමත් පටු දැක්මෙන් බැලීම එයට හේතුව බවයි මානව හිමිකම් ක්‍රියාධරයා පවසන්නේ.
 
  
උතුරේත්, දකුනේත් අතුරුදහන් වුවන්ට සිදු වු දේ දැන ගැනීම සදහා අවම වශයෙන් පරීක්ෂණයක් හෝ නොමැති බව පෙන්වා දෙන බ්‍රිටෝ ප්‍රනාන්දු අවධාරණය කරන්නේ ඔවුන් වෙනුවෙන් මරණ සහතිකයන් පමණක් නිකුත් කර තිබෙන බවයි. ඔහු එහිදී ප්‍රශ්න කළේ ඔවුන් මිය ගිය බවට තිරණය කළේ කෙසේද යන්නයි.
 
 
" කවුද තීන්දු කළේ අපේ මිනිහා, අපේ සහෝදරයා මැරුනේ කොහොමද? අතුරුදහන් උනේ කොහොමද කියලා? මරණයට හේතුව, වසරක් අතුරුදහන්ව සිටීම නිසා මිය ගියා යැයි සිතමි. "
 
වසර තිහක අරගලයකින් පසු අතුරුදහන් තැනැත්තන් පිළිබද කාර්යාලයක් (OMP) ලබා ගැනීමට හැකියාවක් ලැබුනත් එම කාර්යාලයෙන් හෝ වන්දි කාර්යාලයෙන් කිසිදු සෙතක් අත් නොවු බවයි අතුරුදහන් වූවන්ගේ පවුල් එකතුවේ සභාපති බ්‍රිටෝ ප්‍රනාන්දු පවසන්නේ.
 
මෛත්‍රී රනිල් ආන්ඩුව විසින් තමන්ගේ නායකත්වයෙන් 2018 පෙබරවාරි 28 දා පිහිටුවන ලද කාර්යාලය සම්බන්ධයෙන් කෝපයෙන් යුතු ඥාතීන් සිටින බව හිටපු OMP ප්‍රධානි ජනාධිපති නීතිඥ සාලිය පිරිස් ද  පිළිගෙන තිබුනි.
 
බ්‍රිටෝ ප්‍රනාන්දු තවදුරටත් පෙන්වා දුන්නේ වන්දි මුදලක් ලබා දෙන තෙක් අතුරුදහන් අයගේ පවුල් සාමාජිකයන්ට රුපියල් 6000 ක මාසික අතුරුදීමනාව ලබාදීම සදහා 2019 අප්‍රේල් මස ඉදිරිපත් කළ අයවැයේදී රුපියල් මිලියන 500 ක් වෙන් කළ බවයි.
 
දක්නට නොමැති බවට වු සහතිකය හිමි අයට එම මුදල ගෙවීම 2019 වසරේ සැප්තැම්බර් 18 දින අමාත්‍ය මණ්ඩලය විසින් අනුමත කර තිබුනි.
 
2019 වසරේ දෙසැම්බර් 31 වනදා වන විට එම මුදලින් පවුල් 153 කට (රුපියල් මිලියන 11 ක්) ගෙවු බව සිහිපත් කරන බ්‍රිටෝ ප්‍රනාන්දු එහිදී තවදුරටත් පෙන්වා දුන්නේ වෙන් කළ මුදලින් මිලියන 489 ක් එම ආණ්ඩුව විසින් නොගෙවු බවයි.
 
 
"මේ ආණ්ඩුව සත පහක් දෙන් නෑ අපිට"
 
 
අතුරුදහන්වුවන් වෙනුවෙන් 31 ක් වසරක් පුරා අඛණ්ඩ අරගලයක් දියත් කිරීමේ අරමුණ අතුරුදහන් වූවන්ගේ පවුල් එකතුවේ සභාපති  බ්‍රිටෝ ප්‍රනාන්දු එහිදී පැහැදිලි කළේ පහත අයුරිනි.
 
"ඒ සත්‍ය හෙළි කිරීම, යුක්තිය ඉටු කරගැනීම සහ වන්දි ලබා ගැනීම තුළ පමණයි මේ රටේ ආණ්ඩුවලට, බලය ගන්න ඔන එකෙක්ට, මහජනතාවට අතුරුදහන් කරවීම අපරාධයක් හැටියට සලකලා අතුරුදහන්වීමක් නැවත සිදු නොවන තත්වයට ජන මානසිකත්වය වර්ධනය කරන්න පුළුවන් වෙන්නේ. අන්න ඒ නිසයි අපි සත්‍ය ඉල්ලන්නේ. අන්න ඒ නිසයි අපි යුක්තිය ඉල්ලන්නේ. අන්න ඒ නිසයි අපි වන්දි ඉල්ලනනේ."
 
ශ්‍රී ලංකාවේ අතුරුදහන් කිරීම් පිළිබඳව වැඩිම චෝදනා එල්ලවී තිබෙන්නේ රජයේ ආරක්ෂක අංශ වෙතය.
 
 
 
 


THE LEADER TV 
 
ඥාණසාරගේ එක රටක් එක නීතියක්.! | මොණරවිලගේ ලියමන
 
 
 
හාමුදුරුවෝ කරන්නේ කාගේ කොන්ත්‍රාත් එකක්ද ? 
 
 

subscribeYT

subscribeYT

WhatsApp Image 2021 09 13 at 13.49.58