මැද පෙරදිග පවතින යුද වාතාවරණය හේතුවෙන් මෙරට ආර්ථිකයට කුමන ආකාරයේ බලපෑමක් සිදුවේදැයි සහ සහන අවශ්‍ය කණ්ඩායම් වෙත පියවර ගත යුතු නොවේදැයි මාධ්‍ය වේදින් නැගූ පැනයකට පිලිතුරු ලබාදෙමින් ඊයේ (09) කොළඹ මහ බැංකු මූලස්ථානයේ පැවැති මාධ්‍ය හමුවේදී ඔහු මේ බව කියා සිටියේය.
මෙරට ආනයන අපනයන වෙළෙඳාමට, සංචාරක ඉපයීම්, විදේශ ප්‍රේෂණ අඩුවීම ඇතුලු සෘජු බලපෑම් ගණනාවක් මැද පෙරදිග තත්ත්වය හේතුවෙන් සිදුවිය හැකි බව අවධාරණය කළ අයි.එම්.එෆ් මෙහෙයුම් මණ්ඩල ප්‍රධානියා, ශ්‍රී ලංකාවේ රාජ්‍ය ආදායම සාර්ථක මට්ටමකට ළගාවී ඇති මෙහොතක බදු ආදායම් කාන්දුවීම් වැළැක්වීමට පියවර ගත යුතු බවද කීය.
ආර්ථික ප්‍රතිසංස්කරණ, විශේෂයෙන් රාජ්‍ය ව්‍යවසායන් සම්බන්ධයෙන් සිදුකරනු ලබන ප්‍රතිසංස්කරණ සහ කම්කරු නීති රීති ඇතුලු ආයෝජන හිතකාමී නව නීති රීති බලගැන්වීම අනිවාර්යයෙන් කළ යුතු බව අවධාරණය කළේය.
(සටහන | ජේ.මුණසිංහ)
