ජාත්යන්තර අධිකරණයේ අපක්ෂපාතීත්වය පිලිබඳ ඊශ්රායලය ප්රශ්න කර සිටී.
ඊශ්රායල අග්රාමාත්ය බෙන්ජමින් නෙතන්යාහුට එරෙහිව වරෙන්තු නිකුත් කළ යුතුද, නැද්ද යන්න විනිශ්චය කිරීම පිණිස ජාත්යන්තර අධිකරණය විසින් නම් කරන ලද විනිසුරුවරියක සම්බන්ධයෙන් එම, නවතම ප්රශ්නගත අර්බුදය පැන නැගී තිබේ.
ගාසා තීරයේ මනුෂ්ය ඝාතන සම්බන්ධයෙන් අග්රාමාත්ය නෙතන්යාහු, එවකට ඊශ්රායල ආරක්ෂක අමාත්ය යෝව් ගැලන්ට් සහ තවත් හමාස් නායකයින් තිදෙනකු අත්අඩංගුවට ගැනීමට වරෙන්තු නිකුත් කරන්නැයි ජාත්යන්තර අපරාධ අධිකරණයේ ප්රධාන නඩු පැවරුම් නිලධාරී, කරීම් ඛාන් (Karim Khan) විසින්, පසුගිය මැයි මස එම අධිකරණයෙන් ඉල්ලා සිටියේය.
අදාළ ඉල්ලීම ඉටු කිරීමට ජාත්යන්තර අධිකරණයේ විනිසුරු මඬුල්ලක අනුමැතිය අවශ්ය වේ. එහෙත්, ඊට එරෙහි ඊශ්රායල විරෝධතා හමුවේ, විනිසුරු තීරණය ප්රමාද විය.
ඒ හමුවේ, වරෙන්තු නිකුත් කිරීම පිලිබඳ සමාලෝචනය කරන ත්රිපුද්ගල විනිශ්චය සභාවේ සාමාජික රොමේනියානු විනිසුරු ඉයුලියා මොටොක් (Iulia Motoc) සෞඛ්ය හේතූන් මත පසුගිය දා ඉන් ඉවත් වීමට ඉල්ලා සිටියාය. එම පුරප්පාඩුවට ස්ලෝවේනියා ජාතික විනිසුරුවරියක වන බෙටී හොහ්ලෙර් (Beti Hohler) පත් කෙරිණි.
එහෙත් ඇය, පසුගිය දෙසැම්බරයේ ජාත්යන්තර අපරාධ අධිකරණයේ විනිසුරුවරියක ලෙස පත්වීම් ලැබීමට පෙර, එහි ප්රධාන නඩු පැවරුම් නිලධාරී ඛාන් යටතේ සේවය කළ තැනැත්තියක බව ඊශ්රායල නීතිපති දෙපාර්තමේන්තුව ප්රකාශ කළ බව, රොයිටර්ස් පුවත් සේවය අද නිවේදනය කළේ.
ජාත්යන්තර අපරාධ අධිකරණය (ICC) හෙවත් නෙදර්ලන්තයේ හේග් අධිකරණය, සිය ප්රධානියකුට එරෙහිව ලිංගික අපචාර සම්බන්ධයෙන් පරීක්ෂණ ආරම්භ කිරීමට සැරසෙන බව පසුගිය දා අනාවරණය විය. එහි පාලක මණ්ඩලයේ ප්රධාන නඩු පැවරුම් නිලධාරී කරීම් ඛාන් (Karim Khan) ට එරෙහිව ලිංගික අපචාර චෝදනා යටතේ එම පරීක්ෂණ සිදු කිරීමට නියමිතය.
ඊශ්රායල අග්රාමාත්ය බෙන්ජමින් නෙතන්යාහු, එරට හිටපු ආරක්ෂක අමාත්ය සහ හමාස් නායකයින් තිදෙනකු අත්අඩංගුවට ගෙන හේග් අධිකරණය වෙත ඉදිරිපත් කිරීමට වරෙන්තු නිකුත් කරන ලෙස, තමා විසින් ඉකුත් මැයි මස කරන ලද ඉල්ලීමක් සම්බන්ධයෙන්, ජාත්යන්තර අපරාධ අධිකරණයේ විනිසුරු මඬුල්ලක් විසින් සිදු කෙරෙන සමාලෝචනයක් අලලා, සිය කාර්යාලය විසින්ම සාවද්ය තොරතුරු මත, දින වකවානු සහ අත්සන් රහිත පෙත්සමක් මගින්, ඔහුට එරෙහි චෝදනා එල්ල කර ඇතැයි, ඛාන් පසුගියදා ප්රකාශ කළේය.
ඒ අනුව, ජාත්යන්තර අපරාධ අධිකරණයේ, අග්රාමාත්ය නෙතන්යහුට එරෙහි චෝදනා සම්බන්ධයෙන් සමාලෝචනය කිරීමට තරම් හොහ්ලෙර් සතු අපක්ෂපාතීත්වය හෙළි කරන ලෙස, ඊශ්රායලය 'ගෞරවාන්විතව' ඉල්ලා සිටින්නේ යැයි, එරට නීතිපති දෙපාර්තමේන්තුව පවසයි.
ඇය නව ධුරයට පත්වීමට පෙර ජාත්යන්තර අපරාධ අධිකරණයේ ප්රධාන නඩු පැවරුම් නිලධාරී යටතේ සේවය කළ තැනැත්තියක වීම, විනිවිද භාවය පිලිබඳ යම් සාධාරණ සැකයකට තුඩු දෙන බවට අනෙකුත් අධිකරණ විනිසුරුවරුන් විසින් ද මත පල කර තිබේ.
මානව සංහාර අපරාධ චෝදනා මත අග්රාමාත්ය නෙතන්යාහු, එවක ඔහුගේ ආරක්ෂක අමාත්යවරයා සහ හමාස් ප්රධානීන් තිදෙනකු අත්අඩංගුවට ගැනීමට වරෙන්තු නිකුත් කරන ලෙස ඉකුත් මැයි මස ඛාන් විසින් ජාත්යන්තර අධිකරණයෙන් විශේෂ ඉල්ලීමක් සිදු කෙරිණි. ඔහු විසින් නම් කරන ලද හමාස් නායකයින් තිදෙනාම මේ වන විට ඝාතනය වී ඇතැයි විශ්වාස කෙරේ.
උද්ගතව ඇති නවතම ගැටලුකාරී තත්ත්වය හමුවේ, ජාත්යන්තර අපරාධ අධිකරණ විනිසුරු මණ්ඩලය විසින් අදාළ අත්අඩංගුවට ගැනීම් පිලිබඳ තීරණය නිකුත් කිරීමේ නිශ්චිත දින වකවානු දින නියමියකින් තොරව කල් දමා ඇති මුත්, තවත් තෙමසක් ඇතුළත ඒ පිලිබඳ අවසන් තීරණ ලබා දීමට අපේක්ෂා කරන බව ප්රකාශ කර තිබේ.
(Reuters ඇසුරින් සටහන : හර්ෂ උදයකාන්ත විසිනි)
මූලාශ්ර:
Israel questions ICC judge's impartiality in Netanyahu arrest case
සබැඳි පුවත් :
හේග් අධිකරණයේ පාලක මණ්ඩල ප්රධානියාට ලිංගික අපචාර චෝදනා
