ලෙබනනයේ දකුණු බීරුත් හි හිස්බුල්ලා අවි ගබඩා සංකීර්ණයක් වෙත ඊයෙත් (19) ඊශ්රායලය දැඩි ගුවන් ප්රහාර එල්ල කළේය. උතුරු ඊශ්රායලය වෙත ලෙබනන රොකට් ප්රහාරයක් එල්ල වීමත් සමග, එම පහර දීම සිදු විය.
ප්රදේශයෙන් වහා ඉවත්වන ලෙස මහජනතාව වෙත සිදු කෙරුණු කෙටි දැනුම්දීමකින් අනතුරුව, ඊශ්රායල ගුවන් හමුදා බීරුත් වෙත පිට-පිට ප්රහාර එල්ල කළ බව රොයිටර්ස් හා අල්ජසීරා පුවත් සේවා වාර්තා කළහ.
ලෙබනනයේ සිට දියත් කෙරුණු ඉරාන ඩ්රෝන ප්රහාරක යානා තුනක් ඊයේ, අග්රාමාත්ය බෙන්ජමින් නෙතන්යාහු සහ බිරිය සොයා ඊශ්රායලයට ඇතුළු විය. ඉන් එක් යානයක් උතුරු ඊශ්රායලයේ කැසරියා (Caesarea) හි පිහිටි ඔහුගේ පුද්ගලික නිවාඩු නිකේතනයකට කඩා වැදිණි. අනෙක් යානා දෙක එරටට ඉහළ අහසේදී සාර්ථකව විනාශ කළ බව ඊශ්රායල හමුදා පවසති. ප්රහාරයෙන් හානියක් සිදු වී නැතැයි ඊශ්රායලය පවසයි.
ඊශ්රායල අග්රාමාත්ය
"සිදු කෙරුවේ විශාල අත්වැරැද්දක් බව සිහි කැඳවා ගන්නැ"යි, ඊශ්රායල අග්රාමාත්ය සතුරු පාර්ශ්වයන්ට දැන්වීය. ඊශ්රායලය, ඉරානයට, අභිමත මොහොතේ පහර දීමේ චේතාන්විතව පසුවෙයි.
මේ අතර, ගාසා තීරයේ වෙරළබඩ ප්රදේශ ඉලක්ක කර ඊයේ එල්ල කළ ඊශ්රායල ප්රහාර වලින් 100කට අධික පලස්තීනුවන් පිරිසක් මියගොස් ඇතැයි, හමාස් මාධ්ය පැවසීය. සාමාන්ය පිරිස් අතර සැඟව සිට ප්රහාර එල්ල කරන හමාස් ත්රස්තයින් සොයා, එහි රෝහල් තුනක දැඩි ඊශ්රායල සෝදීසි මෙහෙයුම් ද ක්රියාත්මකය.
ළඟ එන ඇමෙරිකානු ජනපතිවරණය හමුවේ, සිය දේශ සීමා ආරක්ෂාව තරකරනුවස්, ඊශ්රායලය ගාසා තීරයේ සහ ලෙබනනයේ සිය හමුදා ක්රියාන්විත තවදුරටත් ව්යාප්ත කරමින් සිටී. විසිරී ඇති හමාස් සංවිධානය යළි ඒකරාශී වීම වැළක්වීම එහි ප්රධාන අපේක්ෂාවයි.
ඝාතනය වූ හමාස් නායක සින්වාර්
ඊයේ, ඊශ්රායලය දකුණු ගසා තීරයේ, ගුවන් මගින් අත් පත්රිකා තොගයක් විසුරුවා හැරීමටද කටයුතු කළේය. ඝාතනය වූ හමාස් නායක සින්වාර්ගේ රුව රැගත් එම අත් පත්රිකා මත, "ගාසා තීරය තව දුරත් හමාස් යටතේ පාලනය නොවේ" යනුවෙන් සඳහන්ව තිබු බව රොයිටර්ස් පවසයි.
ඊයේ පස්වරුවේ උතුරු ගාසාහි මහල් ගොඩනැගිල්ලක් වෙත එල්ල කළ ඊශ්රායල ප්රහාරයෙන් පමණක් 73 දෙනකුට අධික පරිසක් ඝාතනය ව, තවත් පුද්ගලයින් රැසක් තුවාළ ලබා ඇතැයි එහි සෞඛ්ය බලධාරීහු පවසති.
(Reuters ඇසුරින් සටහන : හර්ෂ උදයකාන්ත විසිනි)
මූලාශ්ර:
Israel pounds Beirut and Gaza after rockets hit Israel's north
