ශ්රී ලංකාවේ ප්රථම වතාවට, චිත්රපට නිෂ්පාදක ආචාර්ය ලෙස්ටර් ජේම්ස් පීරිස්ගේ නිධානය (1973) හි 4K ප්රතිසංස්කරණය කරන ලද අනුවාදය 2025 අප්රේල් 7 සිට 9 දක්වා කොළඹ දී පැවැත්වෙන “Archiving the Image: From Conservation to Screen / රූපය අධිලේඛනකරණය: සංරක්ෂණය සිට තිරය දක්වා” - චිත්රපට වැඩසටහන්කරණය සහ ඡායාරූප සහ චිත්රපට සංරක්ෂණය පිළිබඳ වැඩමුළුවේ ආරම්භක දිනයේ දී තිරගත කෙරේ.
2025 අප්රේල් 7 වන දින සවස 6.30 ට ජාතික ලේඛනාගාරයේ ශ්රවණාගාරයේ දී මෙම චිත්රපටය නැරඹීමට නොමිලේ මහජනතාවට විවෘතව පවතී. “නිධානය” චිත්රපටය 2013 දී සිනෙටෙකා ඩි බොලොඤ්ඤා/ල'ඉමැජින් රිට්රෝවාටා රසායනාගාරය විසින් ප්රතිසංස්කරණය කරන ලද අතර, චිත්රපට පදනමේ ලෝක සිනමා ව්යාපෘතිය සහ ආචාර්ය ලෙස්ටර් ජේම්ස් සහ සුමිත්රා පීරිස් සමඟ එක්ව සිදු කරන ලදී. 2013 වෙනිස් ජාත්යන්තර චිත්රපට උළෙලේදී එහි මංගල තිරගත කිරීම සිදු කරන ලදී.
ප්රතිසංස්කරණය කරන ලද චිත්රපටය ප්රථම වරට ශ්රී ලංකාවේ ඉංග්රීසි උපසිරැසි සහිතව තිරගත කිරීමට හැකි වූයේ චිත්රපට පදනම සහ සිනෙටෙකා ඩි බොලොඤ්ඤා ආයතනයේ අනුග්රහය හේතුවෙන් වන අතර, ආචාර්ය ලෙස්ටර් ජේම්ස් පීරිස් සහ සුමිත්රා පීරිස් පදනම සහ ඉන්දියානු චිත්රපට උරුම පදනම ඒ සඳහා විශේෂ දායකත්වයක් ලබා දී ඇත.
අප්රේල් 7 වන දින පැවැත්වෙන මෙම තිරගත කිරීම විශේෂයෙන් වැදගත් වන්නේ අභාවප්රාප්ත ආචාර්ය ලෙස්ටර් ජේම්ස් පීරිස් මහතාගේ උපන් දිනය අප්රේල් 5 වීම හේතුවෙනි. 2014 අප්රේල් 5 වන දා ඔහු විසින් ශ්රී ලංකා ජාතික ලේඛනාගාරයේදී ජාතික චිත්රපට, රූපවාහිනී සහ ශබ්ද ලේඛනාගාරය විවෘත කරන ලදි.
මෙම ප්රතිසංස්කරණය කරන ලද නිධානය සහ අනෙකුත් චිත්රපට තිරගත කිරීම් සහ උත්සව පවත්වනු ලබන්නේ “Archiving the Image: From Conservation to Screen / රූපය අධිලේඛනකරණය: සංරක්ෂණය සිට තිරය දක්වා”, චිත්රපට වැඩසටහන්කරණය සහ ඡායාරූප සහ චිත්රපට සංරක්ෂණය පිළිබඳ වැඩමුළුවේ කොටසක් ලෙස වන අතර එම වැඩමුළුව ශ්රී ලංකාවේ සහ මාලදිවයිනේ ප්රංශ තානාපති කාර්යාලය, ඉන්දියාවේ ප්රංශ තානාපති කාර්යාලය, ඉන්දියානු චිත්රපට උරුම පදනම, ශ්රී ලංකා ජාතික ලේඛනාගාරය සහ ජාතික චිත්රපට සංස්ථාව විසින් ප්රංශ ඉන්දියානු ශ්රී ලංකා සිනමා උරුමය (FISCH) වැඩසටහන යටතේ සහයෝගයෙන් පවත්වනු ලැබේ.
වැඩසටහන සඳහා සැලසුම් කර ඇති අනෙකුත් චිත්රපට තිරගතකිරීම් සහ විශේෂ උත්සව පහත දැක්වේ -
අප්රේල් 8 | ප.ව. 06:30
4K ප්රතිසංස්කරණය කරන ලද “කුමටි” (1979) චිත්රපටය - අරවින්දන් ගෝවින්දන්, ඉන්දියාව, මලයාලම්, ඉංග්රීසි උපසිරැසි
අප්රේල් 9 | ප.ව. 05:30
ශ්රී ලංකාවේ ප්රංශ තානාපති රෙමී ලැම්බර්ට්, බුද්ධශාසන, ආගමික හා සංස්කෘතික කටයුතු අමාත්ය ආචාර්ය සුනිල් සෙනෙවි සහ Festival des 3 Continents උළෙලෙහි කලා අධ්යක්ෂ ජෙරෝම් බැරන් යන අය විසින් පවත්වන ලද සාකච්ඡා
අප්රේල් 9 | සවස 06:30
*“සිනමාවේ සුසාන භූමිය” (2023), වාර්තා චිත්රපටය, ප්රංශ සහ සෙනගාලියානු, ඉංග්රීසි උපසිරැසි
(උපුටා ගැනීම - CSR කලා කෙත වට්ස් ඇප් කණ්ඩායමෙන් ..)
