ටෙහෙරාන් විද්යා හා තාක්ෂණ විශ්වවිද්යාලයට එල්ල වූ බෝම්බ ප්රහාරයට ප්රතිචාර වශයෙන් මැදපෙරදිග කලාපයේ පිහිටි ඊශ්රායල සහ අමෙරිකානු විශ්වවිද්යාල ඉලක්ක කර ප්රහාර එල්ල කරන බව ඉරාන විප්ලවීය ආරක්ෂක බලකාය (IRGC) නිවේදනය කර තිබේ.
කලාපයේ ඇති අමෙරිකානු විශ්වවිද්යාලවල සියලු කාර්යය මණ්ඩල සාමාජිකයන්, සිසුන් සහ ඒ අවට පදිංචිකරුවන්ට එම ස්ථානවලින් ඉවත්ව සිටින ලෙසට ඉරාන ඉස්ලාමීය විප්ලවීය ආරක්ෂක බලකාය දන්වා ඇති බව එහි සඳහන්ය.
කලාපයේ එක්සත් ජනපද ආයතනවලට සිදු කරන ප්රහාර එල්ල කිරීම වැළැක්වීම සඳහා එක්සත් ජනපදය ඉරාන විශ්ව විද්යාලවලට බෝම්බ හෙලීම හෙළා දැකිය යුතුය. අදාළ හෙළාදැකීම මාර්තු 30 වෙනිදා ඉරාන වේලාවෙන් දහවල් 12:00 ට පෙර සිදු කළ යුතු බවට ද ඉරාන ඉස්ලාමීය විප්ලවීය ආරක්ෂක බලකාය දැනුම්දී ඇති බව විදෙස් මාධ්ය වාර්තාවල වැඩිදුරටත් දැක්වෙයි.
එසේ නොවන්නේ නම්, ඉරානයේ දැඩි පළිගැනීමේ මෙහෙයුම්වලට මුහුණ දීමට සිදුවනු ඇති බවට ඉරාන විප්ලවීය ආරක්ෂක බලකාය අනතුරු ඇඟවීමක් කර ඇත.
මෙම සිදුවීමත් සමඟ මැදපෙරදිග කලාපයේ පවතින උණුසුම්කාරී තත්ත්වය අධ්යාපන ක්ෂේත්රය දක්වා ව්යාප්ත වීමේ දැඩි අවදානමක් මතුව ඇති බව දේශපාලන විචාරකයෝ පෙන්වා දෙති.
ඊශ්රායලය සහ අමෙරිකාව ඒකාබද්ධව සිදුකරන ඉරානයට එරෙහි යුද මෙහෙයුම ආරම්භ කර අදට (29) දින 30ක් ගතවී ඇත.
මුලාශ්ර :
Iran war live: Tehran warns US, Israeli universities; Houthis fire missiles
IRGC warns US, Israeli universities in West Asia of being "legitimate targets" after strikes on Iranian institutions
