ලෝක කුසලාන පාපන්දු තරගාවලියේ හටගත් තවත් අවුලක් හේතුවෙන් උරුගුවේ කණ්ඩායමට අමෙරිකාව ට ඇතුළු වීමට සිදුවුනේ ඔවුන්ගේ ආරම්භක තරගය ආරම්භ වීමට පැය 24කට අඩු කාලයක් තිබියදී.
උරුගුවේ අද (සඳුදා) ඔවුන්ගේ පළමු තරගය සෞදි අරාබිය ට එරෙහිව මයාමි ගාඩ්න්ස් හිදී ක්රීඩා කිරීමට නියමිතව තිබෙන්නේ පස්වරු 6.00 ට (22:00). මේ අනුව ක්රීඩකයින්ට තරගය ආරම්භ වීමට පෙර තැන්පත් වීම සඳහා ඉතිරිව තිබුනේ පැය 24කට වඩා අඩු කාලයක්.
මෙක්සිකෝවේ සිට අමෙරිකාව ට පියාසර කිරීමේදී තමන්ට අත්විඳින්නට සිදුවූ කරදර සම්බන්ධයෙන් උරුගුවේ සංචිතය අමෙරිකාව ට හා ජාත්යන්තර පාපන්දු සම්මේලනයට (FIFA) වරද පැවරුවා. ඔවුන්ගේ ප්රධාන පුහුණුකරු හා නායකයාට තරගයට පෙර දිනයේ අනිවාර්ය මාධ්ය සාකච්ඡාවට සහභාගි වීමට නොහැකි වීමෙන් දඬුවම් විඳීමේ අවදානමටද ඔවුන් මුහුණ පා සිටියා.
උරුගුවේ කණ්ඩායම ගමන් කිරීමට මුලින් නියමිතව තිබූ ගුවන් යානය සම්බන්ධයෙන් ඇතිව තිබූ අස්ථානගත ලිපි ඇතුළු පරිපාලනමය ගැටළු නිසා එයට පිටත් වීමට අවසර දී නැති අතර අලුත් ගුවන් ගමනක් සකස් කිරීම සඳහා නිලධාරීන්ට බොහෝ වෙහෙස වීමට සිදුවූ බව පැවසෙනවා.
කණ්ඩායම් 48ක් සහභාගි වන ලෝක කුසලාන තරගාවලියේ සියලු සංචාරක කටයුතු බාරව සිටින්නේ FIFA.
මෙක්සිකෝවේ ප්ලයා ඩෙල් කාමෙන් නගරයේ පුහුණු වන උරුගුවේ කණ්ඩායම ඉරිදා එහිදී පුහුණු සැසියක් පැවැත්වූවා. එතැන් සිට කිලෝමීටර් 72ක් පමණ දුරින් පිහිටි කැංකූන් නගරයේ ගුවන්තොටුපලට උරුගුවේ සංචිතය පැමිණි විට, ඔවුන්ට අමෙරිකාව ට ඇතුළු වීම සඳහා අවසර දී නැති බව දැනගන්නට ලැබුණා.
ඔවුන් රැගෙන ඒම පිණිස දෙවැනි ගුවන් යානයක් දකුණු ෆ්ලොරිඩාවේ සිට පැමිණෙමින් තිබෙන බවත් ඒ අතරතුර ක්රීඩකයින් කැංකූන් අසල නිවාඩු නිකේතනයක රැඳී සිටින බවත් උරුගුවේ පාපන්දු සම්මේලනයේ (AUF) පැවසුවා. තමන්ගේ පාලනයෙන් තොර ප්රශ්න නිසා කණ්ඩායමට මෙක්සිකෝවෙන් පිටත් වීම ප්රමාද වූ බව AUF නිවේදනයක් මගින් කියා සිටියා. පිටත්වීම සඳහා FIFA විසින් ලබා දී තිබෙන අලුත් වේලාව පස්වරු 4.15 බවත් (21.15 GMT) ඔවුන් ප්රකාශ කළා.
සිදුවූ මේ ප්රමාදය පිළිබඳව ගුවන් යානා සමාගම සමාව ඉල්ලා සිටි බව FIFA සඳහන් කළා.
මේ හේතුවෙන් උරුගුවේ පුහුණුකරු හා නායකයාට දකුණු ෆ්ලොරිඩාවේ ඉරිදා පැවැත්වීමට මුලින් නියමව තිබූ මාධ්ය සාකච්ඡාවට සහභාගි වීමට නොහැකි වුණා. එබැවින් එම සාකච්ඡාව පැය කිහිපයක් පසුවට ගෙනැවිත් තිබූ අතර එයට ඒ දෙදෙනා සහභගි වුණා.
මේ අතර, දකුණු අප්රිකාවේ පැවති ලෝක කුසලාන පළමු තරගයට පෙර කණ්ඩායම රැගෙන යාමේ ගුවන් යානයක් ප්රමාද වීම පිළිබඳව හිටපු ආක්රමණශීලී ක්රීඩක Diego Forlan පැමිණිලි කළ 2010 වසරේ ඡායාරූපයක් උරුගුවේ කණ්ඩායම ඔවුන්ගේ සමාජ මාධ්යයේ බෙදා හැර තිබෙනවා.
මේ තරගාවලියේදී, ජනාධිපති ඩොනල්ඩ් ට්රම්ප්ගේ ආගමන නීති විසින් ලෝක කුසලාන තරගාවලියට සම්බන්ධ පුද්ගලයන්ට ජීවිතය අපහසු කළ පළමු අවස්ථාව මෙය නෙවෙයි.අප්රිකාවේ හොඳම පාපන්දු තරග විනිසුරු ඔ්මාර් ආර්තාන් ට ලෝක කුසලාන තරගාවලියේ නිල කටයුතුවල යෙදීම පිණිස අමෙරිකාව ට ඇතුළු වීමට ඉඩ දුන්නේ නැහැ.FIFA සහ අමෙරිකාව අතර බලධරය බොහෝ දෙනෙකුට හිරිහැරදායක වී තිබෙනවා.
අමෙරිකාව සමග යුද්ධය අද නතර කළ ඉරානය ට අනුව, අමෙරිකාවේ පැවැත්වෙන තරග තුනට සහභාගි වීම සඳහා ඉරාන පාපන්දු සම්මේලනයට පූර්ණ ප්රවේශය ලබා දෙන බවට දුන් පොරොන්දු ඉටු කිරීමට FIFA සභාපති ජියානි ඉන්ෆන්ටීනෝ අසමත්ව සිටිනවා.
(සටහන : වර්නන් ගුණසේකර)
'ද ලීඩර්' ක්රීඩා වාර්තාකරු
