ඕස්ට්රේලියානුවන් විසින් අධ්යයන කටයුතු පිණිස ලබා ඇති ශිෂ්ය ණය 20%කින් කපා හරින බව එරට අග්රාමාත්ය ඇන්තනී අල්බනීස් (Anthony Albanese) අද ප්රකාශ කළේය.
ඒ අනුව, ඇමෙරිකානු ඩොලර් බිලියන 10.49 ක ශිෂ්ය ණය කපා හැරේ. එරට ශිෂ්යයින් සිය තෘතීක අධ්යාපනය වෙනුවෙන් ලබා ඇති මූල්ය ණය මෙසේ කපා හැරීම් මගින්, ඉකුත් මැයි මස අය වැය පොරොන්දු මත, රාජ්ය අධ්යාපන පිරිවැය දැරීම් වෙනුවෙන් දායකත්වය තහවුරු කර ඇතැයි රජය පවසයි.
මීට අමතරව, සිල්ලර ඖෂධ වෙළඳපොළ, අධික මිල නොවන පරිදි ඖෂධ නිෂ්පාදන ආයෝජන දිරිගැන්වීම සහ විශේෂ කුලී පදනම මත නිවාස හා ගොඩනැගිලි ලබා දීමේ වැඩසටහන්ද ක්රියාවට නැංවේ.
ශිෂ්ය ණය කපා හැරීමේ නවමු වැඩපිළිවෙළ, දැනටමත් විශාල අධ්යයන ණය ලබා සිටින ඔස්ට්ර්ලියානු සිසුන්ට ඉමහත් අස්වැසිල්ලක් වනු ඇතැයි, විශ්වාස කරන බවද, ඉදිරි වසරවල එම වැඩසටහන, තවත් ශිෂ්ය කොටස් වෙත යොමු කිරීමට අදහස් කරන බව ද, අග්රාමාත්යවරයා පැවසීය.
ණය කපා හැරීමේ වැඩසටහන මගින්, ඕස්ට්රේලියානු ඩොලර් 27,600 ලබා ඇති ශිෂ්යයකුගේ එම ණය මුදල ඕස්ට්රේලියානු ඩොලර් 5,520 කින් කපා හැරේ. ශිෂ්ය ණය ලබා ඇති ඕස්ට්රේලියානුවන් විසින්, වාර්ෂිකව ආපසු ගෙවිය යුතු ණය වාරික මුදල් අඩු කිරීම කෙරෙහිද සැලසුම් සකස් කරමින් ඇති බව අග්රාමාත්යවරයා ප්රකාශ කළේය.
ඔස්ට්රේලියාව තුළ ද මේ වන විට ජීවන වියදම සහ උධමනය ඉහළ යමින් පවතී. වත්මන, ඇමෙරිකානු ඩොලරයක වටිනාකම ඕස්ට්රේලියානු ඩොලර් 1.5246 කි.
(Reuters ඇසුරින් සටහන : හර්ෂ උදයකාන්ත විසිනි)
