ප්රවීණ ඡායාරූප ශිල්පි අනුරුද්ධ ලොකුහපුආරච්චි විසින් රචිත “ගෝලීය ඡායාරූප සන්නිවේදනය, ශ්රී ලාංකික අත්දැකීම් ඇසුරෙන්” පර්යේෂණාත්මක කෘතිය සැප්තැම්බර් 09වන දින සවස 03ට කොළඹ 07 ආනන්ද කුමාරස්වාමි මාවතේ පිහිටි මහවැලි කේන්ද්ර ශ්රවණාගාරයේ දී පැවැත්වේ.
අනුරුද්ධ ලොකුහපුආරච්චි යනු ඡායාරූපකරණය සහ මාධ්ය ක්ෂේත්රයේ වසර 40 කට වැඩි පළපුරුද්දක් ඇති ජාත්යන්තරව පිළිගත් ශ්රී ලාංකික ඡායාරූප මාධ්යවේදියෙකු සහ ලේඛකයෙකි. ඔහුගේ වෘත්තීය ජීවිතය යුද්ධය, සමාජ අරගල සහ සංස්කෘතික ජීවිතය පිළිබඳ පෙරළිකාර ආවරණයක් දක්වා විහිදේ, රොයිටර් සහ අනෙකුත් ගෝලීය මාධ්ය ආයතන සඳහා වැඩ කිරීම ඇතුළුව, වසර 16කට වැඩි කාලයක් පිටුවහල්ව ජීවත් වූ ලොකුහපුආරච්චි, මාධ්ය, කලාව සහ අධ්යාපනය සඳහා ඔහුගේ දායකත්වය දිගටම කරගෙන යාම සඳහා ශ්රී ලංකාවට නැවත පැමිණියේ ය.
ඔහු මේ වන විට ශ්රී ලංකා ජනාධිපතිවරයාගේ ජාත්යන්තර මාධ්ය සහ උපායමාර්ගික සන්නිවේදන අධ්යක්ෂක ලෙස සේවය කරයි.
ඉතිහාසයේ සිට ඩිජිටල් යුගය දක්වා මානව ශිෂ්ටාචාරය පුරා ඡායාරූප සංනිවේදනයේ ගමන් මග, ශ්රී ලාංකික අත්දැකීම් ගෝලීය දෘෂ්ටිකෝණ සමග මිශ්ර කරමින්: රූප සත්යය, මතකය සහ මානව සම්බන්ධතාවය හැඩගස්වයි.
දශක හතරක ශ්රී ලාංකික සහ ගෝලීය අත්දැකීම් මිශ්ර කරමින්, ඡායාරූපකරණය මානව සත්යය, මතකය සහ සම්බන්ධතාවය හැඩගස්වා ඇති ඓතිහාසික සහ සම්ප්රධායික ආකාරය පිළිබඳ සිට අද දක්වා වන ඩිජිටල් පරිවර්තනය දක්වා දුර්ලභ ගමනක් ඉදිරිපත් කරයි.
මෙම පොත ඡායාරූපකරණය ගැන පමණක් නොවේ - එය රූප සන්නිවේදනය අපගේ සාමූහික මතකය බවට පත්වන ආකාරය, ගැන බව කතුවරයා වන අනුරුද්ධ ලොකුහපුආරච්චි පවසයි. එය පිටුවහල් කිරීම, ඉතිහාසය සහ කැමරාව සහ සමාජය අතර සමීප සම්බන්ධතාවය පිළිබිඹු කිරීමකි.
මෙම කෘතිය ජනගත කරන අවස්ථාවේ දී: කොළඹ විශ්ව විද්යාලයේ (ශ්රී පාලි පීඨය) මහාචාර්ය ටියුඩර් වීරසිංහ, ශ්රී ලංකා ගුවන් විදුලි සංස්ථාවේ සභාපති ආචාර්ය උදිත ගයාෂාන් ගුණසේකර, සන්ඩේ ටයිම්ස්, හිටපු කාර්යාංශ ප්රධානී රොයිටර් සහ උපදේශක කර්තෘ ෆයිසාල් සමත් සහ ඡායාරූප විචාරක, චිත්රපට අධ්යක්ෂ බුපති නලින් වික්රමගේ අදහස් දැක්වීමට නියමිත ය.
ග්රන්ථයේ සිංහල සංස්කරණය එදිනට මිලදී ගත හැකි අතර ඉංග්රීසි භාශා සංස්කරණය සඳහා පූර්ව ඇණවුම් කළ හැකි ය. සාමාන්ය මිල රුපියල් 3400.00 වන මෙම ග්රන්ථය එදින මිලදී ගැනීම් සහ ඇණැවුම් සඳහා මිල රු: 2400.00 කි.
මෙම අවස්තාවට සහභාගි වන ලෙස කතුවරයා ආරාධනා කර සිටී...!
(සටහන - ජයසිරි අලවත්ත)
