1200 x 80 DMirror

 
 


විරෝධය ප්‍රබල වන්නේ එය සාමකාමී වුවහොත් පමණක් බව රැඩිකල් මැද සාමූහිකය (රැඩිකල් සෙන්ටර්) අවධාරණය කර සිටියි.


හිටපු අමාත්‍ය මංගල සමරවීර විසින් ආරම්භකළ 'රැඩිකල් මැද සාමූහිකය' එබව සඳහන් කර ඇත්තේ, මාධ්‍ය නිවේදනයක් නිකුත් කරමිනි.

අප්‍රේල් 03 රට පුරා සංවිධානය කිරීමට නියමිත විරෝධතාවයට එක්වන මිනිසුන් වෙත ආයාචනයක් කර මින් එම සාමුහිකය පවසන්නේ, ප්‍රචණ්ඩ ක්‍රියා ඇතිකොට පුරවැසි විරෝධය කෙලසන කූට සැලසුම් පරදමු කියාය.  

'රැඩිකල් සෙන්ටර්' වෙනුවෙන්, ජයනි අබේසේකර - හරේන්ද්‍රන් ක්‍රිෂ්ණසාමි - කෙෂාල් ජයසිංහ - සී. එස්. කොඩිතුවක්කු - ෆිරෝ ෆාරුක් යන අයගේ අත්සනින් යුතුව අද (අප්‍රේල් 01) නිකුත්කර ඇති  නිවේදනයේ මෙසේ සඳහන් වේ.


සාමයත් එක්ක විරෝධය සැරයි!


අප්‍රේල් 03 රට පුරා විරෝධයට එක්වන ඔබේ අවධානයටයි.

කිසිසේත්ම මේ විරෝධතාවය ප්‍රචණ්ඩත්වය කරා රැගෙන නොයාම අපේ වගකීමයි. එවැන්නක් සිදුවුවහොත් ඉන් වාසි ලබන්නේද ජන පීඩක ආණ්ඩුවයි. එමනිසා පහත කරුණු ගැන සැලකිලිමත් වන්න.

1. විරෝධතාවයට පැමිණි පසු තමන් අවට සිටින අය සමග කතාබහ කොට ඔවුන් හඳුනාගන්න.

2. පිරිස අතරින් නායකත්වයට කීපදෙනෙක් පත්කරගන්න.

3. කිසිවිටෙකත් ආවේගශීලී නොවන්න. තමන් අසල කෙනෙක් ආවේගශීලීව ක්‍රියාකරන්නට පෙළඹේ නම් ඔහු/ඇය ඉන් වළක්වන්න.

4. කිසිවෙකුගේ දේපොලවලට හානි නොකරන්න. මෙවන් විරෝධතාවයක එවන් ක්‍රියාවන් කරන අය සැබවින්ම විරෝධතා ව්‍යාපාරය පාවාදෙන්නන්‍ ය.

5. ගැටුම් ඇති කරනොගන්න. තමන් ශිෂ්ට පුරවැසියෙක් බවත් ආණ්ඩුව අශිෂ්ටව හැසිරෙන බවත් ආදර්ශයෙන් පෙන්වන්න.

6. සෑම විටම තමන්ගේ අසල්වැසියා ගැන අවධානයෙන් පසුවන්න. සැක කටයුතු බවක් දැනුනොත් නායකත්ව පිරිසට දන්වන්න.

7. මෙය යම් පක්ෂයක් හෝ කණ්ඩායමක් විසින් සංවිධානය කරන විරෝධයක් නොවේ. ඔබ මෙන්ම ඔබ අවට සිටින අය ද ස්වාධීන පුරවැසියන් ලෙස මීට සහභාගි වන අයයි. එම නිසා, ඔබ අවට සිටින සගයෙක් අතින් ඔබට එකඟ නොවිය හැකි යමක් සිදු වේ නම්:
a. . ඔවුන් ව ඉන් වැළැක්වීමට උත්සාහ කරන්න
b.. ඔවුන් දිගට ම එය කරන්නේ නම් ඔවුන්ගෙන් හැකි තාක් ඈත් ව හිඳින්න
c තවදුරටත් ඔබට ආරක්ෂිත නොවේ යැයි හැඟ‍ේ නම්, එතනින් ඉවත්වන්න.

මෙය ඔබේත් මගේත් ජිවත්වීමේ අයිතිය වෙනුවෙන් දක්වන විරෝධයක් මිස ජීවිත අහිමි කරන ලේ හලන ප්‍රචණ්ඩත්වයක් නොවන බව සිහිතබාගන්න.

8. හැකි සෑම විටම පොලිස් සහ ආරක්ෂක නිලධාරීන් සමග සුහද ව සහයෝගයෙන් කටයුතු කරන්න. ඔවුන්ද අප මෙන්ම පීඩාවට ලක්වුනු අයයි.

 

විරෝධය ප්‍රබල වන්නේ එය සාමකාමී වුවහොත් පමණි. පුරවැසි විරෝධයට ජය!

රැඩිකල් මැද සාමූහිකය

 
The Leader TV අද වීඩියෝ 

subscribeYT

subscribeYT

WhatsApp Image 2021 09 13 at 13.49.58

නවතම පුවත්