වෙනිසියුලාවේ විපක්ෂ නායක එඩ්මුන්ඩෝ ගොන්සාලෙස් (Edmundo Gonzalez) අත්අඩංගුවට ගැනීමට අධිකරණ වරෙන්තු නිකුත් කෙරේ.
එරට නීතිපතිවරයා විසින් ඊයේ (02) ඒ බව නිවේදනය කළේය.
ඉකුත් ජුලි මස පැවති එරට ජනාධිපතිවරණයේ සමස්ත නිල ප්රතිඵලය පිලිබඳ කුමන්ත්රණයේ යෙදීම සහ තවත් අපරාධ චෝදනා කිහිපයක් සම්බන්ධයෙන් විපක්ෂ නායකවරයා අත්අඩංගුවට ගැනීමට නියමිතය.
පොදු සේවා අඩාල කිරීම, රාජ්ය ලේඛන විකෘති කොට ප්රකාශයට පත් කිරීම, නීතියට පටහැනි අයුතු ජන රාශියට මහජනතාව පෙළඹවීම සහ වෙනිසියුලා රාජ්යට එරෙහිව කුමන්ත්රණය කිරීම එම චෝදනාවලට ඇතුළත් ය.
නීතියට පටහැනි අයුතු ජන රාශියට මහජනතාව පෙළඹවීම සහ වෙනිසියුලා රාජ්යට එරෙහිව කුමන්ත්රණය කිරීම
විපක්ෂය, ඒ සියලු චෝදනා තරයේ ප්රතික්ෂේප කරයි.
විපක්ෂ නායක අත්අඩංගුවට ගැනීමේ තීරණයත් සමග ජනාධිපති නිකොලස් මදුරෝ (Nicolas Maduro) ට එරෙහි විරෝධතා තවදුරටත් උත්සන්න වෙතැයි අපේක්ෂා කෙරේ.
ඉකුත් ජුලි මස පැවති එරට ජනපතිවරණයෙන්, හිටපු ජනපති මදුරෝ යලි ජයග්රහණය කළ බව, වෙනිසියුලා මැතිවරණ කාර්යාලය නිල වශයෙන් නිවේදනය කළේය.
එම ප්රතිඵලයට එරෙහිව, විපක්ෂ නායකවරයාගේ මූලිකත්වයෙන් රට පුරා දැවැන්ත මහජන උද්ඝෝෂණයක් දියත් කෙරිණි. ඉන් 27 දෙනකු මරණයට පත්ව, තවත් 2,400ක් පොලිස් අත්අඩංගුවට පත්වූහ.
ඉකුත් ජුලි මස පැවති එරට ජනපතිවරණයෙන්, හිටපු ජනපති මදුරෝ යලි ජයග්රහණය කළ බව
නිල මැතිවරණ ප්රතිඵලය විනිවිද භාවයෙන් තොර බව, එරට විපක්ෂය, ඇතැම් බටහිර රටවල් ඇතුළු ජාත්යන්තර සංවිධාන සහ එක්සත් ජාතීන්ගේ (UN) කමිටුවක් ද ප්රකාශ කළේය. ජනපතිවරණයේ ප්රතිඵලය, තොරතුරු සංඛ්යාලේඛන සහිතව ප්රකාශයට පත් කරන ලෙස ඔවුහු රජයට බල කර සිටියහ. එහෙත්, මැතිවරණ දින රාත්රී පරිගණක වෙත එල්ල වූ සයිබර් ප්රහාරයක් හේතුවෙන්, සංඛ්යාලේඛන සහිත සවිස්තර ජනපතිවරණ ප්රතිඵල විකාශයට බාධා සිදුවූ බව එරට මැතිවරණ කවුන්සිලය පවසයි.
වෙනිසියුලා නීතියට අනුව අධිකරණයෙන් වරදකරුවන් වන වයස අවුරුදු 70 ඉක්මවූ පුද්ගලයින් සිර මැදිරි තුළ රඳවා තැබීමේ ප්රතිපාදන නොමැති අතර, ඒ වෙනුවට ඔවුන් නිවාස අඩස්සියට පත් කෙරේ. අපරාධ චෝදනා යටතේ වරෙන්තු නිකුත් කර ඇති ගොන්සාලෙස් 75 වන වියට එළැඹියේ පසුගිය සතියේ දී ය.
(Reuters ඇසුරින් සටහන: හර්ෂ උදයකාන්ත)
මූලාශ්ර:
Venezuela issues arrest warrant for opposition leader Gonzalez, AG says
