රිපබ්ලිකන් පාක්ෂික, ඇමෙරිකානු ජනපති අපේක්ෂක ඩොනල්ඩ් ට්රම්ප් (Donald Trump) ඝාතනය කිරීමේ නවතම තැතක් ව්යර්ථ කිරීමට බුද්ධි අංශ නිලධාරීහු සමත්ව ඇත.
ෆ්ලොරිඩාවේ ( Florida) වෙස්ට් පාම් බීච් (West Palm Beach) හි ගොල්ෆ් ක්රීඩාවේ නිරත වෙමින් සිටියදී, හෙතෙම ස්නයිපර් තුවක්කු කරුවකුගේ ඉලක්කයට හසුව තිබේ.
ට්රම්ප් ගොල්ෆ් ක්රීඩාවේ යෙදී සිටි ස්ථානයට මීටර 365ත් 400ත් අතර දුරකින් පිහිටි ගොල්ෆ් ක්රීඩා පිටියේ ඉදිකිරීම් රේඛාවේ පඳුරු අතර සිට, ඉලක්කය ලබා ගනිමින් සිටි තුවක්කුකරු නිරීක්ෂණය කළ ආරක්ෂක අංශ, වහා ඔහුට වෙඩි තැබීය. සිද්ධිය වූ ස්ථානයේ තිබී AK-47වර්ගයේ ගිනිඅවියක් සහ වෙනත් උපකරණ කිහිපයක් සොයා ගෙන ඇත. ආරක්ෂක අංශ වෙඩි තැබීමත් සමග වෑන් රථයකින් පලා ගිය සැකකරු පසුව අත්අඩංගුවට ගෙන තිබේ.
මීට පෙර, පෙන්සිල්වේනියා (Pennsylvania) ප්රාන්තයේ පැවති ජන රැළියකදී ඔහු තවත් එවැනිම ඉලක්කයකට ගොදුරු විය. එහි දී ඔහුගේ දකුණු කන 'ලඟින් ගිය' ස්නයිපර් වෙඩි පහරකින් 'අනූනවයෙන්' දිවි බේරා ගැනීමට ට්රම්ප් සමත් වූයේය.
ආරක්ෂක අංශ වෙඩි තබා, තුවක්කුකරු ජීවිතක්ෂට පත් කළහ. ප්රහාරකයාගේ ගිනි අවියෙන් නිකුත් වූ වෙඩි උණ්ඩය 'ගෑවී නොගෑවී' යාමෙන් ට්රම්ප් ගේ දකුණු කන ට සුළු තුවාල සිදු විය.
තීව්ර මැතිවරණ සටනක් පවතින භූමියක, අපේක්ෂකයින්ගේ ජීවිතාරක්ෂාව වෙනුවෙන් 'ඊටත් වැඩි' සටනක නිරත වීමේ අභියෝගයට ආරක්ෂක අංශ මුහුණ දී සිටිති.
එක්සත් ජනපද ජනාධිපතිවරණයට තවත් ඇත්තේ සති 7ක් පමණි. එය, නොවැම්බර් 05 වන දා පැවැත්වීමට නියමිතය.
(Reuters ඇසුරින් සටහන: හර්ෂ උදයකාන්ත)
මූලාශ්රය :
Trump safe after new assassination attempt, suspect arrested
