නත්තල් නිවාඩුව ගතකිරීමට ඇමරිකාවට ගොස් පවුලේ සාමාජිකයින් සමග විනෝදයෙන් කල්ගත කළ මුදල් අමාත්යවරයා
දිවයිනට පැමිණි වහාම කැබිනට් මණ්ඩල සංශෝධනයට අදාල කටයුතු ආරම්භ කිරීමට නියමිත බව ජනාධිපති කාර්යාල ආරංචිමාර්ග පවසයි.
එම ආරංචිමාර්ග වලට අනුව මුදල් අමාත්යවරයා යලි මෙරටට පැමිණීම සඳහා අද (30) ඇමරිකානු වේලාවෙන් පස්වරු 3.00ට පමණ එරටින් පිටත්වීමට නියමිතය.
ජනාධිපතිවරයා විසින් ජනවාරි 18 දා පාර්ලිමේන්තුව යලි විවෘත කිරීමට පෙර කැබිනට් සංශෝධනයක් කිරීමට නියමිත බවත් බොහෝවිට ජනවාරි 14 දා එය සිදුවනු ඇති බවත් ඉහත ආරංචිමාර්ග වැඩිදුරටත් පවසයි.
මෙවර කැබිනට් සංශෝධනයේදී උදය ගම්මන්පිලගේ අමාත්ය ධුරයේ වෙනසක් අනිවාර්යයෙන්ම සිදුවනු ඇතැයි පැවසේ.
මෙවර අයවැයෙන් අමාත්යංශවලට මුදල් වෙන් කිරීමේදී නාමල් රාජපක්ෂ අමාත්යවරයාගේ අමාත්යංශයට කුඩම්මාගේ සැලකිලි දක්වා එම අමාත්ය ධුරය නමට පමණක් සිමා කර ඇතැයි අගමැතිවරයාගෙන් මුදල් අමාත්යවරයාට එල්ලවී ඇති චෝදනා හමුවේ, නාමල් රාජපක්ෂ අමාත්යවරයාට තරුණ කටයුතු හා ක්රීඩා කටයුතු වලට අතිරේකව ඩිජිටල් තාක්ෂණ අමාත්ය ධුරයද එක්කරනු ඇතැයි පැවසේ. ඔහු දැනට ඩිජිටල් තාක්ෂණ රාජ්ය අමාත්යවරයා ලෙස කටයුතු කරයි.
2024 ජනාධිපතිවරණයේ අපේක්ෂකත්ව සම්බන්ධයෙන් නාමල් රාජපක්ෂ සමග සිතල යුද්දයක නිරත මුදල් අමාත්ය බැසිල් රාජපක්ෂ මෙවර අයවැයේදී අමාත්යංශ සඳහා මුදල් වෙන් කිරීමේදී නාමල් රාජපක්ෂගේ අමාත්යංශයට මිට ඉහත වසරේ දී වෙන් කර තිබු මුදලින් සියයට 60කටත් වැඩි ප්රමාණයක් කප්පාදු කර ඇතයි රාජපක්ෂ පවුලෙන් මැසිවිලි නැගෙමින් පවතී.
රාජපක්ෂලා එළවීම හූවේ සීමාවත් පනියි ! | මොණරවිලගේ ලියමන
රාජපක්ෂ ප්රයිවෙට් ටුවර් ඇන්ඩ්ට් රැවල්ස් ප්රයිවෙට් ජෙට් !
සර් රාජපක්ෂලාටත් හූව පටන් ගත්තා
