වෙළෙඳපොළ ක්රියාකාරකම් සක්රීයව පැවතුණද, ගෝලීය අර්බුද හමුවේ ව්යවසායකයෝ ප්රවේශම්කාරී පියවරක
සේවා සහ කර්මාන්ත ක්ෂේත්ර ශක්තිමත්ව ඉදිරියට; කෘෂිකර්මාන්තයේ වර්ධනය තවමත් සීමිතයි
මැදපෙරදිග කලාපයේ උද්ගතව ඇති නොසන්සුන්කාරී වාතාවරණය හේතුවෙන්, 2026 වසරේ දෙවන කාර්තුව තුළ මෙරට ව්යාපාරික ක්ෂේත්රයේ විශ්වාසය සුළු පසුබෑමකට ලක්ව ඇති බව ශ්රී ලංකා මහ බැංකුවේ නවතම සමීක්ෂණ වාර්තාවක් පෙන්වා දෙයි. රට තුළ වෙළෙඳ, නිෂ්පාදන සහ ආයෝජන කටයුතු යහපත් අතට හැරෙමින් පැවතුණද, ජාත්යන්තර මට්ටමින් පවතින අවිනිශ්චිතතාව හමුවේ දේශීය ව්යාපාරිකයින් ඉදිරි පියවර තැබීමේදී පෙරට වඩා ප්රවේශම්කාරී පිළිවෙතක් අනුගමනය කරන බව පෙනී යයි.
ව්යාපාරික තත්ත්ව දර්ශකය මඳක් පහළට
මෙරට ආර්ථිකයේ ප්රධාන ක්ෂේත්ර නියෝජනය කරන ප්රමුඛ පෙළේ සමාගම් 100ක පමණ අදහස් විමසමින් මහ බැංකුව විසින් සකස් කරන ‘ව්යාපාරික තත්ත්ව දර්ශකය’ (Business Condition Index) පළමු කාර්තුවේදී 104ක් ලෙස සටහන් වූ අතර, එය දෙවන කාර්තුවේදී 101 දක්වා ලකුණු තුනකින් පහත වැටී තිබේ.
මෙම දර්ශකයේ සාමාන්ය මධ්යස්ථ මට්ටම ලකුණු 100 ලෙස සලකනු ලබයි. දර්ශකය 100ට ඉහළින් පැවතීමෙන් අදහස් වන්නේ ව්යාපාරික පරිසරය තවදුරටත් යහපත් මට්ටමක පවතින බවයි. එබැවින් ව්යාපාරිකයන් ආර්ථිකයේ ප්රකෘතිමත් වීම පිළිබඳ බලාපොරොත්තු අත්හැර නොමැති වුවද, පවතින අභියෝග හමුවේ ඔවුන් දැඩි අවධානයකින් යුතුව කටයුතු කරන බව මෙයින් ගම්ය වේ.
කර්මාන්ත සහ සේවා ඉදිරියට - කෘෂිකර්මාන්තය එකතැන
මෙම කාර්තුවේදී ව්යාපාරික විශ්වාසයේ යම් පසුබෑමක් දක්නට ලැබුණේ ප්රධාන වශයෙන්ම කෘෂිකාර්මික හා ඇතැම් කාර්මික අංශවල දක්නට ලැබුණු මන්දගාමී වර්ධනය නිසාවෙනි. කෙසේ වෙතත්, සේවා අංශය සිය ශක්තිමත් වර්ධනය අඛණ්ඩව පවත්වා ගැනීමට සමත් වී තිබේ.
කර්මාන්ත සහ සේවා ක්ෂේත්රය:
වෙළෙඳපොළ තුළ භාණ්ඩ හා සේවා සඳහා වන ඉල්ලුම සහ අලෙවිය ඉහළ මට්ටමක පවත්වා ගනිමින් රටේ ව්යාපාරික ක්රියාකාරකම් සක්රීයව තබා ගැනීමට මෙම අංශ ප්රධාන වශයෙන් දායක විය.
කෘෂිකාර්මික ක්ෂේත්රය:
කෘෂිකර්මාන්තයේ ක්රියාකාරිත්වය තවමත් මධ්යස්ථ මට්ටමක පවතින අතර, අනෙකුත් අංශ හා සසඳන විට එහි කැපී පෙනෙන වේගවත් පිබිදීමක් මෙතෙක් දක්නට නොලැබේ.
අනෙක් අතට, පවතින බාහිර අභියෝග මධ්යයේ වුවද තම කර්මාන්තශාලා සහ ව්යාපාරික ධාරිතාවන්ගෙන් උපරිම ප්රයෝජන ගැනීමටත්, අලුතින් ආයෝජනය කිරීමටත් ව්යාපාරිකයින් තුළ ඇති උනන්දුව පසුගිය වසරට වඩා සැලකිය යුතු ලෙස වර්ධනය වී තිබීම සාධනීය ප්රවණතාවකි.
අමුද්රව්ය වියදම් සහ බැංකු ණය පහසුකම්
පසුගිය වසරට සාපේක්ෂව සියලුම අංශවල නිෂ්පාදන වියදම් (අමුද්රව්ය හා ප්රවාහන වියදම්) මෙන්ම නිමි භාණ්ඩවල වෙළෙඳපොළ මිල ගණන්ද ඉහළ ගොස් ඇති බව මහ බැංකුව සඳහන් කරයි. භාණ්ඩ මිල ඉහළ යෑම ආයතනික ආදායම්වලට හිතකර වුවද, වැඩිවන නිෂ්පාදන පිරිවැය ඒ අයුරින්ම පාරිභෝගිකයා මත පැටවීමට නොහැකි ව්යාපාරවල ලාභ ප්රතිශතය අඩුවීමටඑය සෘජු බලපෑමක් එල්ල කරයි.
මේ අතර, ව්යාපාර කටයුතු සඳහා බැංකු ණය ලබාගැනීමට ඇති ඉල්ලුම ඉහළ ගොස් ඇති අතර, ණය ලබා ගැනීමේ හැකියාව සාමාන්ය මට්ටමක පවතී. කෙසේ වෙතත්, වෙළෙඳපොළේ පවතින අපේක්ෂිත මට්ටමට වඩා වැඩි ණය පොලී අනුපාතික සහ සමාගම්වල පවතින මූල්ය සීමාවන් හේතුවෙන් නව ආයෝජන සඳහා ණය ලබාගැනීම යම් තරමකට සීමා වී ඇති බව ඇතැම් ව්යවසායකයෝ පෙන්වා දෙති.
ඉදිරි කාර්තුව ගැන සුබවාදී අපේක්ෂා
ගෝලීය නොසන්සුන්තා ක්රමයෙන් සමනය වනු ඇතැයි අපේක්ෂා කරන එළඹෙන තෙවන කාර්තුවේදී, ව්යාපාරික විශ්වාසය යළි ශක්තිමත් වී දර්ශකය 107 දක්වා ඉහළ යනු ඇතැයි පුරෝකථනය කර ඇත. විශේෂයෙන්ම කර්මාන්ත සහ සේවා අංශවල මෙහෙයවීමෙන් වෙළෙඳපොළ ඉල්ලුම සහ අලෙවිය තවදුරටත් ඉහළ යනු ඇතැයි ගණන් බලා තිබේ.
එසේ වුවද, කෘෂිකාර්මික ක්ෂේත්රයේ පවතින මන්දගාමී බව මෙන්ම පුහුණු හා නුපුහුණු ශ්රම හිඟය ඉදිරියේදීත් ආර්ථික වර්ධනයට ප්රධාන අභියෝගයක් විය හැකි බව වාර්තාව වැඩිදුරටත් පෙන්වා දෙයි.
වැඩිදුර කියවීම සඳහා මූලාශ්රය:
Lanka News - Business Confidence Slips As Middle East Uncertainty Threatens Recovery
